ကောလိယ ဒိုက်ဦးသမိုင်းအကျဉ်း

ဒိုက်ဟူသောစကားမှာမွန်စကား”ဍာ်”ကိုမြန်မာအသံထွက်ဖြင့်ခေါ်ရာမှ ”ဒိုက်”ဟုဖြစ်လာခြင်းဖြစ်သည်။ ရေဟုအဓိပ္ပါယ်ရသည်။”ဦး”မှာမွန်စကား”ဟဦး”ကိုမြန်မာအသံဖြင့်ခေါ်ရာမှ ”ဦး”ဖြစ်လာခြင်းဖြစ်သည်။ လျှံခြင်း၊ကြီးခြင်းဟုအဓိပ္ပါယ်ရသည်။ ထိုကြောင့်ဒိုက်ဦး်၏အဓိပ္ပါယ်မှာရေလျှံခြင်းရေကြီးခြင်းတနည်းအားဖြင့် ရေဖုံးလွှမ်းရာအရပ်ဟုဆိုရပေမည်။ နောက်တမျိုးပြောကြသည်မှာ ၁၈၇၈ခုနှစ်တွင်ရန်ကုန်မှပြွန်တန်ဆာအထိ မီးရထားလမ်းဖေါက်လုပ်ရာတွင်ယ္ခုဒိုက်ဦးတည်နေရာ၌အိုးအိမ်များမရှိပဲနှင့် နှစ်ထပ်ဘူတာရုံဆောက်လုပ်ခဲ့သည်။ ထိုကြောင့်ပတ်ဝန်းကျင်ကျေးရွာများဖြစ်သောဖအောင်ဝဲ၊ ဖောင်တော်သီ၊ကမာဖရုံ၊ကတုတ်၊ရှမ်းစု၊ဆာပါခြုံ၊ရွှေအင်ဒုံ၊ ဆင်စခန်း၊ဖအောင်းစုရွာများမှခရီးသွားလိုသည့်အခါဆိုက်ဆိုက် မြိုက်မြိုက်ဦးတိုက်လာရ၍ ဆိုက်ဦး၊တိုက်ဦးမှ ဒိုက်ဦးဖြစ်လာသည်ဟုဆိုသည်။ အထောက်အထားအဖြစ်ပထမဦး ဆုံးမြို့ပိုင်ဦးအောင်ကျော်၏သမီးအုတ်ဂူတွင်တိုက်ဦးဟုရေးထိုးထားသည်ကိုတွေ့ရသည်။ တရုတ်တန်းလမ်းယ္ခုအောင်ချမ်းသာလမ်းမှစတင်၍လူနေအိမ်များစတင်ပေါ်ပေါက်လာသည်။ ဒိုက်ဦးရွာကိုဒရယ်မီးရွာသူကြီးဦးလယ်ရောက်ကပူးတွဲ၍စတင်အုပ်ချုပ်သည်။ ၁၉၀၈ခုနှစ်တွင်မြို့အဆင့်သို့တိုးမြှင့်သည်။ ဆိုကြသည်မှာရှေးဘုရင်များလက်ထပ်လွန်ခဲ့သောနှစ်ပေါင်း(၁၀၀၀)ခန့်က ”သစ်ထိန်ညင်”ဟုအမည်တွင်ခဲ့ပြီးအမတ်ကြီးဟန်အပိုင်စားရသောရွာဂါ မဖြစ်သည်။ တည်နေရာ၊အကျယ်ဝန်း မြောက်လတ္တီတွဒ် ( ၈၇ံ၊၅၀ ) ၊အရှေ့လောင်ဂျီကျု့ ( ၉၇ံ၊၄၈ )တွင်တည်ရှိ ကားလမ်းမိုင်တိုင်အမှတ် ( ၇၀ ၊ ၀ )မှ( ၈၈ ၊ ၀ )ထိ ရထားလမ်းမိုင်တိုင်အမှတ် ( ၆၆ ၊ ၀ ) မှ ( ၈၄ ၊ ၁၄ ) အထိနှင့်အလျား(၂၆)မိုင် ၊ အနံ (၁၉)မိုင်။ဧရိယာစတုရန်းမိုင် ( ၄၇၉.၀၃ )နှင့်( ၃၁၈၀.၉၇ )ဧကရှိသည်။ အရှေ့ဘက်တွင်စစ်တောင်းမြစ်၊အနောက်ဘက်တွင်ပဲခူးရိုးမကြိုးဝိုင်းသစ်တော တောင်ဘက်တွင်ပဲခူးမြို့၊မြောက်ဘက်တွင်ပြွန်တန်ဆာမြို့တို့တည်ရှိသည်။ မြို့ပေါ်ရပ်ကွက်(၉)ရပ်ကွက်၊ကျေးရွာအုပ်စု(၄၄)၊ကျေးရွာငယ်ပေါင်း(၁၇၈)ရွာတို့ပါဝင်သည်။ ၁။ပုဂံကွဲ ၂။အုတ်သျှစ်ကုန်း ၃။စစ်ဗိုလ်ကြီး ၄။တောင်သလဲမြောင် ၅။မှော်အင်း ၆။ဗျက်ကြီး ၇။ဆာပါခြုံ ၈။ဒိုးတန်း ၉။ဆင်ဇလုပ် ၁၀။မရမ်းချောင်း ၁၁။ပျဉ်ပုံလေး ၁၂။တကောင်း ၁၃။ရွှေအင်ဒုံ ၁၄။ကလိ ၁၅။ဒရယ်မီး ၁၆။ကမာဖရုံ ၁၇။ဖအောင်းစု ၁၈။ကျွန်းကုန်း ၁၉။သပြေတန်း ၂၀။သရက်တော ၂၁။သဲတော ၂၂။အိမ်ခြေလေးဆယ် ၂၃။ဖအောင်ဝဲ ၂၄။ပနွတ် ၂၅။သုံးခွ ၂၆။မဂ်လွန်း ၂၇။ပုကိုင် ၂၈။ဖောင်တော်သီ ၂၉။ပေါက်တပင် ၃၀။ပျဉ်းမလွင် ၃၁။ရှမ်းစု ၃၂။ပသွယ် ၃၃။အင်းသဇင် ၃၄။ပွဲတမော့ ၃၅။ကံကလေး ၃၆။ဂုံညင်းတန်း ၃၇။ဘောနီ ၃၈။ဗျိုင်းသွယ် ၃၉။မအူတန်း ၄၀။တမံကြီး ၄၁။ကတုတ်ဘုရားကြီး ၄၂။ကျိုက်စကောအရှေ့ ၄၃။ကျိုက်စကောအနောက် ၄၄။အေးသုခတို့ဖြစ်သည်။ ရှေးခေတ်ကျောင်းများ ဒုတိယကမ္ဘာစစ်မတိုင်မှီနှစ်ပေါင်း(၂၀)လောက်က ဦးရွှေမြိုင်ကျောင်း(ယ္ခုဆောက်လုပ်ရေးဝန်းမှ ( ၉၁၉ )အိမ်အထိ ( aided school ) အင်္ဂလိပ်လက်ထက်တွင်KEM ကျောင်း(king's of Edward Middle School ) ယ္ခုအ.ထ.က ဒိုက်ဦးအနီးဟုယူဆ ကန်ဦးအ.ထ.က(ဒုတိယကမ္ဘာစစ်အပြီး)လက်ရှိကန်ဦးဘုန်းကြီးကျောင်း ဂျပန်ကျောင်း(ဒရယ်မီးဘုန်းကြီးကျောင်းဝင်း) ဆရာချစ်လက်ရေးတိုသင်တန်းကျောင်း ယ္ခုကျောင်းများ အထက်တန်းကျောင်း (ဒိုက်ဦး၊ဖောင်တော်သီ၊ကျိုက်စကော) အ.ထ.က ခွဲ (ကတုတ်ဘုရားကြီး၊ဖအောင်ဝဲ၊သုံးခွ၊လက်ပံသုံးခွ၊ဒိုက်ဦးအလယ်တန်းကျောင်း) အလယ်တန်းကျောင်း(ဗျက်ကြီး၊တောင်သလဲမြောင်၊အိမ်ခြေလေးဆယ်၊အေးသုခ) ဘကကျောင်း (ကန်တော်မင်္ဂလာ၊လက်ပံသုံးခွ၊ကွင်းမြှောင်၊အုတ်သျှစ်ကုန်း၊ လက်ခုပ်ကွင်း၊ကတုတ်ဘုရားကြီး၊အလံပြ၊ပုဂံကွဲ၊အိုးဖိုစု၊ကျိုက်စကော၊ကုန်းဝိုင်းကြီး၊ပနွတ်) စာတိုက်များ ( ဒိုက်ဦး၊ဖောင်တော်သီ၊ကတုတ်ဘုရာကြီး) စာကြည့်တိုက်များ (မြို့ဦးစာကြည့်တိုက်၊မြို့ပါတ်လမ်းအမှတ်(၂)ရပ်ကွက်။ ဒေါ်ခင်မြင့်မြင့်စာကြည့်တိုက်၊မြို့ဝင်လမ်း(၅)ရပ်ကွက်။ ဒို့ခေတ်စာကြည့်တိုက်၊အောင်ချမ်းသာလမ်း(၂)ရပ်ကွက်။) ဒိုက်ဦးမြို့နယ်၏သမိုင်းဝင်လှုပ်ရှားမှုများ တောင်သူလယ်သမားတော်လှန်ရေးတွင်ဆရာစံနှင့်အတူမင်းလမ်း(၁)ရပ်ကွက် (ယ္ခုဒေါ်ကျင်ဋ္ဌေး)ဦးမြသောင်းအိမ်တွင်ဂဠုန်တပ်ဖွဲ့များဖွဲ့စည်းခဲ့သည်။ လက်ပံသုံးခွရွာသားဆရာချစ်ဦးဆောင်၍မြက်နီကွင်းတိုက်ပွဲ၊ရွှေညောင်ပင်တိုက်ပွဲ၊ ဘူးတစ်ရာတိုက်ပွဲများဆင်နွဲခဲံ့သည်။ဆရာချစ်နှင့်သူပုန်တပ်သား(၁၀)တို့ အဖမ်းခံရပြီးညှင်းပန်းနှိပ်စက်ကာခေါင်းဖြတ်အသတ်ခံခဲ့ရသည်။ ၁၉၁၈၊၁၉၁၉တွင်ဆရာတော်ဦးဥတ္တမနှင့်ဖအောင်ဝဲကျေးရွာ မန္တလေးကျောင်းတိုက်ဆရာတော်ဦးညေးယျ၊ ဦးကောဝိဒတို့သည်ကန်ဦးကျောင်းဓမ္မာရုံတွင်နယ်ချဲ့ဆန့်ကျင်ရေးတရားများဟောပြောခဲ့သည်။ ၁၉၃၈၊၁၉၃၉တွင်ဒို့ဗမာအစည်းအရုံးမှသခင်ကိုယ်တော်မှိုင်း၊သခင်တင်၊ သခင်ထွန်းလှတို့ကန်ဥိးဓမ္မာရုံတွင်(မဦးတန်ဆောင်းဟုယူဆ) နယ်ချဲ့ဆန့်ကျင်ရေးတရားများဟောပြောခဲ့သည်။ ၁၃၀၀ပြည့်ရေနံမြေသပိတ်တွင်KEMကျောင်းသားများ၊ ကျောင်းသားသမဂ္ဂဦးထွန်းအောင်၊ဦးပါ၊ဦးညွန့်၊ဦးကျောက်တို့သည် ကန်ဦးကျောင်းတိုက်မဦးဓမ္မာရုံတွင်စည်းဝေးတိုင်ပင်လျက်သပိတ်တိုက်ပွဲများပါဝင်ဆင်နွဲခဲ့သည်။ ၁၉၄၇ခုနှစ်ဖေဖေါ်ဝါရီလတွင်ဗိုလ်ချုပ်အောင်ဆန်းသည်ဒိုက်ဦးတာဆုံတွင်တရာဟောခဲ့သည်။ ဖအောင်ဝဲရွာသားဦးတိုးသည်ဖက်ဆစ်တော်လှန်ရေးတာဝန်ခံဖြစ်ပြီး ဗိုလ်မြဒင်၊ဗိုလ်ဘကျင်တို့နှင့်အတူလက်တွဲကာသေနတ်(၆)လက်တည်းနှင့် အောင်စိုးမိုးကျေးရွာတောင်ဘက် တံတားဖြူ(ခြောက်လောင်းတံတား)မှဖက်ဆစ်ဂျပန်တို့ကို ဒိုက်ဦးသားများနှင့်ပူးပေါင်းကာတိုက်ပွဲဝင်ခဲ့သည်။ ဒိုက်ဦးမှစစ်တောင်းဘက်သို့ဖြတ်ထွက်လာသောဂျပန်တပ်မကိုလည်းလိုက်လံတိုက်ခိုက်ခဲ့သည်။ ပြည်တွင်းစစ်တိုက်ပွဲများတွင်ဒိုက်ဦးတာဆုံတိုက်ပွဲ၊ရှမ်းစုတိုက်ပွဲ၊ ကတုတ်လက်ခုပ်ကွင်းတိုက်ပွဲများကအထူးထင်ရှားသောတိုက်ပွဲများဖြစ်သည်။ ရှမ်းစုတိုက်ပွဲတွင်ရဲဘော်လှသောင်းအားအောင်ဆန်းသူရိယဘွဲ့၊ ထောက်လှမ်းရေးတပ်ကြပ်ခင်မြင့်အားသီဟသူရဘွဲ့ကိုလည်းကောင်း၊ ကတုတ်တိုက်ပွဲတွင်ဆေးမှုးကြီးမွန်ထော်သက်ညွန့်အား သူရဘွဲ့ကိုလည်းကောင်းနိုင်ငံတော်မှချီးမြှင့်ခဲ့သည်။ ၁၉၅၀၀န်းကျင်မှစ၍ဒိုက်ဦးသားများ၏စွမ်းဆောင်မှုများသည်မြန်မာသာမက ကမ္ဘာပါကျော်စေခဲ့သူများရှိခဲ့သည်ကိုအလွယ်တကူလေ့လာနိုင်ပါသည်။ သမိုင်းစဉ်ဆက်ဘယ်တုန်းကမှမညံ့ခဲ့သောဒိုက်ဦး ဘယ်သူမှမမှု၊ဘယ်သူမှမတုပခဲ့သောဒိုက်ဦးအားအစဉ်အမြဲတန်ဖိုးထားနိုင်စေရန်ရည်ရွယ်၍ သမိုင်းသိမှသမိုင်းသစ်မည်။ စစ်သွေးအိမ်(ဒိုက်ဦး)

“ ကျနော်ပြောချင်တဲ့ဒိုက်ဦးမြို့က ဒို့ခေတ်စာကြည့်တိုက်လေးအကြောင်း ”

