Wednesday, September 21, 2016
ကိုယ်တိုင်ရေးရာဇဝင်
#ကိုယ်တိုင်ရေးရာဇဝင်..
အမှန်တရားအတွက်..
ခံယူချက်တိုက်ပွဲတွေ
ပြင်းထန်ခဲ့ကြ..။
စီးကြောင်းတစ်ခုလိုမျောပါခြင်းမှာ
ခေတ်တွေဟာ
ရိုးသားမှုတွေကိုပါတိုက်စားခဲ့ကြ..။
မီးစင်ကြည့်က ရတဲ့ဘဝမှာ
ခေါင်းမာခြင်းဟာ..
ခဏ ခဏ လက်ပူတိုက်ခံရတဲ့အခါ
လောကဓံကိုအပြစ်တင်ကြ..။
ယုံကြည်ချက်တွေပြန်နွှေးကြ
အိပ်မက်တွေကို ဆုပ်ကိုင်ထားကြ
ဘဝ ဟာ
ကြုံ ရာပြကွက်နဲ့ ဆွဲဆောင်တဲ့အခါ
အတ္တတွေလည်း
ဖုတ်ပူမီးတိုက် အသက်ဝင်ကြ..။
ဒီနေ့
ဒီည
မနက်ဖြန်
မသေချာဘူး..
ရှာဖွေကြ
အမှန်တရားတွေ ရှာဖွေကြ..
ချန်ခဲ့ကြ
ရိုးသားမှုတွေချန်ခဲ့ကြ..
ငါတို့မပါတော့မယ့်
အနာဂါတ်အတွက်
သမိုင်းလှလှတစ်ပုဒ်စီ
ရေးခဲ့ကြ..။ ။
#စောအေးချမ်း
Subscribe to:
Post Comments (Atom)
No comments:
Post a Comment