ဒီစာကြည့်တိုက်လေး သန္ဓေတည်လာဖို့ဆိုတာ ၂၀၀၇ ကစလုပ်ဖြစ်ပေမယ့် တကယ်တော့ အဲဒီထက်ဆယ်စုနှစ်လောက်စောပြီး ဆန္ဒတွေရှိနေခဲ့တာပါ။ ကျနော်တို့ကစာချစ်တဲ့သူတွေဆိုတော့ ကိုယ့်လိုပဲကောင်းတဲ့စာပေစာမွန်လေးတွေ ကိုပြန်လည်ပြီးမျှဝေလိုတဲ့စေတနာတွေကစပါတယ်။ အဲဒီခေတ်ကာလတွေတုန်းက တည်းကလည်းကျနော်တို့ဟာ ဒိုက်ဦးမြို့ရဲ့စာချစ်သူတွေအတွက်တတ်နိုင်သ လောက်အကောင်းဆုံးတင်ဆက်မျှဝေ ပေးနေခဲ့တာပါ.။ဒီအတွက်ဘာတွေမှမျှော်လင့်မှုမရှိခဲ့ပါဘူး။ သို့ပေမယ့်လို့ကောင်း သောတုန့်ပြန်မှုတော့လိုချင်ခဲ့ပါတယ်။သို့ပေမယ့်.....သို့ပေ မယ့်ပေါ့လေ ။ထားလိုက်ပါတော့။ ကျနော်ပြောချင်တာက ဒို့ခေတ်စာကြည့်တိုက် ။ ဒါလေးဖြစ်တည်လာဖို့အစပျိုးခဲ့တဲ့မီးတောက်လေးကိုနည်းနည်းပြောပြတာပါ။ ကျနော် တို့စာကြည့်တိုက်လေးလုပ်မယ်လို့ဆိုတော့ ကျနော်တို့မှာငွေကြေးအင် အားမရှိဘူး။ ဒါနဲ့ပဲကျနော်တို့မြေနေရာရနိုင်မယ့်နေရာကိုစဉ်းစားတော့ ဘုန်းကြီး ကျောင်းတွေထဲမှာဆိုရင် ရနိုင်တယ်လို့တွေးမိတယ်။ ဒါနဲ့ပဲကျနော်တို့ ကြိုး စားကြည့်တယ်ဗျ။ သို့ပေမယ့်လို့ အမှန်အတိုင်းပြောရရင်ဘယ်သူမှလက်မခံခဲ့ကြဘူး။ စာကြည့်တိုက်ဆိုတာကို ဘုန်းကြီးကျောင်းကဘာလို့လက်မခံတာလည်းဆိုတာကို သိချင်ခဲ့တာတော့အမှန်ပဲ။ ကျနော်တို့က ဘာမှမလှူမတန်းထားလို့လား။ ကျနော်တို့ မဟုတ်တာလုပ်နေတဲ့သူတွေကြောင့်မိုလို့လား။ ကျနော်တို့ဟာ မြို့ပေါ်ရဲ့ကြေးရည် တက်လူတန်းစားထဲမှာမပါတာကြောင့်မိုလို့လား။ စသည်ဖြင့်ပေါ့။ဖြစ်ချင်တော့ မြို့ရဲ့ အဖျားနားက ဘုန်းကြီးကျောင်းတစ်ကျောင်းက လက်ခံခဲံ့တယ်။ လက်ခံတယ်ဆိုတာ ကလည်း အဲဒီဘုန်းကြီးကျောင်းကိုတော်တော်များများလှူတန်းထားတဲ့ ဒကာတစ် ယောက်ရဲ့ သားကကျနော်တို့အုပ်စုထဲမှာပါနေတာကအဓိကကျပါတယ်။ အဲဒါနဲ့ အဲဒီဘုန်းကြီးကျောင်းလေးထဲမှာ အဆောက်ဦးဆောက်ဖို့ဘုန်းကြီးနဲ့တိုင်ပင် ဆွေးနွေးမိတဲ့အခါ ကျနော်တို့ရဲ့ကြွယ်ဝ ချမ်းသာမှုကိုသဘောပေါက်သွားတဲ့ဆရာတော်က သူရဲ့တစ်ပါးကျောင်းလေးကို စွန့်တော်မှုခဲ့ပါတယ်။ ခက်ချင်တော့ အဲဒီတစ်ပါးကျောင်းလေးက ကျောင်းအနောက် ဖက်မှာဆိုတော့ ကျောင်းရှေ့ဖက်ကိုရွေ့ဖို့ခက်ပြန်ရော။ ဘာလို့လည်းဆိုတော့ ကျနော်တို့မှာ ငွေအင်းအားကနည်းနေတာကြောင့် အပိုအကုန်မခံချင်တာပါ။ ဒါနဲ့ပဲ ကျနော်အပါအ၀င်လူငယ်တွေနဲ့ အဲဒီကျောင်းလေးကိုမရွေ့ဖို့ ကြိုးစားကြသေး တယ်။ ကျောင်းဝန်းထဲမှာရှိတဲ့ဝါးပိုးဝါးပင်တွေခုတ်ပြီးဖ်ြစ်နိုင်မလားလို့ပေါ့။ သို့ပေ မယ့်လို့ကျောင်းကတုတ်တုတ်တောင်မလှုပ်ရှာပါဘူး။ဒါနဲ့ပဲကယ်မတတ်နိုင်တော့ဘူး။ ဖျက်ချပြီးအသစ်ပြန်ဆောက်ကြစို့လို့ မလုပ်ချင်လုပ်ချင်နဲု့ဆုံးဖြတ်လိုက်ရတယ်။ ဖျက် ဆိုတော့လည်းစောစောကပြောတဲ့လူငယ်တွေနဲ့ပဲဝိုင်းဖျက်ကြတာပါပဲ။ ကျနော်က တော့အလုပ်သမားကြီးကြပ်ရေးမှူးပေါ့။ ဖျက်တဲ့နေရာမှာ အပျက်အဆီး အလေအလွင့်နည်းအောင်ကြီးကြပ်ရတာပေါ့။ သူတို့လုပ်လို့မဖြစ်နိုင်ဘူးဆိုရင် ကိုယ် တိုင်ဝင်လုပ်တော့အလုပ်သမားဖြစ်။ ကျနော်မှာ လေးလက်မသံတောင်ဖ၀ါးအလယ် တည့်တည့် စူးမိပါသေးတယ်။ ထားပါဦး။ အဲပြီးတော့လက်သမားခေါ်ဆိုတော့ ကိုယ် ရောစိတ်ပါလုပ်ပေးနေတဲ့ညီတစ်ယောက်က သူခေါ်ပေးမယ်ဆိုပြီးပြောလို့ လက်ခံလိုက်ပါတယ်။ ပိုက်ဆံသာယူသွားပြီး ပြီးအောင်မလုပ်လို့ မရှိတဲ့ကြားထဲက ငွေတစ်သောင်းဆုံးသွားပါသေးတယ်။ အဲဒီလက်သမားကစေတနာ ပါပါနဲ့တိုင်လေးတော့ထောင်သွားပေးရှာပါတယ်။ အဲဒါနဲ့ကျနော်လည်းနောက်ထပ် လက်သမားထပ်ရှာရတော့တာပေါ့။ ဒီတစ်ခါက ကိုယ့် ရပ်ကွက်ထဲကလူတွေဆိုတော့ လုပ်ပေးကြပါတယ်။ ခက်တာက ပုတ်ပြတ်ပေး ပေမယ့်လို့ သူတို့ကနေ့စားနဲ့လုပ်ပေးကြတာပါပဲ။ သူတို့နှစ်ရက်လုပ်သွားတာ ဘေးထရံကာဖို့နဲ့ ပြူတင်းပေါက်ရယ် တံတားရယ်ပဲကျန် တော့တဲ့အချိန်မှာ ကျနော်သူတို့ကို ပိုက်ဆံလိုနေသေးတယ်ဆို တဲ့အကြောင်းပြချက်နဲ့ ရပ်လိုက်ပါတယ်။ တကယ်တော့ ပိုက်ဆံထပ်အကုန်မခံနိုင် တော့လို့ကျန်တဲ့ဟာတွေကိုကိုယ်ဘာသာလုပ်မယ်ဆိုပြီး ရပ်လိုက်တာပါ။ တကယ်လည်း ဘေးပါတ်ပါတ်လည်ထရံကာတာတွေ ပြူတင်းပေါက် ဖေါက်တာတွေ တံတားခင်းတာတွေကိုကျနော်ကိုယ်တိုင်ပဲလုပ်ခဲ့တာပါ။ဝိုင်းကူကြတဲ့သူတွေလည်း ပါတာပေါ့။ ကျနော်တစ်ယောက်ထဲတော့မဟုတ်ပါဘူး။လက်သမားလိုစရွေးတော့ မကျပေမယ့်လို့ အဆောက်ဦးလေးတစ်ခုလိုတော့ဖြစ်သွားခဲ့ပါတယ်။ နောက်ကျန်တာ စာအုပ်စင်ကိစ္စ။တော်သေးတာက သူငယ်ပရိဘောဂလုပ်တဲ့တစ်ယောက်က စင်လေး ရိုက်ပေးတယ်။သစ်ကတော့ ကျနော်တို့ အရိုင်းသစ်ကို အလုံးလိုက်ဝယ်ပြီး စက်မှာခွဲ တယ်။ ဒါလည်းကျနော်ကိုယ်တိုင်သွားဝယ် သွားခွဲလုပ်ခဲ့တာပါပဲ။ ကြွားတယ်လို့ထင် မိကြရင်လည်းခွင့်လွှတ်ကြဗျာ။ စာအုပ်တွေလိုက်စုတော့လည်းကိုယ့်လိုစာသမားတွေ အိမ်ပေါ်ထိတက်ပြီး အလှူခံတာထက် အနိုင်ကျင့်တာဆိုပိုပြီးမှန်ပါတယ်။ အဲလိုနဲ့ နောက်ဆုံးတစ်ခုဖြစ်တဲ့ စာကြည့်တိုက်နာမည်ပေးဖို့ပဲကျန်ပါတော့တယ်။ အဲဒါလည်း ကျနော်ပဲနာမည်သုံးခုရွေးခဲ့ပြီး ကျန်တဲ့သူတွေကိုဘယ်နာမည်ကြိုက်လည်းဆိုတာကိုထပ်ရွေးခိုင်းခဲ့တာပါ။ သူတို့က လည်းကျနော်ပဲရွေးပါလို့ဆိုလို့ရွေးရတာလည်းဖြစ်ပါတယ်။ ဒါပြီးရောလားဆိုတော့ မပြီးသေးပါဘူး။ စာအုပ်ငှားကဒ်ပြားလုပ်ဖို့ကျန်နေတာကိုလည်း ကျနော်ပဲဆက်လုပ်ခဲ့ တာပါ။ အဲဒီကဒ်ပြားမှာရေးထားတဲ့လိုဂိုလေးကလည်းကျနော်ပဲရေးထားခဲ့တာပါ။ ( ဓါတ်ပုံမရှိ သေးလို့ရှိတဲ့အခါတင်ပေးပါ့မယ် ) ကျနော်ရေးတဲ့လိုဂိုက စာအုပ်ပုံကို စာအုပ်အလယ်ကနေ အပေါ်ကိုပျံတက်နေတဲ့သဏ္ဍန်နဲ့ အဲဒီအောက်မှာကြယ်တစ် လုံးပုံလေးပါ။ အဲဒီလိုစာအုပ်အလယ်ကပျံတက်နေတဲ့ဟာကအဓိကပါပဲ။ ဘာဖြစ်လို့ လည်းဆိုတော့ ခွပ်ဒေါင်းရဲ့သဏ္ဍန်ကိုယူပြီးထည့်ထားခဲ့တာမိုလို့ပါ။ အတီအကျတော့ ထည့်လို့မဖြစ်ပါဘူး။ကျနော်တို့စာကြည့်တိုက်ဖွင့်တဲ့အချိန်က ရွှေဝါရောင်တော်လှန် ရေးကာလထဲမှာဖြစ်နေလို့ပါပဲ။ အောက်ကကြယ်တစ်လုံးဆိုတာကတော့ တမင်ထည့်ထားတာမဟုတ်ပါဘူး။ ပုခုံးပေါ်ကကြယ်တွေကို ထိုးဖေါက်ပျံသန်းမယ် ဆိုတဲ့သဘောနဲ့ပါ။ ( နောက်ပိုင်းအဲဒီလိုဂိုလေးကိုပြောင်းလည်းလိုက်တော့ ရင်ထဲမှာ တော်တော်ဝမ်းနည်းမိတယ် ) တကယ်ဆိုဒို့ခေတ်စာကြည့်တိုက်ဟာ ဒိုက်ဦး မြို့မှာ ပြည်သူတွေအထဲကအစောဆုံးဖွင့်တဲ့စာကြည့်တိုက်လို့ပြောလို့ရပါတယ်။ကျနော်တို့ဖွင့်တဲ့အချိန်မှာတုန်းက အပြောခံရပါသေးတယ်။ ဒီကောင်တွေက အစိုးရကိုဖား တဲ့အကောင်တွေဆိုပြီးတော့လေ။ တကယ်က တချို့ပြင်းတန်တဲ့သူတွေ ကလည်းတော်တော်လေးပြင်းပြင်းထန်ထန်တုန့်ပြန်မှုကို ကျနော်တို့ဖက်ကလည်းပြင်းပြင်းထန်ထန်ကိုတုန့်ပြန်ခဲ့ကြပါတယ်။ တစ်ယောက်နဲ့ တစ်ယောက်စကားမပြောတော့တဲ့အထိဖြစ်ခဲ့ကြပါတယ်။ တကယ်တော့ ကျနော်တို့ တတွေစိတ်ထဲမှာ ဒေါ်အောင်ဆန်းစုကြည် အခွင့်ရေးရတဲ့အခိုက်မှာ ကျနော်တို့မြို့မှာ ပြောသွားတဲ့ ပညာရေးက အရေးကြီးတယ်ဆိုတဲ့စကားကစိတ်ထဲမှာ စွဲနေတာပါ။ အဲဒီစကားကြောင့်လည်း ကျနော်တို့ဒီစာကြည့်တိုက်လေးကိုဖင်မနိုင်ပဲ ပဲကျည်းဟင်းစားခဲ့ကြတယ်ဆိုလည်း မမှားပါဘူး။အဲဒီလိုနဲ့ ဒို့ခေတ်စာကြည့်တိုက်လေးကို ၂ . ၇ . ၂၀၀၇ နေ့ကစပြီးအသက်ဝင်လာခဲ့ပါ တယ်။ အဲဒီလိုအသက်ဝင်လာခါနီးမှာ စာအုပ်တွေချုပ်တဲ့လုပ်ငန်းကိုလည်း လူငယ် တွေဝိုင်းဝန်းပြီးလုပ်ဆောင်ခဲ့ကြပါ တယ်။သူတို့တတွေဝိုင်းလုပ်ချင်အောင် ဘုန်းကြီးကျောင်းဝန်းထဲမှာပဲ ဖဲရိုက်ခဲ့ကြ တာကိုတော့ ကျနော်တားပေမယ့်လည်း ခွင့်ပြုပေးခဲ့ရပါတယ်။ လူငယ်တွေဆိုတော့ လာပြီးဝိုင်းလုပ်ပေးချင်စိတ်ရှိအောင်ဆိုတဲ့ဆင်ခြေကို ကျနော်လက်မြှောက်ပေးခဲ့ရ တယ်ဆိုပါတော့။ ကျနော်တစ်ခွန်းပဲပြောနိုင်ခဲ့ပါတယ်။အဲဒါကကြည့်လုပ်ကြပါ အလွန် အကျွံမဖြစ်ပါစေနဲ့လို့ပဲဖြစ်ပါတယ်။ ဒီနေရာမှာနည်းနည်းလောက်ဖြတ်ပြောချင်တာက လူငယ်တွေရဲ့အားပဲဖြစ်ပါတယ်။ ကျနော်တို့တစ်လနှစ်လဆိုတဲ့အချိန်လေးအတွင်းမှာ စုစည်းမိလိုက်ယုံလေးနဲ့ ကျနော် တို့မြို့နယ်ရဲ့သမိုင်းမှာ ပထမဦးဆုံးစာကြည့်တိုက်လေးကိုထူထောင်မိခဲ့တာပါပဲ။ အကယ်၍များ ကျနော်တို့လူငယ်တွေ အဲဒီလိုစုစုစည်းစည်းနေခဲ့မယ်ဆိုရင်ဖြင့် ကျနော်တို့မြို့လေးအတွက်ခွန်အားသစ်တွေအစဉ်အမြဲတိုးပွားနေမှာအသေအချာပါ ပဲ။တကယ်လည်းကိုယ်ရတဲံ့မုန့်ဖိုးလေးကနေ ဖဲ့ပြီးကိုယ်ရောစိတ်ပါဝိုင်းလုပ်ခဲ့ကြတဲ့ လူငယ်တွေကို ဒီနေရာကနေကျေးဇူးတင်ကြောင်းမှတ်မှတ်ယယပြောလိုပါတယ်။ တစ်ဦးချင်းစီမပြောနိုင်တာကိုတော့နားလည်ပေးစေချင်ပါတယ်။ သို့ပေမယ့်လို့အားလုံးထဲကနေ ထုတ်ပြီးကျေးဇူးတင်သင့်တဲ့သူတွေလည်းရှိပါတယ်။ အဲဒီသူတွေက ကျနော် သူငယ်ချင်းစာရင်းထဲမှာရှိကြတဲ့ ကိုသန့်ရှင်းထွဏ်း ကိုစည်သူ မအိနှင့်းထက် တို့ပဲဖြစ်ပါတယ်။ ကိုသန့်ရှင်းထွဏ်းဆိုရင်လည်း အိမ်ထောင် ကျသွားမှပဲ စာကြည့်တိုက်နဲ့ပက်သက်ပြီးဝိုင်းမလုပ်တော့ပေမယ့်လို့ အရေးပေါ်လာတဲ့အချိန်တွေမှာ လိုအပ်သလိုဝိုင်းကူနေတုန်းပါပဲ။ ကိုစည်သူကတော့ ကျနော်အတွက် ဒီစာကြည့်တိုက်လေးဆောက်လုပ်နေစဉ်ကာလမှာ တကယ်အားကိုး ရတဲ့သူပါ။ သူကလည်းခက်တာက စာကြည့်တိုက်လေးလုပ်လို့ မပြီးခင်မှာ မိန်းမခိုးပြေးသွားတယ်။ ( စည်သူရေ စိတ်မရှိနဲ့ ) နောက်မအိနှင်းထက် ဆိုတာကလည်း ကျနော်တို့ စာကြည့်တိုက်လုပ်မယ်လို့ဆိုပြီးအလှူခံတဲ့အချိန် ငွေ တစ်သောင်းတိတိလှူလိုက်တာက အဲဒီအချိန်တုန်းကအလှူခံလို့ရတဲ့အထဲမှာ သူအများဆုံးပါပဲ။ နောက်စာကြည့်တိုက်အတွက်အလှူငွေလိုရင်လိုသလိုထည့်ဝင် လှူဒါန်းပေးသလို စာအုပ်တွေလည်းလာလှူပေးနေတုန်းဖြစ်ပါတယ်။ ကျနော်တို့က သာသူတို့ရဲ့အဖွဲ့လေးကို ဘာမှမထောက်ပံ့ပေးနိုင်ခဲ့တာပါ။ သူကတော့ယနေ့ထိလို့ ပဲပြောရတော့မှာပါပဲ။ အော်နောက်တစ်ခုကျေးဇူးတင်ရမှာက ပဲခူးမြို့က ကော်စမိုပို လီတန် စာကြည့်တိုက်ကိုပါပဲ။ အဲဒီစာကြည့်တိုက်ကနေ ကျနော်တို့စာအုပ်တော်တော် များများကို အလှူခံရရှိခဲ့ပါတယ်။ နောက်စာအုပ်ရှိတဲ့ နေရာတွေကိုလည်းလိုက်ပို့ပေးခဲ့ပေမယ့် လည်းကျနော်တို့မ၀ယ်နိုင်ခဲ့ပါဘူး။ စာအုပ်တွေကတော့စာအုပ်အကောင်းတွေဖြစ်ပါ တယ်။ အရင်တုန်းကထုတ်ဝယ်ခဲ့တဲ့ ပထမအကြိမ်စာအုပ်တွေချည်းပါပဲ။ တကယ်လို များလက်ထဲမှာလုံလုံလောက်ငွေကြေးရှိခဲ့မယ်ဆို တော်တော်ကောင်းမှာ။ဒါပေမယ့် လည်း သက်ပြင်းချခဲ့တာနဲ့ပဲအဆုံးသတ်ခဲ့ရပါတယ်။ ဒီလိုနဲ့စာကြည့်တိုက်လုပ်ငန်း လည်ပါတ်တော့မယ်ဆိုတော့ ကျနော်တို့ဒီစာကြည့်တိုက်ကိုဦးဆောင်လုပ်ခဲ့တဲ့သူအား လုံးက စာကြည့်တိုက်ပုံစံနဲ့ သွားမလားဆိုတာကိုတော်တော်လေးစဉ်းစားခဲ့ကြပါတယ်။ တကယ်လို့များစာကြည့် တိုက်ပုံစံနဲ့သွားခဲ့မယ်ဆိုရင် လူထုနဲ့နီးစပ်မှုမရှိဘူးလို့ကျနော်တို့သုံးသပ်မိကြတာနဲ့ အငှားဆိုင်ပုံစံနဲ့ စာကြည့်တိုက်ပုံစံကိုရောမွှေလိုက်တယ်။ စည်းကမ်းချက်တွေတင်း တင်းကျပ်ကျပ်ထားတာကိုလျော့ချပစ်လိုက်တယ်။ ကျနော်တို့အားလုံးက စာအုပ်တွေ ပျောက်သွားခဲ့မယ်ဆိုရင်ဘယ်လိုလုပ်မလည်းဆိုတဲ့အဖြေကတစ်ခုထဲ ထွက်ခဲ့ကြပါတယ်။ ဘာလည်းဆိုတော့ တကယ်လို့စာအုပ်ကိုယူသွားတဲ့သူဟာ အဲဒီ စာအုပ်ကို သူမဖတ်မိဘူးထားဦး တစ်ချိန်မှာတော့ဖတ်မိနိုင်ပါတယ်။ငါတို့လုပ်တာကလည်းလူတွေကိုစာဖတ်စေချင်တာ ဖြစ်တဲ့အတွက် ပျောက်ဆုံးသွားတဲ့စာအုပ်တွေအစား ပြန်ဖြည့်နိုင်အောင်ကြိုးစားကြ တာပေါ့လို့ပဲဖြစ်ပါတယ်။ ဒီလိုနဲ့စာကြည့်ုတိုက်လုပ်ငန်းလေးလည်ပါတ်ဖို့အတွက် ကျနော်တို့မှာလူတစ်ယောက်ငှားရပါတယ်။ အဲဒါကိုတော့ ရဲမိသားစုထဲကမိန်းကလေး တစ်ယောက်ရပါတယ်။ လစာက ( ၁၅၀၀၀ )နဲ့လို့ထင် ပါတယ်။ ကိုယ်ကိုယ်တိုင်ပေးနေတာဖြစ်ပေမယ့်လို့အတိအကျမရေးနိုင်တာကို ခွင့်လွှတ်။ ကျနော်တို့ကလည်း သူ့ကိုသိပ်များများသင်ပေးစရာမရှိပါဘူး။ သူ့ကိုလည်း ကျနော်တို့သဘောထားတွေ ဒီစာကြည့်တိုက်လေးရဲ့အဓိကရည်ရွယ် ချက်တွေလောက်တော့ပြောပြထားပါတယ်။ ဒီလိုလုပ်ငန်းလည်ပါတ်ဖို့အခက်အခဲမရှိ ပေမယ့်လို့ ကျနော်တို့ စာကြည့်တိုက်အမိုးက သွပ်အဟောင်းတွေဆိုတော့ မိုးကိုပဲစိတ်မချမိတာတစ်ခုပဲရှိပါ တယ်။ အော်မေ့တော့မလို့ ကျနော်တို့ကို လျှပ်စစ်မီးဆင်ပေးတဲ့အောင်ဇော်လင်းကို လည်းကျေးဇူးတင်ဖို့ကျန်နေခဲ့တော့မလို့။ မှတ်မိသလောက်ပေါ့ဗျာ.။ ကျန်တဲ့သူတွေ လည်းရှိကိုရှိမှာပါ ။သေချာတာကတော့ လူငယ်တွေအားလုံးဝိုင်းစုပြီးလုပ်ထားတယ် ဆိုတာပါပဲ။ ဦးဆောင်သူရယ် နောက်လိုက်ရယ်ဆိုတာထက်ကိုယ်လုပ်နိုင်တဲ့ဖက် ကအားလုံးဝိုင်းလုပ်ခဲ့ကြတယ်ဆိုတာကတော့ ဘယ်လိုမှဖျောက်ဖျက်လို့မရနိုင်တဲ့ သမိုင်းကြောင်းတစ်ခုပဲဖြစ်ပါတယ်။ နောက်တစ်ယောက်ရေးရင်းနဲ့ပေါ်လာတာက ကျနော်တို့ကို အလှူငွေရအောင်လို့တွေ့သမျှသူငယ်ချင်းတွေကို လည်ပင်းညှစ်ပေးတဲ့ စုဖြူထွေးကိုချန်ထားလို့မဖြစ်သေးပါဘူး။ ကျနော်ဒီစာကြည့်တိုက်ကို စတင်လည်ပါတ်တဲ့အချိန်ကစပြီးတော့ တစ်နှစ်ကျော် နှနှစ်နီးပါး ကိုင်ခဲ့ပါတယ်။ အဲဒီအချိန်မှာ ရပ်တည်နိုင်ဖို့အတွက်အဓိက အရေးပါတဲ့သူတွေကတော့ စောစောက မစုဖြူထွေးနဲ့ ကိုသန့်ရှင်းထွဏ်းပါပဲ။ကျနော် ကစာကြည့်တိုက်ပုံမှန်သွားပြီး ကြည့်ပေးတယ်ဆိုယုံလောက်ပါ။ သူတို့က လိုအပ်တဲ့ အလှူငွေကိုရှာပေးကြတာပါ။ တစ်ခုတော့ရှိတာပေါ့ဗျာ။ ကိုယ့်ထဲကလူတွေက ဆိုင်ကယ်ကိုယ်စီနဲ့ရှိနေတဲ့အချိန်မှာ ကျနော်ကစက်ဘီးတစ်စီးနဲ့ သွားသွားကြည့်ရတာတော့ သိပ်မမိုက်ဘူး။ အဲဒီအချိန်တုန်းက စာအုပ်တွေဆိုတာက လည်းကိုယ့်ဒိုက်ဦးထဲကပဲ လာလှူတာရော အလှူခံတာပါ။ တခြားတနယ်တကြေးက ထောက်ပံ့တာတော့ လုံးဝမရှိတာသေချာတယ်။ အော်ပြော ရဦးမယ် ။ ကျနော်တို့စာကြည့်တိုက်ဖွင့်မယ်ဆိုတော့ ဒိုက်ဦးပြန်ကြားရေးကို ကျနော်တို့အကြောင်းကြားတယ်။ သူတို့ကဘာပြောလည်းဆိုတော့ ဖွင့်ပွဲလေးလုပ် ချင်တယ်။နောက် ဒီအကြောင်းဆောင်းပါးလေးရေးချင်တယ်လို့ပြောတယ်။ ကျနော် တို့ကလည်း သွားပြောကတည်းက ရှင်းပါတယ်။ ဒီလိုလုပ်တယ်ဆိုတာ နာမည်လိုချင် လို့လည်းမဟုတ် သူတို့ဆီကလည်းထောက်ပံ့ကြေးလိုချင်လို့မဟုတ်ဆိုတာကိုတစ်ခါ တည်းပြောထားပါတယ်။ စောစောကသူဖြစ်ချင်တာကိုတော့ ကျနော်အတိအကျအဖြေမပေးပဲ ဝေ့လည်ကြောင်ပ်ါတ်လုပ်ခဲ့တယ်။ ဘာလို့လည်းဆို တော့သွားပြောတာကလည်းကျနော်ပဲဖြစ်နေလို့လေ။ နောက်ဆုံး ကျနော်ပြတ်ပြတ်သားသားပဲ သူတို့တောင်းဆိုတာမဖြစ်နိုင်ကြောင်းပြောလိုက်တယ်။ အဲဒီအချိန်တုန်းက နယ်တွေမှာ စာကြည့်တိုက်တွေလိုက်ဖွင့်တဲ့ရောဂါကလည်း မပျောက်သေးဘူးလေ။ ဒီတော့ ကျနော်တို့လုပ်ထားတာက သူတို့အတွက်နာမည် ကောင်းရနိုင်တာသေချာတာပေါ့။ အဲဒီလိုသက်ဆိုင်ရာအဖွဲ့အ စည်းတွေနဲ့လည်းရင်ဆိုင်ရသလို ကိုယ့်ဒီမိုကရေစီလို့အော်အော်နေတဲ့အဖွဲ့တွေနဲ့ လည်းရင်ဆိုင်ခဲ့ရတယ်။ ဘယ်သူတွေအကောင်းပြောခဲ့သလည်း ဘယ်သူတွေ ထောက်ပံ့ခဲ့သလည်း ကျနော်တို့ကောင်းတာလုပ်တာကို အရှင်းဆုံးပြော ရရင် ဘယ်သူမှမထောက်ခံခဲ့ကြပါဘူး။ သို့ပေမယ့်လည်းဒါတွေကို ကျနော်တို့ဂရုစိုက်နေလို့မဖြစ်ဘူး။ ကျနော်တို့လုပ်စရာရှိတာကိုတော့ နိုင်တဲ့ဝန်ကို ဆက်ထမ်းသွားရမှာပဲဖြစ်ပါတယ်။ ( ကျနော်ကို လူမှုရေးရောနားလည်ရဲ့လားလို့ပြော တဲံ့ သံဃာတစ်ပါးကိုလည်းဒီစာဖတ်စေချင်ပါတယ်။ ) ကျနော်လုပ်တာလေးနည်းနည်း နဲ့စကားကြီးစကားတွေပြောနေတယ်လို့မမြင်စေချင်ပါဘူး။ ဒီကိစ္စဟာအရေးကြီးပါတယ်။ ဘာလို့အရေးကြီးသလည်းဆိုတော့ ကျနော်တို့မြို့ရဲ့ လိုအပ်နေတဲ့အချက်တွေအများကြီးဆိုတာဒီကိစ္စမှာ လုံးဝပေါ်လွင်နေတာကြောင့်ပါ။ အဲဒါကို သိစေချင်တဲ့အတွက်ကျနော်ပြန်ရေးပြနေခြင်းဖြစ်ပါတယ်။ ကျနော်တုိ့ရဲ့ ကချော်ကချွတ်စာကြည့်တိုက်လေးပြီးတော့မှ ဒေါ်ခင်မြင့်မြင့်စာကြည့်တိုက် မြို့ဦးစာ ကြည့်တိုက်နဲ့ အခုနောက်ဆုံး ဇဗ္မူရတနာစာကြည့်တိုက်ဆိုပြီးဖြစ်လာတာပါ။ စာကြည့်တိုက်တွေဖွင့်တာပဲမကောင်းဘူးလားလို့မေးစရာမလိုပါဘူး။ကောင်းပါတယ်။ မကောင်းတာက ညီညွတ်ခြင်းမရှ်ိကြတာပါ။ စာကြည့်တိုက်တွေရှိပေးမယ့် ထိရောက်တဲ့ဆောင်ရွက်မှုမျိုးမရှိဘူး။ ကျောင်းမှာစာသင်တဲ့ဆရာဟာ စာကြည့်တိုက် နဲ့ဘာမှမဆိုင်ပါဘူး။ စာရေးတဲ့စာရေးဆရာလည်း ပက်သက်ရုံပဲရှိပါတယ်။ စာကြည့် တိုက်ဆိုတာက သီးသန့်ပညာရပ်တစ်ခုလိုရှိတဲ့အရာပါ။ ဒါကိုငါစာဖတ်နိုင်တယ်။ ငါ စာအုပ်တွေဝယ်နိုင်တယ်ဆိုပြီး လုပ်ရင်စာအုပ်ပေးဖတ်တဲ့အဆင့်ပဲရှိပါတယ်။ အဲဒါကို ကျနော်တို့တတွေကိုယ့်ကိုကိုယ်အထင်ကြီးပြီးလျေက်လုပ်နေကြတာပါ။ ကျနော်ကိုယ် တိုင်လည်းပါပါတယ်။ ကျနော်ပွင့်ပွင့်လင်းလင်းပြောပါမယ်။ ဒီစာကြည့် တိုက်ကိုအဓိကတည်ထောင်သူနှစ်ဦးက ကျနော်တို့မြို့ကလက်ရှိနိုင်ငံရေးစာရေးဆရာ ကဗျာဆရာနှစ်ဦးဖြစ်တဲ့ စစ်သွေးအိမ်နဲ့ ဧသစ်ပါ ။ ကျနော်တို့ရေးနေတာတွေကိုမတွေ့ဖူးဘူး ဖတ်ချင်ပါတယ်ဆိုရင်စာအုပ် လာယူပါ။ ကျနော်တို့သက်သေပြနိုင်ပါတယ်။ ဒါပေမယ့်လို့ ကျနော်တို့စာရေးတယ် ဆိုတာက နာမည်လိုချင်လို့မဟုတ်ဘူး။ စကားကြီးစကားကျယ်ပြောရမယ်ဆိုရင် ခေတ်ကပေးလာတဲ့တာဝန်ကို ဦးမညွတ်ပဲ ထမ်းရွက်နေတာပဲဖြစ်ပါတယ်။ ကျနော်တုိ့ကိုဘယ်သူမှတာဝန်လာပေးလို့မရပါ။ တာဝန်လာပေးလျှင်လည်း ခေတ်နဲ့နှိုင်းယှဉ်ကြည့်မှာဖြစ်ပါတယ်။ တာဝန်နဲ့ကူညီခြင်း မတူတာကိုတော့နားလည်နိုင်လိမ့်မယ်လို့ထင်ပါတယ်။ ကျနော်တို့က ကိုယ့်မြို့ကိုယ့်ရွာအတွက်တတ်နိုင်တဲ့ဖက်က ကူညီနေခြင်းဖြစ်ပါတယ်။ ကိုယ့်မြို့က ကိုယ့်ကိုပြန်မကူလည်းကျနော်တို့နဲ့မဆိုင်ပါဘူး။အရေးကြီးတာက ကိုယ်လုပ်သာဖြစ် ပါတယ်။ အပြစ်တင်လည်းစိတ်ဆိုးမှာမဟုတ်ကြောင်းအသိပေးလိုပါတယ်။ အရေးကြီးတာက ကိုယ့်မြို့ကိုယ်ဒေသဟာ ကိုယ့်အရပ်မှာဘာမှမဖြစ်ပေမယ့်လို့ ဒီထက်ပါတ်ဝန်းကျင်ကျယ်လာတဲ့အခါကြရင် အဲဒီပါတ်ဝန်းကျင်သေးသိမ်စရာဖြစ်တာ မျိုးကျနော်တို့လက်မခံနိုင်ဘူး။ဒါဟာကျနော်တို့ရဲ့မြို့ချစ်တဲ့စ်ိတ်ပဲ။ ကိုယ့်မြို့ထဲက အခြားခြားသောဒေသတွေစီ လုံလောက်လို့ပေးလိုက်ရတာမျိုးကိုကြိုဆိုပေမယ့်လို့ မလုံလောက်ပဲ တစ်စုံတစ်ရာပေးလိုက်ရတာမျိုးကိုလည်းမကြိုက်ဘူး။ဖြစ်နိုင်ရင် တော့ ကိုယ့်အရပ် ကိုယ့်ဒေသအကြိုးကို အပေးအယူတည့်စွာဆက်လှမ်းချင်ပပါတယ်။ ( ဆက်ရေးပါဦးမယ် ) ဒီစာထဲမှာကိုယ်ရေးကိုယ်တာတွေများသွားခဲံ့ရင်ခွင့်လွှတ်

ကဗျာနှင့် ဆေးကြောထားသောအတ္တမဲ့နှလုံးသား.

ဒိုက်ဦးသားများအတွက်.....အမှတ်တရပြန်လည်ဖေါ်ပြပါသည်။ UZa Wana wrote a new note: စိတ်ဘဏ္ဍာတိုက်ထဲ သိမ်းထားသော အဖြစ်အပျက်တွေဆိုတာက တိုက်ဆိုင်မှု ခလုတ်တချက်ထိလိုက်ရုံနှင့် ဝေါကနဲထွက်ကျလာစမြဲ မဟုတ်လား။ဒီတော့ပြောမကုန်အောင်ရှိနေတော့သည်။ ကိုခင်ဇော်တစ်ယောက် အတိတ်ရဲ့ ခေါ်ရာကို စီးမျောရင်း ဖွင့်ဟလာသော စကားလုံးတိုင်းမှာ အလွမ်းဓာတ်ပါနေသည် ။ စိတ်ထဲသိမ်းထားသော သူ့တပ်ရင်းမှူး၏ အကြောင်းအရာတွေသည် သူ့အတွက် လတ်လတ်ဆတ်ဆတ် ကြီးရှိနေဆဲ။ အဖြစ်အပျက်တို့ကို နှုတ်မှ သွန်ချနေယုံ မဟုတ်တော့ မျက်ဝန်းကပါ စကားပြောနေမှန်းသိသာသည်။ ရင်ထဲက လာသောအသံက နားထောင်ရသူကို ပိုလေးနက်စေတော့သည်။ အဖြစ်အပျက်လေး တစ်ခုကို သူပြောပြနေစဉ် သူနှင့် သူ့တပ်ရင်းမှူး ဆက်ဆံရေးကို သာမက နှစ်ဦးးသား၏ ကျောင်းသားတပ်မတော် အပေါ် ထားသော တကယ့်စေတနာ ကိုတွေ့လိုက်ရသည်။ “တပည့်တော် မဲဟောင်ဆောင်မှာ ရဲဖမ်းတုန်းက အဖြစ်အပျက်လေးကိုပြောပြရဦးမယ်” သူရဲ့အဖြစ်အပျက်နှင့် ဗိုလ်တိုက်မောင်းကိုတွဲ မှတ်မိနေသာ ကိုခင်ဇော် ၊ဒီအဖြစ်အပျက်လေးလိုမျိုး သူ့ထံမှာများစွာ ရှိမည်ဆိုတာ ယုံသည်။ ဒီတော့ သူ့စကားကိုသေချာ နားစိုက်ထားလိုက်သည်။ “ထိုင်းဆိုတာက သိတဲ့အတိုင်းပဲဦးဇင်းရာ ရဲနဲ့ လိုက်တမ်းပြေးတမ်း ကစားနေရတာ တပည့်တော်ကို ရဲကဖမ်းမိသွားတယ် ရွေးရင် ချက်ခြင်းလွတ်တဲ့ ကိစ္စပါ တပည့်တော် အဖမ်းခံရတယ်ကြားတော့ ကိုတိုက်မောင်းဆီက စာလေးတစောင်ရောက်လာတယ်” ဦးဇင်းရဲ့အတွေးထဲမှာက လက်အောက်ငယ်သားတွေ အတွက်ဆို နက်နက်နဲနဲ အသိစိတ်ရှိနေသူတယောက်မို့ သူ့တပ်သားအတွက် ငွေထုပ် ပိုက်ပြီး အပြေးလိုက်လာမည်တွက်လိုက်မိသည်။ “စာထဲ ဘာပါတယ်ထင်လဲ မင်းကိုရွေးဖို့ငွေ ငါ့မှာအဆင့်သင့်ရှိပါတယ် မင်းကို ပေးလိုက်ရမည့်ငွေဟာ ဒီကရဲဘော်တွေတလစာပဲ ဒီတော့ကွာ အဲ့ဒီမှာပဲ ဆက်နေလိုက်ဦး ဘာအလုပ်မှလုပ်ရတာမှ မဟုတ်တာ အေးအေးဆေးဆေး အနားယူလိုက်ဦးပေါ့ တဲ့ဗျာ” သူဒုက္ခနှင့် ကြုံတွေ့ရတာကိုပင် လွမ်းမောစရာဖြစ်နေသည်။ သူ့တပ်ရင်မှူး၏ လက်အောက်ငယ်သားတွေအတွက် ထားသောစိတ် ဓာတ်ကို လွမ်းတ နေတာ သေချာသည်။ ဒီလို အဖြစ်ပျက်မျိုးက သူတော်လှန်ရေးမရောက်ခင် ဒိုက်ဦးမြို့မှာ ကျောင်းဆရာလုပ်သော ၁၉၈၆-၈၇ နှစ်များဆီကို ပြန်လည် အမှတ်ရမိတော့သည်။ အိမ်ခြေလေးဆယ်ရွာလေးက တွဲဘက်အလယ်တန်းကျောင်း စလုပ်သောနှစ်မှာပင် သူကျောင်းဆရာ ဝင်လုပ်သည်။ သူ၏ အနစ်နာ ခံမှု နောက် စာသင်တာမှာ စေတနာပါမှု ဝင်ရောက်လုပ်ကိုင်သော ကျောင်းဆရာအားလုံး၏ လေးစားယုံကြည်ခံရမှု စတာတွေအပြင် ကျောင်းကော်မတီ၏ အားကိုးအားထား ဖြစ်မှုတွေပါထပ်ဆင့်လိုက်တော့ ကျောင်းအုပ်နေရာကို အားလုံးသဘောတူ လိုလိုလားလား တင်မြှောက်မှုကိုခံခဲ့ရသည်။ နွမ်းပါးသောမိသားစု၏ အကြီးဆုံးသားဖြစ်လာရမှုကပင် သူ့ကို ဒီလို အမူအကျင့်တွေပေးလိုက်လေရော့သလားမသ်ိ။ မိသားစုအတွင်း ညီ ညီမတို့ အတွက် လိုအပ်ချက်ကို ဖြည့်ဆည်းပေးရင်း အတူလုပ်ဖော်ကိုင်ဖက်တွေ အတွက် လိုအပ်လျှင် လိုအပ်သလို မားမားမတ်မတ် ရပ်တည်ပေးမှုဆိုတာ သူ့ ဘဝအတွက်မဆန်းတော့သော လုပ်နေကျ အလုပ်ဖြစ်နေတော့သည်။ သူကျောင်းဆရာဘဝမှာ အတူတူ လုပ်ဖော်ကိုင်ဖက် ကျောင်းဆရာများ၏ ဆန္ဒကိုသူသိနေရသည်။ ထိုကိစ္စက သူလည်းရင်ဆိုင်နေရသော ကိစ္စတစ်ခုဖြစ်သည်။ မလောက်ငှသော လစာအတွက် ဘယ်သူကမှမပြောရဲ ။ ဒါကိုသိသော ကျောင်းဆရာ ကိုမင်းအောင် (ကိုတိုက်မောင်း၏ တော်လှန်ရေးထဲ မရောက်မှီက နာမည်) သူ့ကို အားလုံးကယုံယုကြည်ကြည် အပ်နှင်းထားသော ခေါင်းဆောင်မှုကို သူတန်ဖိုးထားသည်။ အရေးကြုံလာလျှင် ရှောင်ထွက်ပြေးသောသူစားမျိုးမဟုတ် ။ တောင်းဆိုမှုကို သူစတင်လိုက်သည်။ ကျောင်းကော်မတီနှင့် အတိုက်အခံလုပ်ပြီး ပြောဆိုရသောကိစ္စမို့ မအောင်မမြင်ဖြစ်လာသောအခါ သူထိုကျောင်းက ထွက်ပေးလိုက်ရသည်။ အားလုံအတွက် အကျိုးရလာဒ်ကောင်း တစ်ခုရဖို့ သူအနာခံ အမုန်းခံလုပ်ပေးတတ်တာတွေ များစွာရှိသည်။ သူတွဲဘက် ကျောင်းဆရာကပြုတ်တော့ ပုထုဇဉ်ပီပီ တော်တော်ခံစား ရသည်။ ကျောင်းကိုရောက်လာတော့ စိတ်ပျက်လက်ပျက် ခြေကုန် လက်ပမ်းကျ နေသည့်ဟန် ကိုတွေ့ရသည်။ အများအတွက် အနာခံရသော သူ့အဖြစ်ကို သူပြန်တွေးမိတော့ စိတ်အနာက သက်သာသွားပုံရသည်။ ကျန်ဆရာများက ဒီကိစ္စ စကားမဟ။မတောင်းဆို။ ဒါကိုလဲ သူကပဲ စီစဉ်ထားခြင်းဖြစ်သည်။ တယောက်မှမပြောကြဖို့ ။ သူတယောက်ထဲ အမုန်းခံပြောမည်။ အောင်မြင်လာလျှင် အားလုံးခံစားကြ။ အဆင်မပြေ မအောင်မြင်လျှင် သူတယောက်တည်း ရင်ဆိုင်သွားမည်။ ဒီသတင်း စကားကို ကြားသိရသောလူတိုင်းက သူ့စိတ်ဓာတ်ကို အသိအမှတ်ပြု ကြရသည်။ ဘဝမှာ အများအတွက် အနာခံရခြင်းကိုဂုဏ်ယူ စရာအဖြစ် တန်ဖိုးထားတည်ဆောက်ထားသူတယောက်။ အများအကျိုးရှိဖို့ဆိုလျှင် တစ်ဦးတစ်ယောက်ထဲက အနာခံလိုက်ရခြင်းကို သူကလုပ်သင့်လုပ်ထိုက်သော ကိစ္စရပ်ဟု စွဲစွဲမြဲမြဲ လက်ခံထားသူ။ ဒီစိတ်ဓာတ်က သူ့စိတ်ဓာတ်ထဲသံမှိုနှင့်ဆွဲသလို ခိုင်ပြီးသား။ ဒီတော့ ကိုခင်ဇော်ပြောပြသည့် စကားမျိုး ကြားသိလာရခြင်းကို ဦးဇင်းကတော့ အထူးအဆန်းဟုမထင်မိ။ “မင်းတယောက် အနာခံရတာ တပ်သားအားလုံးတလစာပါကွာ” တဲ့။ သူနှင့်အတူနေ အရင်းနှီးဆုံးသူကိ်ု ကယ်ဖို့ ထက် တပ်တခုလုံးအရေးကို ရွေးချယ်လိုက်သည်ကို ကိုခင်ဇော်ကလည်း ကျေကျေနပ်နပ် လက်ခံသည်။ သူကိုယ်တိုင်အဖမ်းခံရလျှင် တောင်မှ ငါ့လာမရွေးနဲ့ ၊ငါ့ရွေးမည့်ငွေကို တပ်သားအားလုံးတလစာအဖြစ်သုံကြလို့ ပြောလာမည်ကို ကိုခင်ဇော်က သိနေသည်။ မကြာခင် ရက်ပိုင်းအတွင်းမှာပဲ အချုပ်ခန်းထဲရှိ ကိုခင်ဇော်ကို ဗိုလ်တိုက်မောင်းလာတွေ့သည်။ လက်ထဲမှာ ရေသန့် တပုလင်းပါလာသည်။ “ရေတပုလင်းတော့ပါသေးသားပဲ” ကိုခင်ဇော်၏ ရယ်ရယ်မောမော ဆီးကြိုပြောပြသောစကားကို “ဒါတောင် လမ်းမှာသောက်ဖို့ တယောက်ကထည့်ပေးလိုက်တာ မသောက်ပဲ ယူလာခဲ့တာ” တကျပ်တပြားကအစ သူကိုယ်ကျိုးအတွက် မစဉ်းစားသူဖြစ်သည်။အကျိုးမဲ့ အလဟဿ ငွေကို အကုန်မခံ။ လက်အောက်ငယ်သားများနှင့် အတူတူ အစားအသောက် အနေအထိုင်က သူပိုပြီး ယူတာမရှိ ဟုဆိုသည်။ ခေါင်းဆောင်မို့ အခွင့်အရေးပိုယူတာက်ို သူအင်မတန်စက်ဆုပ်သည်။ ကိုခင်ဇော် ပြောစကားထဲပါသော စကားတခွန်းက အခွင့်ထူးကိုပိုယူသူကို သူ မလိုလား ဆန့်ကျင်ကြောင်းထင်ရှားစေသည်။ “တခါကပေါ့ ဦးဇင်းရယ် နဲနဲ ရာထူးကြီးတဲ့ သူတွေပါပဲ ထမင်းစားပြီးသားပုဂံကို တပ်သားတယောက်က ဆေးပေးနေတာတွေ့တော့ အော် ခင်ဗျားတို့ က အခွင့်ထူးခံတာလားလို့ ဝေဘန်တာ သူလဲ လက်အောက်ငယ်သားကို ဒီလိုအသေးအဖွဲ့လေးကအစ မလုပ်ခိုင်းဘူးသူများတွေ လုပ်နေတာဆိုလဲ ပြတ်ပြတ်သား ပြောတာ သူ့က ဒီလိုပြောတတ်ဆိုတတ်တော့ တပ်ထဲမှာလဲ အငယ်ဆုံးတပ်သားလေးကအစ သူ့ကိုချစ်ကြတယ်” သူ့တပ်ရင်းမှူးအကြောင်းကို မမောနှိုင် မပမ်းနှိုင်ပြောပြရင်း ဦးဇင်းနှင့် မထင်မှတ်ပဲလာရောက်ဆုံတွေ့ရတာကိ်ု သူဝမ်းသာနေသည်။ ဦးဇင်းကလည်း တော်လှန်ရေးနယ်မြေထဲ သူ နေပုံထိုင်ကအစ သူလှုပ်ရှားမှုတွေကို တွေ့သူတိုင်း မေးနေကြ ။ ဗိုလ်တိုက်မောင်းနှင့် တကယ်အတူတူ နေခဲ့ရသော ရဲဘော်ကို ကိုခင်ဇော် အပြင် အခြားတယောက်ကိုလည်း တွေ့ဘူးခဲ့သေးသည်။ အခုကိုခင်ဇော်က ပထမဦးဆုံးမေးမြန်းခွင့်ရသူတော့ မဟုတ် ။တခါတုန်းက ထောင်ထဲမှာ သူတပ်သား တစ်ယောက် နှင့်အတူတူနေခဲ့ရသေးသည်။ ထောင်ထဲ တွေ့ခဲ့ရသော သူ့ရဲဘော်တုန်းကလည်း ဗိုလ်တိုက်မောင်းက ကျန်ခဲ့သော ဇာတိမှ မိတ်ဆွေများနှင့် သူပါဝင် ဆင်နွှဲခဲ့ရသော ပွဲလမ်းသဘင်တွေအကြောင်းကို မကြာခဏ ပြောပြပုံ ၊သူမိတ်ဆွေ ဘုန်းကြီးတပါးရှိပုံတွေကို ပြောပြသည်ဟု ဆိုသည်။ ထောင်ထဲ မှာ စကားစပ်မိတိုင်း သူ့တပ်ရင်မှူးပုံရိပ်တွေကို လွမ်းလွမ်းဆွတ်ဆွတ် ပြောပြခဲ့ဘူးသည်။ ၁၂လရာသီ သီချင်းထဲကလို ကိုယ့်ဇာတိမြေဆိုတာက ပွဲတွေက လတိုင်းအပြည့်။ ဒီတော့ ယုံကြည်ချက်အတွက် ဇာတိမြေကိုခွဲခွါခဲ့ရသော်လည်း နှလုံးသားရှိသော သူတိုင်းရဲ့ ဖြစ်မြဲသော အိမ်လွမ်းစိတ်တို့က သူ့ကို ကဗျာတွေ စာတွေ ရဖို့ကုန်ကြမ်း ဖြစ်ခဲ့ရပြန်သည်။ခုဆောင်းပါးရေးနေရင်း ငုရင်ပြင်က သူ့ကဗျာတွေကို ဖတ်မလို့ကြည့်လိုက်တော့ သူကိုယ်တိုင်အဆုံးမသတ်နှိုင်ခဲ့တဲ့ကဗျာမှာ ၁။ လောကပါလတရား (…. တခါတလေ) မစို့မို့လေး လိမ္မာနေတဲ့ညမှာ ကဗျာဆရာ အမေ့ကို ကန်တော့ လိုက်ချင်တာ လက်ကုန်ပဲ။ ဒီလို အစချီထားတာကိုတွေ့လိုက်ရတော့ သူ့နှလုံးသားကိုပါလှမ်းမြင်လိုက်ရပြန်သည်။ အတ္တကို နဲနှိုင်သမျှ နဲအောင် တည်ဆောက်ရင်း သူ့တပ်သားတွေအတွက် နောက် သူ့ယုံကြည်ချက်အတွက် အာသာငမ်းငမ်းတမ်းတတဲ့ ပြည်သူ့ဘဝ လွတ်မြောက်ရေးအတွက် ကဗျာရယ် စွန့်လွှတ်မှုရယ်ကိုသူ အဖော်ပြု ရှင်သန်ခဲ့သည်။ ။ အရှင်ဇဝန (နိုင်ငံရေးအကျဉ်းသားဟောင်း)

ကောလိယမြို့ဟောင်း

September 29, 2011 at 1:21pm ကောလိယမြို့ဟောင်း ကောလိယမြို့ဟောင်းသည် ရှေးမှတ်တမ်းများ၌ ကောလိယအမည်ဖြင့်ပင် တည်ရှိခဲ့ပြီး ယခုတိုင်မြို့ရိုးမြို့ရာများကျန်ရှိ နေသေးသည့် မြို့ဟောင်းတစ်ခုဖြစ်သည်။ မြောက်လတ္တီတွဒ် ၁၇ဒဂရီ ၄၉မိနစ်နှင့် အရှေ့လောင်ဂျီတွဒ် ၁၇ဒီဂရီ ၃၉မိနစ်တွင် တည်ရှိ၏။ ရန်ကုန်-မန္တလေးမီးရထားလမ်း ပေါ်ရှိ ဒိုက်ဦးမြို့၏ အနောက်မြောက်စူစူး(၃)မိုင်ခန့်တွင် တည်ရှိသည်။ ကောလိယသည် မြို့ရိုး တံတိုင်း ကျုံးဟောင်းရာများကို တွေ့နိုင်သေးသည်။ ဒိုက်ဦးမြို့၏ မြောက်ဘက်စွန်း၊ ဒရယ်မြီးကျေးရွာမှ တစ်ဆင့်အညာစုကျေးရွာကို ဖြတ်၍ လက်ပန်သုံးခွရွာသို့သွားသည့် လမ်းအတိုင်း သွားရောက်နိုင်သည်။ ကောလိယမြို့ဆိတ်သုဉ်း ခဲ့သည်မှာ ကြာမြင့်ခဲ့ပြီ။ သို့ရာတွင် များစွာပွန်းတီးပျက်စီးနေပြီဖြစ်သည့် မြို့ရိုးတံတိုင်း၊ အရာဟောင်းများကို တွေ့မြင်နိုင်သေး၏။ မထင်မရှားသည့် ကောလိယရွာငယ်ကလေးသည် မြို့ဟောင်း၏ မြောက်ဘက်မြို့ရိုးတစ်လျှောက်လုံးတွင် အိမ်ခြေအနည်းငယ်ဖြင့်ရှိလေသေးသည်။ ပုံသဏ္ဌာန် ကောလိယသည် စတုဂံပုံသဏ္ဌာန်ရှိသည့် မြို့ဟောင်းတစ်ခုဖြစ်၏။ မြို့ရိုးများဖြောင့်တန်းပြီး ထောင့်မှန်ခေါ်လောက်သည့် မြို့ထောင့်များရှိသည်။ မြို့ရိုးအတွင်း၌ အရှေ့နှင့်အနောက်အလျား ၇၅၀မီတာနှင့် တောင်မြောက်အနံ၊ ၃၆၀မီတာခန့်မျှရှိသည်။ မြို့ရိုးတံတိုင်းကို ရံလျက် ရှေးယခင်က ကျုံးထားရှိခဲ့ဖူးသည်။ သို့ရာတွင် ယခုအခါတွင် လယ်မြေများဖြစ်နေကြချေပြီ။ မြို့ရိုးတံတိုင်းမှာလည်း အရှေ့အနောက်ဝင်ရိုး တိတိကျကျဆောက်လုပ်ထားခြင်းမဟုတ်ဘဲ ယခုခေတ်သုံးသံလိုက် အိမ်မြှောင် အရဆိုလျှင် မြောက်မှ(၁၃) ဒီဂရီမျှစောင်း၍ တည်ရှိနေသည်ကို တွေ့ရ၏။ အတွင်းမြို့ရိုးနှင့် မီတာ၁၀၀ကျော်ပတ်လည်တွင် အပြင်ထပ်တစ်ထပ်ရှိသေးဟန်တူ၏။ သို့ရာ တွင် အရှေ့ဘက်မှတစ်ပါး ကျန်နေရာများ၌ တံတိုင်းမှာ မြင့်မို့မှုမရှိလှတော့ပေ။ အပြင်ထပ်တံတိုင်း ကိုပါ မြို့ရိုးအရံအထားအနေဖြင့် ထည့်၍တွက်လျှင် အလျား ၈၅၀မီတာနှင့် အနံ ၆၅၀မီတာ ကျော်ကျော်ခန့်ရှိပေသည်။ သို့ဖြစ်၍ မြို့ဟောင်းတစ်ခုလုံး၏ ပမာဏမှာ ဧရိယာအတွင်းမြို့ခွင် ဧရိယာထက် ၂ဆခွဲကျော် ၃ဆနီးပါးခန့်ကြီးလေသည်။ ပွန်းတီးမှု ကောလိယမြို့ဟောင်းမှာ များစွာ ပွန်းတီးခဲ့ပြီး တောင်ဘက်မြို့ရိုးတစ်လျှောက်လုံးတွင် ကောလိယရွာကလေးတည်ရှိသည်။ ဤတောင်ဘက်ပိုင်းသည်ပင်လျှင် ကုန်းခေါင်ခေါင်ရှိပြီး မြောက်ဘက်ပိုင်းမူကား ရေကန်ကြီးတစ်ခုသဖွယ်ရေလွှမ်း လျက်ရှိလေပြီ။ အထူးသဖြင့် မိုးတွင်းဆို လျှင် ဆိုဖွယ်မရှိ။ မြောက်နှင့်အရှေ့ဘက်မြို့ရိုးများက အရံအတားအဖြစ်နှင့် ဆည်ဘောင်သဖွယ်ဖြစ် နေကာ မြို့တွင်းမှရေများမှာ ကန်ဆည်ထားသလို မြို့ဟောင်းအရှေ့မြောက်ဘက်တွင် ရေများစုနေ ဟန်ရှိသည်။ မြို့ရိုးများမှာများစွာ နိမ့်လျောပွန်းတီးခဲ့ပြီ။ စစ်တမ်းတွင် ကောလိယမြို့၏ နယ်ပယ်အကျယ်အ၀န်းနှင့် ပတ်သက်၍၊ ကောလိယ မြို့သူကြီး ဗညားအိန္ဒာကျော်၏ လျှောက်ထားအစစ်ခံချက်ကို ပြည့်စုံပီပြင်စွာ ဖော်ပြထားပြီးဖြစ်၍ ထပ်၍မရေးတော့ပါ။ သက္ကရာဇ် ၁၁၆၄ခုနှစ် ကောလိယမြို့နယ်၏ လူဦးရေမှာ အရွယ်ရောက်ပြီး အမျိုးသား ၁၈၇ အမျိုးသမီး ၁၈၁နှင့် ကလေး-ယောက်ျားမိန်းမစုစုပေါင်း ၅၂၄ ဦးရှိသည်ဟု စစ်တမ်းအရ သိရှိရ၏။ လူဦးရေနည်းလှပေသည်။ ကောလိယမြို့ဟောင်းနေရာသည် ယခုအချိန်အထိ မြို့ရွာစည်ပင်မှုတိုးချဲ့မှုကို မတွေ့ရ။ ယခင် ၁၉၅၈-ခုနှစ်ရိုက်ကူးသည့် ဓာတ်ပုံနှင့် ၁၉၈၀ခန့်ရိုက်ကူးသည့် ဓာတ်ပုံများကို လေ့လာကြည့် ရှုခြင်းဖြင့် မြို့ပြဧရိယာတိုးချဲ့ စည်ပင်လာမှုကို မတွေ့ရချေ။ မည်သို့ပင်ဆိုစေ ကောလိယ မြို့ဟောင်းကိုမူအခြေအနေမပျက် ထိန်းသိမ်းထားသင့်ပေ သည်။ ဖြိုဖျက်ခြင်းလုံးဝမပြုသင့်ပါ။ ရှေးယဉ်ကျေးမှုအမွေအနှစ်တစ်ခုပင်ဖြစ်သည်။

ခရီးမတ်တတ်လမ်းခုလပ်၌

ဆရာ မင်းသုဝဏ်၏ သူ့မှာတမ်းကဗျာကို ဟိုးအရင်က အခါခါဖတ်ပြီး အခါခါ ခံစားဘူးပါသည်။ ယခုဒီကဗျာကို မရွတ်ဆိုချင်ပါ။ ရွတ်ဆိုလိုက်တိုင်း ရင်နင့်ရသော အဖြစ်က နှလုံးအိမ်ကို လာလာ တိုးဝှေ့နေသည်။ တိုးဝှေ့ ထိခိုက်နှိုင်လောက်သော တကယ့်အဖြစ်အပျက်က ကိုယ့်အတွက် ဖြစ်ထွန်းနေပြီ ။ သူငယ်ချင်းငယ်ပေါင်းတယောက်၏ အဖြစ်အပျက်တို့ကို မသိရှိခင်က ကဗျာအပေါ် ခံစားချက်သည် အများသူငါနှင့် ဆိုင်သော ခံစားမှုအဆင့်သာ ရှိခဲ့သော်လည်း သူဇာတ်ကြောင်းသိရှိပြီးနောက် ကဗျာပါစာသားက ကိုယ်တစ်ဦးတည်းကို လာပြီးရည်ရွယ်နေသလို ခံစားလာရသည်။ မမျှော်လင့်ပဲ လိုချင်သော ဇာတ်လမ်းတခုလုံးကို ရလိုက်တော့ ရင်ထဲကထိရှမှုကနေ စာသားတွေအဖြစ်ပါ ရေးချဖို့ ဖြစ်လာရပြန်သည် ။ သြဂုတ်လ ၁၈ရက်နေ့ကို ကျောင်းသစ်တက်ပွဲ ပင့်ဖိတ်သဖြင့် နော်ဝေနိုင်ငံကို ၁၅ရက်နေ့ကတည်းက ရောက်လာသည်။ ရွှေဝါရောင်ဦးထာဝရနှင့် ဒကာ ဒကာမတို့က ဧည့်ဝတ်ကျေစွာ ကြိုဆိုကြသည်။ ရောက်လာသူ ဒကာဒကာမတွေနှင့် မိတ်ဆက်စကားပြောရင်း မမျှော်လင့်သောဇနီးမောင်နှံ နှင့်ဆုံတွေ့ခွင့်ရလိုက်သည်။ “ဒကာနာမည်က ” “တပည့်တော်နာမည် ခင်ဇော်ပါဘုရား တောင်ကြီးကပါ တောခိုတော်လှန်ရေးထဲပါပြီ ဒီဘက်ရောက်လာတာပါ” သူ့ ဒကာမပါ အနီးနားရှိနေသည်။ “တပည့်တော် ဇနီးနာမည်က နန်းမူ လို့ခေါ်ပါတယ်ဘုရား” တောင်ကြီးဆိုသဖြင့် စိတ်ဝင်စားသွားသည်။ ကျောင်းသားတပ်သို့ ဝင်ရောက်ခဲ့ပုံကိုသူကပြောပြနေစဉ် ကိုယ်က တစုံတခုဆီ စိတ်က ဆက်စပ်တွေးနေမိသည်။ “ခင်ဗျား (၆၀၁) ကလား ” စကားဖြတ်ပြီး ရုတ်တရက် စိတ်ဝင်တစားမေးလိုက်မိသည် ။ ကိုယ်မေးလိုက်သော မေးခွန်းအဆုံးမှာ သူက ဝင်လက်တောက်ပသော မျက်လုံး အစုံဖြင့် အားရဝမ်းသာ စိုက်ကြည့်နေသည်။ နောက် သူသိချင်သော အဖြေတခုကို သူရှာဖွေတွေ့ရှိသလိုမျိုး စကားကိုဆိုလာသည်။ “အရှင်ဘုရား စာရေးလားဘုရား” စာရေးကြောင်းခေါင်ငြိမ့်ပြလိုက်တော့ သူကောသူ့အမျိုးသမီးပါအာရဝမ်းသာနှင့် “ညက တပည့်တော် ဒကာမနဲ့ စကားပြောဖြစ်တယ် ငါတို့သိချင်တဲ့ဆောင်းပါးရေးတဲ့ဦးဇင်းကို အခု ကြွလာတဲ့ ဦးပဇင်းများ သိမလား မသိဘူး မေးကြည့်ရင် ကောင်းမယ်လို့” ၆၀၁နှင့် ပတ်သက်ပြီး စိတ်ဝင်တစား မေးလိုက်သော မေးခွန်းကို ကြားကတည်းက သူလဲ အမြဲတမ်းရှာဖွေ သိချင်နေသော ဘုန်းတော်ကြီးကိုသူ တွေးနေပုံရသည် ။ သူက ဟိုးအရင်က ရေးခဲ့ဘူးသောဆောင်ပါးသုံးပုဒ်ကို ပြောပြနေသည်။ ထိုဆောင်းပါးများ က (၆၀၁) တပ်ရင်မှူး ဗိုလ်တိုက်မောင်းအကြောင်း ။ ဗိုလ်တိုက်မောင်း ဆိုတာက ဦးဇင်းနှင့်ငယ်ပေါင်းကြီးဖော် ကဗျာရေးဖက် ၊နိုင်ငံရေးလက်တွဲဖော်။ အမြဲတမ်း အများအတွက်သာ စိတ်ထဲထည့်ထားတတ်သူ။ စွန့်လွှတ်ပေးဆပ်မှုကိုသာ သူလေ့ကျင့်စရာအဖြစ် ပြင်ဆင်နေသူ။ ၈၈မတိုင်ခင်ကတည်းက နေ့စဉ် သူ့ဘဝနှင့် သူ့အလုပ်ကို အရိုးသားဆုံးသော ရှင်သန်ခြင်းဖြင့် တသားတည်းထားသူ။ သူ့စိတ်ထဲမှာ အမြဲတမ်း ရှင်သန်နေတာက ကဗျာနှင့် နိုင်ငံရေး။ နိုင်ငံရေး ခရီကြမ်းကြီးကို ဖြတ်သန်းလျှက် ခရီးရှည်မှ ပြန်အရောက် သူ့အတွက် လုပ်ပေးစရာတွေ များစွာက စိတ်ထဲနေရာ ယူလာသည်။ အညတြရ အသက်ပေးခဲ့ရသူတွေထဲ သူလဲအပါအဝင်မဟုတ်လား။ ယုံကြည်ချက်က သူခေါင်းချရာ တောင်တန်းတွေလိုမြင့်မားခဲ့သူ။ အမိမြေကို တွယ်တာတတ်ပုံကို နောက်ဆုံးအချိန်အထိ ပြသခဲ့သူ။ ဒီလို အချက်အလက်တွေက တခုပြီးတခု ရရလာ။ ထိုကဲ့သို့ သူများပြောသော အချက်အလက်ကို အလိုလို လက်ခံပြီးသား။ သူ့အကြောင်းသူ့စိတ်ဓာတ်ကို သူများထက်ပိုသိနေသူမို့ သူ့ကိုသူများတွေထက်ပိုနှမြောသည်။ ဘယ်နေရာ ရောက်ရောက် ဘယ်သူနဲ့တွေ့တွေ့ သူ့အကြောင်းပြောသူတိုင်း သူ့တပ်သားတွေအားလုံးက သူ့ကိ်ု တလေးတစား တန်ဖိုးထားကြသည်။ နောက် တကယ့် သူတို့၏ ခေါင်းဆောင်ကောင်းတယောက်ကို အားကိုးတကြီးရှိတာကိုတွေ့ရသည်။ “အရှင်ဘုရား ငုရင်ပြင် ကို ကြည့်လိုက်ဘုရား ကိုတိုက်မောင်းကိုဂုဏ်ပြုထားတာ” ဦးဇင်းကသိကြောင်း ပြောပြပြီး ကိုတိုက်မောင်နှင့်ပတ်သက်သည့် စာတွေစုနေကြောင်း ကိုယ်တိုင်လည်း ရေးမှာဖြစ်သလို အတူနေခဲ့သူတွေက အနီးကပ်မြင်ခဲ့ရသော သူတို့၏ခေါင်းဆောင်အကြောင်းကို ရေးစေလိုကြောင်း ပြောပြသည်။ ဒီစာတွေကို စုပြီးမကြာခင်စာတအုပ် ထုတ်ချင်တာကိုပါပြောပြတော့ သူတို့ဇနီးမောင်နှံက ထိုဖြစ်ပေါ်လာမည့်စာအုပ်အတွက် ကုန်ကျငွေကို သူတို့တာဝန်ယူချင်ကြောင်းကိုပါ ပြောလာကြသည်။ သူတို့ဇနီး မောင်နှံက ကိုတိုက်မောင်းနှင့် အတူတူနေခဲ့ရသူတွေ ။ ဒီလို အတူတူ နေခဲ့သူတွေ၏ သူတို့ တပ်ရင်းမှူး အပေါ် အလေးထား တန်ဖိုးထားကြသည်မှာ အထူး အဆန်းတော့မဟုတ် ။ အလှအပတွေကို စာဖွဲ့ကြတော့ ။ခပ်ဝေးဝေးက မြင်တဲ့အလှ၊ အနီးကပ် မြင်တဲ့အလှ ဟု သရုပ်ခွဲတတ်ကြသည်။ တချို့က အဝေးက အမြင်မှာသာလှနေကြပြီး အနီးကပ် ကြတော့ အလှပျောက်သွားတတ်တာတွေရှိသည်။ တချို့ကအဝေးမှာအရုပ်ဆိုးသည်ဟု ထင်ရသော်လည်း နီးလေ လှလာလေဆိုသောအလှတွေလည်းရှိသည်။ ကိုတိုက်မောင်း၏ သိက္ခာသမာဓိကတော့ နီးလေ အလှကိုပိုမြင်ရလေဆိုသော အတန်းအစားထဲက ဖြစ်၏။ ဒီတော့ ဇနီးမောင်နှံ နှစ်ဦးသား သူတို့ တပ်ရင်းမှူးအကြောင်းကိုအားပါးတရ ပြောကြတာကြည့်ပြီး မရှိတော့ပြီ ဖြစ်သော မိတ်ဆွေအတွက် ကျေနပ်အားရသော ဝမ်းသာမှုတွေဖြစ်ရသလို အခုလိုအချိန်မှာ အသက်ထင်ရှား ရှင်လျှက် နေစေလိုသော နှမြောတသ ဝမ်းနဲ့မှုတို့ရောပြွမ်းသောစိတ်ခံစားမှုက ရင်ထဲ ပြည့်ကျပ်လာပါတော့သည်။ ကိုခင်ဇော်က သူ့တပ်ရင်းမှူးအကြောင်းအားပါးတရ ပြောရင်း သူ့ထံတွင် သိမ်းဆည်းထားသော ကိုတိုက်မောင်း လက်ရေး နှင့်စာများ ကိုတိုက်မောင်းဓာတ်ပုံများ ရှိကြောင်းကို ပြောလာသည်။ သူတမြတ်တနိုးသိမ်းထားတာကိုက သူရဲ့တပ်ရင်းမှူးအပေါ် ဘယ်လောက်တန်ဖိုးထားကြောင်းပေါ်လွင်နေသည်။ ပုံတိုင်း ပုံတိုင်းက ဇာတ်ကြောင်းတွေ တခုစီနှင့် ။ “’ဒီနေရာက နေထိုင်းကဆေးရုံကို ရောက်အောင် မလွယ်ဘူးဘုရား” ဗိုလ်တိုက်မောင်း၏ နောက်ဆုံးခရီးနှင့်သူ၏ ဝိညာဉ်ကို ချွေချပစ်မည်ဖြစ်သော သစ်ပင်ကြီး ပုံကို လွမ်းမောတသ စွာ လက်ညိုးထောက်ရင်း သူပြောပြနေသည်။ “ကားအချိန်မီ ရလိုက်ရင် မသေဘူးဘုရား ” နောက်ဆုံး သူသေမည်ကို သေချာသိသော ဗိုလ်တိုက်မောင်းက သူ့အလောင်းကို မြန်မာ့မြေပေါ်တွင်သာ မြှုပ်နှံရန် တောင်းဆို ခဲ့သည်။ သူ အမိမြန်မာ ပြည်ကို သေပြီးတောင် ချစ်နေမြဲ ဆိုတာကို သက်သေပြခဲ့သည်။ အမိမြန်မာပြည်၏ ပြည်သူ အားလုံး လွတ်မြောက်ရေးကို အာသာ ပြင်းပြင်းသူလိုလားခဲ့သည်။ အတူနေစဉ် သူဦးဆောင် ခဲ့ မှုကို တမ်းတမ်းတတ ဖြစ်ဆဲ ဇနီးမောင်နှံ ဆီက ဗိုလ်တိုက်မောင်း နှင့်ပတ်သက်သော ဓာတ်ပုံများ ။ သူ ကိုယ်တိုင်၏လက်ရေးစာများကို မပျောက်မပျက် ထိမ်းသိမ်းထားသည်။ အခုဒါတွေကို လာရောက်ပြီး ပေးအပ်နေသည်။ “ဦးဇင်းစာရေးပါဘုရား ” သူပြောပြနေသည့် အချက်အလက်တွေက ကိုတိုက်မောင်းအပေါ် သူတို့ လင်မယား တသသ နှင့်တလေးတစား ပြောရလောက်သည်ချည်း ။ သူစိတ်ထဲက မမေ့ပျောက်သေးသော ဇာတ်လမ်းများကို သူက လွမ်းလွမ်းဆွေးဆွေး ပြောပြနေသည်။ ဘေးက နားထောင်နေသော သူ့ဇနီးသည်က လိုအပ်သည့်နေရာ မေ့နေမည်ထင်သည့် အရာတို့ကို ဝင်ဝင်ထောက်ပေးသည်။ သူ့မိတ်ဆွေ ကဗျာဆရာ ကံထွန်းသစ်ကို ဗိုလ်တိုက်မောင်း နဲ့ ပတ်သက်တာတွေ ရထားပြီဆိုတာ ပြောပြလျှင် ဘယ်လောက်များ ဝမ်းသာနေမည်မသိ ။ ဆရာတော် ကံထွန်းသစ်ကျောင်းမှာ အရေးတော်ပုံကာလ နားခိုရင်း သူယုံကြည်ရာလမ်းကို ရွေးချယ်ခဲ့သော ၈၈ ၏နေ့ရက်များအား ကံထွန်းသစ်နှင့်ဆုံတိုင်း ပြောမကုန်ခဲ့။ သူ့မိတ်ဆွေ ကဗျာဆရာ တော်လှန်ရေးသမားကြီး၏ ဘဝ နောက်ဆုံးအချိန်မတိုင်ခင် လူသားဆန်ဆန် နေထိုင်ခဲ့သည်များသာ သူ့နားနှင့် တိုက်ရိုက် နားထောင်ရလျှင် ပါးစပ်အဟောင်းသားနှင့် ဖြစ်နေမှာကို မြင်ယောင်နေမိသည်။ . အရှင်ဇဝန-နိုင်ငံရေးအကျဉ်းသားဟောင်း

“ဂုဏ်ယူမိပါတယ်” ကျနော်သိတဲ့ ကိုနေဝင်း (သို့) ဒေါက်တာနေဝင်း။

Nik Nayman “ဂုဏ်ယူမိပါတယ်” ကျနော်သိတဲ့ ကိုနေဝင်း (သို့) ဒေါက်တာနေဝင်း။ ၁၉၈၂ တိမွေးကုတက္ကသိုလ် စတက်တော့ ဆေးတက္ကသိုလ် (၁) လိပ်ခုံး ရန်ကုန်မှာ လူဆေး၊ သွားဆေး၊ တိဆေး ဆေးတက္ကသိုလ် (၃) ခုပေါင်းပြီး ပထမနှစ် (၁) နှစ်ခွဲအတူတူ တက်ခဲ့ရတယ်။ အဲဒီတုန်းက တိမွေးကုတက္ကသိုလ် မဂ္ဂဇင်းထုတ်တယ်။ လိပ်ခုံးက စာသင်ခန်းထဲကို မဂ္ဂဇင်းလာရောင်းတဲ့ ကျနော်တို့ရဲ့ အကြီးတန်းက အကိုကြီးတစ်ယောက် တွေ့ခဲ့ဘူးတယ်။ ဖျင်ပင်နီတိုက်ပုံဝတ်ပြီး ခပ်ဖောင်းဖောင်းလွယ်အိတ်ကြီးတလုံးလွယ်လို့။ ဘိုသီဘတ်သီနဲ့။ တခါတလေ ချွေးတလုံးလုံးနဲ့ ခပ်သွက်သွက်လမ်းလျှောက်တတ်သူ။ အဲဒီတုန်းက သူက စတုတ္ထနှစ်ကျောင်းသားကြီးဖြစ်မယ်ထင်တယ်။ သူက အင်းစိန်က ဧရာဝတီဆောင်မယ်နေတယ်ထင်ရဲ့။ ကျနော်က သမိုင်းအဆောင်တွေထဲက ဇီဝကဆောင်။ အဲဒီကထဲက သူ့ပုံပန်းက အပြင်စာ အဖတ်များတဲ့ နိုင်ငံရေးသမားပုံစံ။ သိပ်သိသာတယ်။ အမှတ်မမှားရင် တိမွေးကုတက္ကသိုလ် ရေဆင်းရွေ့တော့ ပေါင်းလောင်းဆောင်ဘေးမှာ စာအုပ်ဆိုင်လေး ဖွင့်ခဲ့တယ်ထင်ရဲ့။ ကျောင်းမှာ ကိုနေဝင်း နာမည်တူတွေများတယ်။ သူ့ကို လွယ်အိတ်ကြီး ကိုနေဝင်း လို့ခေါ်ကြတယ်ထင်တယ်။ လွယ်အိတ်ကြီး အမြဲလွယ်ထားလို့ထင်ပါရဲ့။ စကားပြောခပ်ဝါးဝါး။ အသားဖြူ။ မျက်ခွံခပ်ပိပိနဲ့။ ကျနော်တို့ ပထမနှစ်က ထွက်ခဲ့တဲ့ မဂ္ဂဇင်းကလည်း ကိုနေဝင်းတို့ ဦးစီးထုတ်တာဗျ။ မျက်နှာဖုံးပန်းချီမှာ အဓိပ္ပါယ်တွေ အများကြီးပါပြီး ကျောင်းသားတွေကြား တိုးတိုးပြောကြ အဓိပ္ပါယ် ဖော်ခဲ့ကြရတာ မှတ်မိတယ်။ ကျနော်က ဇီဝက အဆောင်မှာ စာကြည့်တိုက်တာဝန်ခံ။ ကိုနေဝင်းလာပေးတာတော့ မဟုတ်ဘူးထင်တာပဲ။ တနေ့မှာ ကျနော့်ဆီကို ဦးသန့်အရေးအခင်းပြီး ထုတ်တဲ့ ရန်ကုန်တက္ကသိုလ်မဂ္ဂဇင်းဟောင်းတစ်အုပ်ရောက်လာတယ်။ အဆောင်ကျောင်းသားတွေကိုဌားပေးဖို့။ အဆောင်မှူးက ဆရာဦးခင်ငြိမ်း။ မော်ကွန်းထိန်း။ Anatomy လည်းသင်တယ်။ ဆရာက မီးရှို့ပစ်ဖို့ပြောတယ်။ ကျနော်က ဟုတ်ကဲ့လို့ပြောပြီး သိမ်းထားတယ်။ စိတ်ချရတဲ့သူငယ်ချင်းတချို့ကိုပြတယ်။ မျက်နှာဖုံးပန်းချီ နဲ့ အတွင်းက ပါမောက္ခချုပ် ရုပ်ပုံဆွဲထားတာကို အဓိပ္ပါယ် ဖော်ကြတယ်။ ကျနော်တယောက်ထဲလည်း ခဏခဏ ကြည့်ပြီး အဓိပ္ပါယ် ဖော်နေမိခဲ့တယ်။ မှတ်မိသမျှပြောရရင် - သစ်ပုပ်ပင် ဆွဲထားပြီး ဘွဲ့ဝတ်စုံလိုနဲ့ကျောင်းသားတွေကို ဆွဲကြိုးချထားတဲ့ ပုံတွေလိုလို။ နောက် စစ်သားတွေက သေနတ်နဲ့ပစ်နေတဲ့ပုံလိုလို။ သစ်ပုပ်ပင်ကြီးက လက်သီးဆုပ်ထားတဲ့ လက်လိုလိုနဲ့ သွေးစီးကျနေတဲ့ပုံမျိုး။ ထိုင်ခုံဖြူဖြူလေးတွေက အုတ်ဂူတွေပုံစံမျိုး။ အဲတာက မျက်နှာဖုံးပုံ။ စာအုပ်က ဟောင်းလှပြီ။ အဖုံးကပြုတ်လုလု။ နောက် ထူးခြားတာက အတွင်းဘက် ပါမောက္ခချုပ် ဥယောဇဉ်မှာ ဓာတ်ပုံမထည့်ဘဲ ရုပ်ပုံဆွဲထည့်ထားတာ။ ကျနော်သိသလောက်ပြောရရင် ပါမောက္ခချုပ် ပုံက ဦးနေဝင်း (မ.ဆ.လ) ပုံနဲ့ခပ်တူတူဆွဲထားတယ်လို့ ပြောကြတယ်။ ဘွဲ့ ကက်ပ်ဦးထုပ်က သံလျက်ပုံ။ အမြိတ်ကလေးတွေချထားတာက လက်ပုံ။ အာဏာကို ဦးနေဝင်းလက်ဝါးကြီးအုပ်ထားတဲ့ အဓိပ္ပါယ်။ နောက် ပန်းချီဆရာလက်မှတ်က ၁ ခါထဲထိုးရမှာ ၂ ခါထပ်ထိုးထားတာ။ Say လိုလက်မှတ်ကို ၂ခါထပ်ရေးတော့ dog လို့ဖြစ်သွားတယ်။ နောက်ပုံကို ဘောင်ခတ်ပစ်တယ်။ ကျဉ်းမြောင်း ကျဉ်းကြပ်တဲ့သဘော။ နောက် ရုပ်ပုံပေါ်မှာ အနက်စက်တွေနဲ့ဗျ။ အမှောင်ကျနေတဲ့သဘော။ မလွတ်လပ်တဲ့သဘောထင်တာပဲ။ ဘာရယ်မဟုတ်ပါဘူး လွယ်အိတ်ကြီးကိုနေဝင်း ပုံတွေ့တော့ ဆက်စပ်မိသွားတာပါ။ ၈၈ အရေးအခင်း ပြီး နဝတတက်လာပြီး ဦးခင်ညွန့်က နိုင်ငံရေးသမားတွေဖမ်းပြီး ကွန်မြူနစ်လို့စွပ်စွဲ စာအုပ်နီကြီးထုတ်တော့ စာအုပ်ထဲမှာ ကိုနေဝင်းပုံနဲ့ အကြောင်းအရာတွေပါလာတယ်။ ကျနော်က ဂုဏ်ယူသလိုခံစားမိတယ်။ (၁၆) နှစ်နီးပါးထောင်ကျခဲ့မှန်း ခုမှသိရတယ်။ နှစ်များမယ်မှန်းတော့ အဲဒီတုန်းက သိခဲ့ပါတယ်။ နောက် နာဂစ်မှာ ကူညီလို့ (၄) နှစ်ထောင်ကျပြန်တာတော့ ခုမှသိရတယ်။ တက္ကသိုလ်မှာတုန်းက အတန်းကြီး အတန်းငယ် ဖြစ်ပြီး မခင်ခဲ့။ အဝေးကပဲ လေးစားခဲ့ရတယ်။ ခု သတင်းတွေပေါ်လာတော့မှ ကျောင်းသားခေါင်းဆောင် မဖြိုးဖြိုးအောင်ရဲ့ ဖခင်ဟာ ကိုနေဝင်း ဖြစ်နေတာ သိရတယ်။ ဂုဏ်ယူပါတယ် ကိုနေဝင်း။ ကျနော့်ထက် ၆ နှစ်ကြီးပေမယ့် သူ့ပုံကြည့်ပြီး အရမ်းအိုစာသွားတယ်ထင်မိတယ်။ ဘယ်လောက်များ အနှိပ်စက်ခံခဲ့ရသလဲမသိ။ ကျောင်းတုန်းက ခင်မင်ခဲ့ရင်ဘယ်လောက်ကောင်းမလဲ တွေးနေမိတယ်။ ကျနော်ကတော့ ကိုနေဝင်းနဲ့ တကျောင်းထဲ တက်ခဲ့ဘူးတာ။ မြင်ခဲ့ဘူးတာ။ သိခဲ့ဘူးတာ ဂုဏ်ယူတယ်။ ခု မဖြိုးဖြိုးအောင်ရဲ့ဖခင်လို့သ်ိလိုက်ရလို့ ပိုပြီးတော့ ဂုဏ်ယူပါတယ် အကိုကြီးကိုနေဝင်း ခင်ဗျား။ (ကိုအေးလင်း)။

စိန်နားကပ် ကဗျာနဲ့ အဆိုတော်မင်းအောင် (သို့မဟုတ်) တော်လှန်ရေးနဲ့ အနုပညာရောစပ်ထားတဲ့ ဗိုလ်တိုက်မောင်း (၁)

Add caption သူ့ အကြောင်းပြောမယ်ဆိုရင် ဦးဇင်းတို့မြို့မှာ ပြောမ ကုန်နိုင်တဲ့ ဇာတ်လမ်းတွေ အများ ကြီးပဲ။ သူနဲ့ ရင်းနှီး သူတိုင်းက သူ့ကို အမှတ်ရတိုင်း တဦးဆီနဲ့ပတ်သတ် ခဲ့တဲ့ ဇာတ်လမ်းလေးတွေကို ပြောပြီးအလွမ်းဖြေကြ တယ်။ ဒီဇာတ်လမ်းတွေကိုသာ စုစည်းထားနိုင်မယ် ဆိုရင် မြို့ရဲ့သားကောင်းတစ်ယောက် အကြောင်းကို တခမ်းတနားဖော်ပြတဲ့ စာအုပ်ကြီး တအုပ်ဖြစ်လိမ့်မယ်။ ဟုတ်တယ်။ သူဟာ ဦးဇင်းတို့မြို့ရဲ့ စံပြုထိုက်တဲ့ သားကောင်းတ ယောက်ပဲ။ သူ့မှာ နာမည်တွေများစွာရှိတယ်။ ငယ်သူငယ်ချင်း ကျောင်းနေဘက်တွေက စိန်နားကပ်လို့ပြောမှ သူတို့ရဲ့ စိတ်နဲ့ နှုတ်ထဲမှာ အရသာရှိရှိ ခေါ်လိုက်ရတယ်လို့ ခံစား ကြရတယ်။ ဒီနာမည်လေးဟာ သူတို့ ချစ်သူငယ်ချင်းရဲ့ ရိုးသားမှု၊ မာန်မာနမရှိမှုကို ကိုယ်စားပြုနေတယ်ဆိုတာ စိန်နားကပ်လို့ ခေါ်သူတိုင်းက ရင်ထဲမှာ ခံစားကြရတယ်။ ကိုးတန်းကျောင်းသားရောက်တဲ့အထိ နားကပ်ကြီးကို ပန်ထားဆဲပဲ။ တောဓလေ့ထုံးစံက ယောက်ကျားလေးတွေလည်း ငယ်ငယ်ကလေးကတည်းက နားပေါက်ဖောက်တယ်။ နားဋောင်းဝတ်တယ်။ သျှောင်ကြီးဗွေနဲ့ နေကြတယ်။ ဒီအစဉ်အလာကို သူဟာ အရွယ် ရောက်လာတဲ့အထိ မစွန့်လွှတ်ဘူး။ သူငယ်ချင်းတွေကြားမှာ ရှက်စရာလို့ သူဘယ်တော့ မှ မမှတ်ထင်ခဲ့ဘူး။ ကြာတော့ နောက်ပြောင်သူတွေလည်း လက်လျှော့ပြီး စိန်နားကပ် လို့ပဲ သူ့ကို ချစ်စနိုးခေါ်ကြတော့တယ်။ ပစ္စည်းဥစ္စာနွမ်းပါးပေမဲ့ သူ့မှာ ရိုးသားမှုတွေ ချမ်း သာတယ်။ ကျောင်းတက်တုန်း ဆောင်းဖို့ ထီးမရှိလို့ ဝမ်းမနည်းဘူး။ ခမောက်ကြီးကို ဆောင်းလို့ ကိုးတန်း၊ ဆယ်တန်း အထိမက ကျောင်းဆရာဖြစ်တဲ့အထိ ဆောင်းတယ်။ ဒါတွေဟာ သူထွင်နေတာမဟုတ်ဘူး။ ရှိတာနဲ့ ဘဝကို အကောင်းဆုံးဖြစ်အောင် နေထိုင် တာပဲ။ KTM ဦးဇင်းတို့မြို့မှာ တခုတည်းသော ပင်းမင်းဆိုင်ရှိတယ်။ ဆိုင်နာမည်က အိုကေတဲ့။ ဦးဇင်း နဲ့ ရင်းနှီးတဲ့ အဲဒီ ပင်းမင်းဆိုင်က အဒေါ်ကြီးက ဦးဇင်းကို ပြောတယ်။ “တပည့်တော်လေ အဲဒီကောင်လေးကို စိတ်ထဲက ဘယ်လိုကြည်ညိုမှန်းမသိဘူး။ နေ့ တိုင်း အမေဈေးထွက်တာကို ဈေးခြင်းကို ထမ်းပြီးပို့ပေးတယ်။ စာပေးစာယူ သွားဖြေခါနီး ကျမှ သူ့အဝတ်အစားထဲက အကောင်းဆုံးနှစ်စုံကို ပင်မင်းလာပေးတယ်။ တပည့်တော် လေ သူများ အဝတ်တွေထက်ကို ပိုစေတနာထည့်ပြီးတော့ လျှော်ပေးလိုက်တယ်။ သူ အဲဒီနှစ်ထည်တည်းနဲ့ တလလုံး ရန်ကုန်မှာ ဘယ်လိုနေမယ်မသိဘူး။” ပင်မင်းဆိုင် အဒေါ်ကြီးရဲ့ စကားထဲမှာ သူ့ဘဝနဲ့ သူ့နေထိုင်မှုတွေပုံပေါ်နေတယ်ထင် တယ်။ ဦးဇင်းတို့ ကျောင်းက ကိုရင်တွေကတော့ သူ့ကို အိုင်အိုလို့ ခေါ်ကြတယ်။ ဇာတ် လမ်းတခုထဲက နာမည်ကြီး ဇာတ်လိုက်အိုင်အိုမင်းအောင်ကို၊ ဒီတော့ ကိုရင်တွေက သူ့ ရဲ့နောက်က နာမည်ကိုဖျောက်ပြီး ရှေ့က စကားလုံးအတိုင်း အိုင်အိုလို့ခေါ်တယ်။ သူဟာ အားတဲ့အချိန် ဘုန်းကြီးကျောင်းမှာပဲ အချိန်ကုန်တယ်။ ရှိသမျှ စာအုပ်တွေကို သိမ်းကျုံးဖတ်တယ်။ အားရင် ဦးဇင်းနဲ့ ကဗျာအကြောင်းတွေ ပြောကြတယ်။ အစက သူ့ကလောင်နာမည်က “မင်းဘုံမှီး” တဲ့။ နောက်တော့ သူ့ကလောင်နာမည်ကို ရဲထိန်လို့ ပြောင်းတယ်။ ဒီကလောင်နာမည်နဲ့ပဲ သဘင်မဂ္ဂဇင်းမှာ ကဗျာတစ်ပုဒ်စပါတယ်။ ကဗျာ နာမည်ကို မှတ်မှတ်ရရ ရှိနေတုန်းပဲ။ “ ပဲ့ပြားပင် မဟုတ်သော ငါတို့သည်” တဲ့ ဒီက လောင်နာမည်ကို ကဗျာဆရာ ငါးသိုင်းချောင်း ဝံသာကလည်း သဘောကျတယ်။ သူ့ကို ဟိုကဗျာအရေးကောင်းတဲ့ ကျောင်းဆရာလို့ ကိုဝံသာကြီးက ခေါ်လေ့ရှိတယ်။ ၁၉၈၇ ခုနှစ်ရဲ့ နွေကို ဦးဇင်းကောင်းကောင်းအမှတ်ရနေတယ်။ သူတို့တီးဝိုင်း ပန်းနု ရောင် (the light pink)မှာ သူက အဆိုတော်။ သူ့ဝိုင်းသားတွေရဲ့ တီးခတ်မှု ပိုပြီး အား ဖြည့်ပေးချင်တယ်။ ဒါနဲ့ သူရန်ကုန်သွားပြီး အတီးပညာသင်တယ်။ တကယ့်ဆရာကြီး ကိုရဲလွင်ဆီမှာ တနွေလုံးသင်တယ်။ တကယ်က သူ့မှာ ငွေကြေးပြည့်စုံတာမဟုတ်ဘူး။ တခါတလေ ကောက်ညှင်းထုပ်နဲ့ မနက်စာ၊ညစာပြီးတယ်လို့ပြောတယ်။ တတ်နိုင်သမျှ တော့ ဦးဇင်းလည်း သူ့ကို စရိတ်တွေထောက်သေးတယ်။ ရင်းနှီးတဲ့ ဘုန်းကြီးကျောင်းကို အပ်ပေးဖို့ စီစဉ်ပေမယ့် လူတဖက်သားကို အားနာတတ်တဲ့သူက နွမ်းပါးတဲ့ သူ့အဒေါ် တွေဆီမှာပဲ အိမ်အလုပ်တွေ ဝိုင်းကူရင်းနဲ့ နေတယ်။ အဒေါ်အိမ်မှာနေတုန်း အစားအ သောက်အတွက် အဆင်ပြေပေမယ့် တနေကုန်သင်တန်းတွေနဲ့ မအားတဲ့ရက်တွေတော့ အစာခံတဲ့ကောက်ညှင်းထုပ်ကို အိတ်ထဲထည့်ထားတယ်။ တကယ်က သူဟာ တော်လှန်ရေးနဲ့ အနုပညာကို အချိုးကျစွာ ပေါင်းစပ်ထားသူဖြစ် တယ်။ သူပေးဖတ်လို့ နိုင်ငံရေးစာအုပ်မျိုးစုံ ဖတ်ဖြစ်ခဲ့တယ်။ ကဗျာတွေထဲ စာတွေထဲက နိုင်ငံရေးလျှို့ဝှက်ချက်တွေကို ဖော်ထုတ်တတ်လာတယ်။ မဆလရဲ့ တင်းကြပ်တဲ့ စာ ပေစည်းကမ်းထဲက ထိုးထွက်လာတဲ့ စာတွေကဗျာတွေဆိုရင် ဦးဇင်းနဲ့ သူ အငမ်းမရဖတ် ဖြစ်လာကြတယ်။ ကဗျာဆရာ ငသိုင်းချောင်းဝံသာရဲ့ ခြင်များဆိုတဲ့ ကဗျာလေးကို ဖတ် ပြီး သူကိုဝံသာကြီးနဲ့ တွေ့ဖို့ ကြိုးစားခဲ့တာတွေဟာ အနုပညာနဲ့ နိုင်ငံရေး ရောမွှေထား တဲ့ ဘဝကို သူတည်ဆောက်နေတယ်ဆိုတာ ထင်ရှားတယ်။ မဆလ လက်ထက်က စာ ပေစိစစ်ရေး အထပ်ထပ်ကြားက လွှတ်လာတဲ့ (စာပေစီစစ်ရေး သမားတွေနားမလည် တာလည်းဖြစ်ချင်ဖြစ်မယ်) ကဗျာလေးကို ဒီနေရာမှာ တိုက်ဆိုင်လို့ ရေးပြလိုက်ပါတယ်။ ဒီကဗျာကို ကိုမင်းအောင်ကြိုက်နှစ်သက်တာကလည်း ဘာကြေင့်ဆိုတာ စာဖတ်သူ ဖတ် ပြီးရင် သဘောပေါက်မှာပါ။ B8 ခြင်များ မှောင်လာပြီ ဆိုတာနဲ့ ဖွဖွလှုပ်လှုပ် နည်းတဲ့ ခြင်အုပ်ကြီးမဟုတ်ပါလား ဒီခြင်တွေဟာ မြို့ပြကနေ ဆင်ခြေဖုံးထိ တွေ့တွေ့သမျှ၊ မြင်သမျှလူ သွေးသားစုပ်ယူ သောက်မျို၏။ ဒီအချိန်ပဲ ဆင်းရဲချမ်းသာ ဒါပြဿနာမဟုတ် သွေးစုပ်တဲ့ခြင်၊ သန့်စင်လိုက်စို့ ကျွန်ုပ်တို့လည်း ခြင်မုန်းသူ။ ………………………………………………….. ဤကဗျာကိုဖတ်ပြီးတော့ သူကဗျာဆရာပိုင်ရှင် ကိုဝံသာကြီးဆီ စာရေးတယ်။ ကျွန်တော် လည်း ခြင်မုန်းတဲ့သူပါ။ အဲဒီအချိန်တည်းက သူနဲ့ ကိုဝံသာ ကဗျာမိတ်ဆွေ၊ စာမိတ်ဆွေ အဖြစ် တော်တော်ကြီး ရင်းနှီးသွားခဲ့ကြတယ်။ သူလိုအပ်သမျှ စာအုပ်တွေလည်း တချို့ အလကားနီးပါး ကိုဝံသာက ပေးဖတ်တယ်။ ဒီလိုနဲ့ မြို့အနီအနားက အိမ်ခြေလေးဆယ် ဆိုတဲ့ ရွာမှာ အရပ်ခန့် ကျောင်းဆရာဝင်လုပ်တယ်။ သူ့ရဲ့ ကြိုးစားအားထုတ်မှုကြောင့် သူ့ကို ကျောင်းအုပ် နေရာပေးတယ်။ အားလုံး တက်ညီလက်ညီ သင်ကြားပေးမှုကြောင့် တန်းလုံးကျွတ် အောင်တယ်လို့ တမြို့နယ်လုံးမှာ ဂုဏ်သတင်းကြီးခဲ့တယ်။ စာသင်ကြား နေတုန်းမှာလည်း ကလေးတွေကို နံရံကပ်စာစောင်တို့၊ ကျဘမ်း စကား ပြောပြိုင်ပွဲတို့၊ မြို့ပေါ်က စာရေးဆရာ၊ ကဗျာဆရာတွေကို ဖိတ်ပြီး ပွဲတွေကို စဉ်ဆက် မပြတ် လုပ်ပေးတယ်။ ဦးဇင်းနဲ့သူ ၁၉၈၇ ခုနှစ်မှာ ဒိုက်ဦးနဲ့ ရန်ကုန်ကို တယောက်တ မြို့ဆီ ခွဲခွာခဲ့ရတယ်။ ၁၉၈၈ ရောက်တဲ့အခါကျတော့ သူနဲ့ ဦးဇင်း ပြန်လည်ဆုံဖို့ နိုင်ငံ ရေး အခြေအနေတွေက ဖန်တီးပေးလိုက်တယ်။ ဖုန်းမော် အရေးအခင်းအပြီး ဇွန်၊ ဇူလိုင် လတွေမှာ မြို့ပေါ်က အဖွဲ့အစည်းပေါင်းစုံက ထွက်ရှိတဲ့ ကြေငြာချက်တွေ၊ စာရွက်စာ တမ်းတွေကို စုစည်းပြီး သူရှိတဲ့ ဒိုက်ဦးမြို့ကို ပို့ပေးရတယ်။ လူချင်းလည်း မကြာခဏ တွေ့ဆုံပြီး အရေးအခင်းတခု ဖြစ်မြောက်လျှင် ကျရာနေရာက ဝင်ပါကြဖို့ ဆန္ဒစောနေ ကြတယ်။ သြဂုတ် လ (၈) ရက်နေ့ တတိုင်းပြည်လုံး အုံကြွမှုကြီးအပြီး ပစ်ခတ်မှုတွေကြောင့် ခေတ္တ ငြိမ်သက်သွားစဉ်မှာ သူ (ကိုမင်းအောင်) ဟာ ဦးဇင်းရှိရာ ရန်ကုန်မြို့ကို ရောက်လာ တယ်။ ဦးဇင်းတို့နှစ်ယောက် နေ့စဉ်ရက်ဆက် ဆေးရုံကြီး အရေးပေါ်ဌာနဘေးရှိ ကွင်း ပြင်ကွက်လပ်မှာ တခါတရံ ကိုယ်ကနားထောင်သူ၊ တခါတရံ ကိုယ်က ဟောပြောသူ အ ဖြစ်နဲ့ မမောနိုင်မပမ်းနိုင် နေ့ရက်တွေကို ဆေးရုံကြီးမှာ ကုန်ဆုံးစေခဲ့တယ်။ ဒီလိုနဲ့ သြ ဂုတ်လ ၂၂ ရက်နေ့ တမြို့လုံးပြန်ပြီး လမ်းပေါ်ပြန်ထွက်မယ်ဆိုတဲ့ ဆော်သြသံတွေနဲ့ အ တူ မနက်အစောကြီး ရန်ကင်းကနေ ရန်ကုန်မြို့ထဲ ဦးဇင်းတို့နှစ်ယောက် အမြန်ဆုံး ရောက်အောင် သွားခဲ့ကြတယ်။ ဦးဇင်းတို့ကား သိမ်ကြီးဈေးနားရောက်တဲ့အခါ အလံ ကိုင်ပြီး တန်းစီထွက်လာတဲ့ လူအုပ်ကြီးကို တွေ့လိုက်ရတယ်။ အဲဒီ လူအုပ်ကြီးနဲ့အတူ ဦးဇင်းတို့ အလုံသခင်မြပန်းခြံဘက်ကို ဦးတည်ပြီး ရွေ့လျားသွား ခဲ့ကြတယ်။ သခင်မြပန်းခြံအရောက်မှာ စစ်တပ်က လမ်းမှဖြတ်တားလို့ တစ်ယောက်တ ကွဲစီ ကွဲခဲ့ကြတယ်။ ဆေးရုံကြီးမှာ လူတွေစုနေပြီဆိုတဲ့ အသံကြောင့် ဦးဇင်းလည်း ဆေး ရုံကြီးကို ပြန်လည်သုတ်ခြေတင်ခဲ့တယ်။ ဒီလိုနဲ့ ၂၂ ရက်ကုန် ၂၃ ရက်အရောက်မှာ ဆေးရုံကြီးမှာ နာမည်ကြီးခေါင်းဆောင်တွေ၊ အနုပညာရှင်တွေရဲ့ ဟောပြောပွဲတွေနဲ့ ရန်ကုန်ဆန္ဒပြပွဲကြီးဟာ အောင်အောင်မြင်မြင်ကို ပြုလုပ်နိုင်နေပြီ။ ဆက်ရန်…. အရှင်ဇဝန နိုင်ငံရေးအကျဉ်းသားဟောင်း နေ့သစ်ဝက်ဆိုဒ်မှ ကူးယူဖေါ်ပြပါသည်။ Copy the BEST Traders and Make Money : http://bit.ly/fxzulu

မေမေ့ အက်ဆေး

ကောလိယသူ ဆရာမမိုးမိုး ( အင်းလျား )အကြောင်းကို သမီးဖြစ်သူ မသွယ်သွယ်မျိုးညွန့်မှ ရေးသားထားခြင်းဖြစ်ပါသည် ။ မေမေဆုံးတာ ၂၅နှစ်ပြည့်အမှတ်တရ ရေးဖြစ်တဲ့ ပြည်သူ့အရေးက ဆောင်းပါးလေးပါ။ မေမေ့ အက်ဆေး မတ်လ ၁၃ ရက်နေ့ဆိုတာ ဖုန်းမော် ကျဆုံးတဲ့နေ့ ဖြစ်သလို ကျွန်မ မေမေ ဆုံးပါးတဲ့နေ့လည်း ဖြစ်ပါတယ်။ နောက်ထပ် တိုက်တိုက် ဆိုင်ဆိုင် မှတ်မိနေတာတစ်ခုက ရုပ်ရှင်မင်းသား ပြေငြိမ်း ကွယ်လွန်တဲ့နေ့လည်း ဖြစ်ပါတယ်။ ဆုံးပါးတဲ့ နှစ်တွေ မတူကြပေမယ့် ဆုံးပါးတဲ့ ရက်တွေကတော့ တစ်ရက်တည်း အတူတူပါ။ မေမေ မရှိတော့တာ ဒီနှစ်ဆိုရင် ၂၅ နှစ် ပြည့်ပါပြီ။ ကိုယ်ရောက်နေတဲ့ နေ့ရက်အချိန်ကနေ နောင် ၂၅ နှစ် ကြာတဲ့ အခါလို့ တွေးကြည့်လိုက်တော့ အဝေးကြီး အများကြီး လိုသေးတယ်လို့ ထင်ရပေမယ့် ကုန်လွန်သွားတဲ့ ၂၅ နှစ်တာကို ပြန်တွေးကြည့်လိုက်ရင်တော့ မနေ့တစ်နေ့ကမှ ဖြစ်ပျက်ခဲ့တယ်လို့ ထင်ရပြန် ပါတယ်။ လွန်ခဲ့တဲ့ ၂၅ နှစ်တာ အချိန်အခါက ကျွန်မ အမေနဲ့ ပျော်ပျော်ကြီး နေခဲ့ဖူးပါတယ်။ ကျွန်မတို့ မေမေ မေမေ့ ကလောင်နာမည်က မိုးမိုး (အင်းလျား) ဖြစ်ပြီး နာမည်ရင်းက စန်းစန်းဖြစ်လို့ စာမရေးခင်ကတည်းက သိကျွမ်းသူတွေ၊ မွေးရပ်မြေ ဒိုက်ဦးက သူတွေက အစန်းလို့ ခေါ်ကြပြီး စာရေးပြီးမှ သိကျွမ်းသူတွေကတော့ မမိုးလို့ ခေါ်ကြပါတယ်။ မေမေ့မှာ မွေးချင်းဆိုလို့ မေမေ့ရဲ့ အဖေတူ အမေကွဲ မောင်နှမဖြစ်တဲ့ ပဲခူးမှာနေတဲ့ ဘဘ ဦးမြင့်သိန်းတို့ မိသားစုပဲ ရှိတာမို့ ကျွန်မတို့တွေက ငယ်ငယ်ကတည်းက ဖေဖေ့ဘက်ကဆွေမျိုးများရဲ့ ပြုစုစောင့်ရှောက်မှုအောက်မှာ ကြီးပြင်းလာကြရပါတယ်။ ကျွန်မတို့ မေမေက စိတ်ဆိုး ဒေါသနဲ့အော်ဟစ် ပြောဆိုတာမျိုး ကျွန်မတော့ မကြုံဖူးဘူးလို့သာ မှတ်မိပါတယ်။ ကျွန်မ သူငယ်ချင်းတွေကတော့ နင့်မေမေက မျက်နှာတည်လို့ ကြောက်တယ်လို့ ပြောတဲ့ သူက ပြောပါတယ်။ ကျွန်မတို့ငယ်ငယ်က မေမေ ဆုံးမတဲ့ အခါ တကယ့်ကိုရှားရှားပါးပါး ခြောက်လက်မပေတံကလေးနဲ့ တစ်ခါတလေမှသာ လက်ဖ၀ါးကို မနာမကျင် တစ်ချက် နှစ်ချက် ရိုက်တတ်လို့ မေမေ့သူငယ်ချင်းတွေက မေမေ့ကို မိုးမိုးက သူ့ကလေးတွေ ရိုက်တာ ခြောက်လက်မပေတံနဲ့လို့ ရယ်စရာ ပြောကြရပါတယ်။ အိမ်ရှင်မ မေမေ မေမေ့ကိုကြည့်ရင် အေးအေးဆေးဆေးနဲ့ အိမ်မှုကိစ္စတွေ သိပ်မလုပ်ဘူး ထင်ရပေမယ့်လည်း ဟင်းချက်ကောင်းလို့ မေမေ ချက်ကျွေးတဲ့ ဟင်းတွေကို အခုထိ သတိရမိပါတယ်။ အမဲသားကို နူးအောင်ပြုတ်ပြီး အမျှင်လေးတွေပြန်ဖွ ငရုတ်သီးနဲ့ ပြန်ကြော်တာ၊ ၀က်သားနဲ့ ကြက်ဥပေါင်းတာ၊ ဘဲသားနဲ့ ကြံမဆိုင်ချက်၊ ၀က်နံရိုးချက်တွေ သိပ်စားလို့ ကောင်းပါတယ်။ ကြေးများတတ်တဲ့ ကျွန်မအတွက် ငါးခူနဲ့ ရဲယိုရွက်ချက်တဲ့အခါ ရဲယိုရွက်ဖယ်ပြီး ချန်ထားပေးတတ်သလို ငါးဟင်းချက်ရင်လည်း ငါးကို သတ်သတ် ကြော်ပေး တတ်ပါသေးတယ်။ ဘာကိုပဲလုပ်လုပ် အလှအပနဲ့ တွဲဖက်ရတာ ၀ါသနာပါလေတော့ ထမင်းဟင်း ပန်းကန်တွေကို အကြီးအသေး အစုံ အပွင့် ဆင်တူ ၀ယ်စုထားပါတယ်။ မုန့်ဟင်းခါး ချက်ဖို့အတွက်ဆိုပြီး မုန့်ဟင်းခါး အိုးသေး လေးတောင်ဝယ်လိုက်သေးတာပါ။ ကျွန်မတို့ ကျောက်မြောင်း အိမ် ဘေးခန်းမှာနေတဲ့ အိမ်ရှင်ကဆို မမိုး မုန့်ဟင်းခါး တစ်အိုးချက်တာ ဘာသံမှ မကြားလိုက်ဘူး ငါတို့အိမ်တော့ ဟင်းချက်ရင်တောင် ဆူညံနေတာလို့ ပြောဖူးပါတယ်။ ဧည့်ခန်းမှာ ပန်းအိုးတစ်အိုး အမြဲထိုးထားတတ်ပြီး ပန်းစိုက်တဲ့ ဆူးတုံးလေးတွေ ခံပြီး ပန်းအလှဆင်ပါသေးတယ်။ ကျောက်မြောင်းအိမ်မှာ အိမ်ရှေ့ မြေကွက်လပ် သေးသေးလေးရှိတော့ ပန်းအိုးတွေနဲ့ ပန်းစိုက်ပါတယ်။ ရွက်လှ၊ ပိန်းပန်းနဲ့ ငါးရိုးအရွက်တွေ စိုက်ပါတယ်။ ညနေ ဘက်ဆိုရင် ပန်းအိုးတွေနား ရောက်သွားတတ်ပြီး ကျွန်မ တို့က မေမေ ခြံထဲ ဆင်းတော့မလားလို့ နောက်ကြပါတယ်။ အိမ်ရဲ့ သစ်သားနံရံတွေက အစိမ်းရောင်ဆေး သုတ်ထားတာမို့လို့ ဧည့်ခန်းမှာ ဆိုဖာအစွပ်တွေနဲ့ ခန်းဆီးကို တစ်ရောင်တည်း ဆင်တူ အစိမ်းရောင်ခြယ်ပါတယ်။ အမေ့စာ မေမေ စာရေးတာနဲ့ ပတ်သက်လို့ ငယ်ငယ်က မှတ်မိတာ တစ်ခုကတော့ သမ္မတ ဟိုတယ်မှာ သွားပြီး စာသွားရေး တာကိုပါ။ စာရေးနေတဲ့ မေမေ့ဆီ တစ်ခါတလေ လိုက်သွား ပြီး အဲဒီအချိန်က ရှားပါးတဲ့ ဟော့ဒေါ့ဂ် ၀ယ်ကျွေးခိုင်း ပါတယ်။ ကျွန်မတို့ဖေဖေကတော့ မေမေ စာရေးဖို့ လိုအပ်တာကို ကောင်းကောင်း ပံ့ပိုးပေးတတ်သူဖြစ်ပြီး ခရီးသွားလို့ပဲ စာရေးဖြစ်သလား၊ စာရေးဖို့ပဲ ခရီးသွားသလား မသိရ ပေမယ့် မေမေနဲ့သွားဖူးတဲ့ ခရီးတော်တော်များများက မေမေ့ဝတ္ထုပုံရိပ်တွေ ဖြစ်လာပါတယ်။ “ခံတက်နုလေးတွေ ညှိုးချိန်တန်တော့” စာအုပ်အတွက် ဇေယျဝတီ သကြားစက်ကို သွားလေ့လာတော့လည်း ကျွန်မတို့ ကလေးတွေ ပါသလို “မီးရောင်အောက်ကို ၀င်သည်” စာအုပ်အတွက် နဲ့လည်း အန်တီဂရေ့စ် (ဆွေဇင်ထိုက်) တို့အိမ်ကို လိုက်သွားပြီး အန်တီ့သမီး မနွေးနွေးနဲ့ သိကျွမ်းခဲ့ရဖူးပါတယ်။ “မသုဓမ္မစာရီ” ၀တ္ထုဖြစ်လာစေတဲ့ ကျိုက်ဝိုင်းက သာသနော ဒယ သီလရှင်ကျောင်းမှာ မေမေ သီလရှင်ဝတ်ခဲ့တာကို အမှတ်တရနဲ့ ကျွန်မလည်း သီလရှင် ၀တ်ခဲ့ဖူးပါတယ်။ “ဝေမလိုနဲ့ကြွေ ကြွေမလိုနဲ့ဝေ” ဆိုရင် မိုးကုတ်မြို့ကို အခြေခံပြီး “ငပလီ ဇာတ်လမ်း” ၀တ္ထုကိုဖတ်ဖူးတဲ့ သံတွဲမှာနေတဲ့ ကျွန်မသူငယ်ချင်းက သူတောင်ငပလီအကြောင်း ဒီလောက် မသိဘူးလို့ ဆိုလာပါတယ်။ မေမေ စာရေးတဲ့အခါ လက်နှိပ် စက်ရိုက်ပြီး စာရေးပါတယ်။ ကျွန်မကိုလည်း မေမေ့လိုပဲ စာရေးစေချင်လားတော့ မသိပါ။ မေမေက ကျွန်မကို လက်နှိပ်စက် သင်ပေးခဲ့ပါတယ်။ မေမေ့ ကျေးဇူးနဲ့ပဲ နောက်ပိုင်း ကွန်ပျူတာ သင်တော့ လက်ကွက်တွေနဲ့ မြန်မြန်ဆန်ဆန် ရင်းနှီးခဲ့ရပါတယ်။ အမေနဲ့သမီး မေမေ့သူငယ်ချင်းတွေက နင့်သမီးက နင်နဲ့ တစ်ပုံတည်းပဲလို့ ကျွန်မရှေ့မှာ ပြောတဲ့အခါတိုင်း ကျွန်မ သိပ်သဘော ကျရပါတယ်။ မေမေရဲ့ ခင်မင်ရတဲ့ သူငယ်ချင်းတွေထဲမှာ အန်တီ စန်းစန်းတင်၊ အန်တီ နီတာ၊ အန်တီမာလာ တင်တို့ကတော့ မေမေနဲ့ တွေ့ကြဆုံကြတာ များပါတယ်။ အန်တီနီတာတို့ အန်တီမာလာတင်တို့ အိမ်တွေကို သွားလည်တတ်ပြီး မေမေ့ဆီကိုလည်း လာလည်တတ်ကြပါတယ်။ သူတို့တွေ စကားပြောကြ စကြ နောက်ကြတာကို ကြည့်ပြီး ကျွန်မက အနားကနေ စားလိုက်သောက်လိုက်နဲ့ အတူ ပျော်ခဲ့ဖူးပါတယ်။ သူငယ်ချင်းတွေနဲ့ ဆုံတဲ့အခါ မေမေက တစ်ခါတလေ ဂစ်တာကို တီးတတ်သလောက် တီးပြီး စီးကရက်ကို ဟန်ပါပါနဲ့ သောက်တတ်ပါသေးတယ်။ ကျွန်မ ငယ်ငယ်က ကျောင်းအပ်လို့ အမေ အလုပ်အကိုင်ကို ဖြည့်လိုက်ပြီဆိုတာနဲ့ ဆရာ၊ ဆရာမတွေရဲ့ ချစ်ခြင်းကို စပြီး ရလိုက်တော့တာပါပဲ။ အဲဒီ ကံကောင်းခြင်းက အထက်တန်းကျောင်းပြီးလို့ တက္ကသိုလ်တက်တဲ့ အချိန်ထိအောင် နောက်ဆုံး မေမေ ဆုံးပြီးလို့ ခုလို ၂၅ နှစ်တာ ကြာလာတဲ့အထိအောင် ကျွန်မအတွက် မေမေ ပေးခဲ့တဲ့ အမွေတစ်ခုပါ။ မေမေ့သမီးလို့ ဆိုလိုက်ရင် ကူညီ ဖေးမသူ အားပေးချစ်ခင်သူတွေ တွေ့ရ ဆုံရတတ်ပါတယ်။ မေမေ ရှိစဉ်မှာလည်း မေမေ့ရဲ့ သားသမီးအပေါ် ဆက်ဆံမှုကို ကျေနပ် နှစ်သက်မိရပါတယ်။ မိုးကုတ်မြို့မှာ သူငယ်ချင်းတွေ ရခဲ့တာမို့ မကြာခဏ ဆိုသလိုပဲ မိုးကုတ်ကနေ စာတွေ လာတတ်ပါတယ်။ ကျွန်မဆီ စာတွေလာတိုင်း မေမေက ဖွင့်ဖောက်မဖတ်ဘဲ စာလာရင်ထားတဲ့ နေရာလေးမှာ ထားထားပေးတတ်ပါတယ်။ တစ်ခါမှာ ကျွန်မ သူငယ်ချင်းတွေက ကျွန်မကို သူတို့နဲ့ အပြင်လိုက်ခွင့် ရအောင်လို့ မေမေ့ဆီ လိုက်ပြီး ခွင့်တောင်း ကြပါတယ်။ နောက်တော့ ကျွန်မကို မေမေက ပြောပါတယ်။ ဘယ်ကိစ္စ မဆို သူများတွေကို ခွင့်မတောင်းခိုင်းဘဲ ကိုယ်တိုင်ပဲ သွားသင့် မသွားသင့် ဆုံးဖြတ်ပြီး အမေကို ပြောဖို့သင်ပါတယ်။ ကျွန်မ စက်ချုပ်သင်တော့ ကျွန်မအတွက် စက် တစ်လုံးဝယ်ပေးပြီး စက်ချုပ်ဆိုင်တွေမှာ ထားသလို ချည်ရောင်စုံ ၀ယ်ပေးပြီး အောက်ချည်ထည့်တဲ့ လွန်းတွေကိုပါ အများကြီး ၀ယ်ပေးပါတယ်။ ပြီးတော့ ကျွန်မကို ယုံယုံ ကြည်ကြည်နဲ့ အစတွေဝယ်ပြီး သူ့အင်္ကျီတွေ ချုပ်ခိုင်းတော့တာပါ။ ပြီးတော့ ကျေကျေနပ်နပ်ဝတ်ပြီး မိတ်ဆွေတွေကို သမီး ချုပ်ပေးတာလို့ ကြွားပါတယ်။ ပြီးတော့ ချည်တွေ ပြန်ဝယ်နိုင်အောင်ဆိုပြီး ချုပ်ခပါ ပေးလိုက်ပါသေးတယ်။ ဒါနဲ့ ကျွန်မလည်း လမ်းထဲက သူငယ်ချင်းတွေ အင်္ကျီပါ ချုပ်ပေးရဲတဲ့အထိ ဖြစ်သွားပါတယ်။ ကျွန်မရဲ့ စက်ချုပ် အတွေ့အကြုံလေးကို အခြေခံပြီး ၀တ္ထုတို တစ်ပုဒ်ရေး ဖြစ်သွားပါတယ်။ အဲဒီအချိန်မှာ မေမေက စံပယ်ဖြူမှာ အယ်ဒီတာ လုပ်နေတော့၊ ကျွန်မ ၀တ်္ထုလေးကို ပြင်ဆင် တည်းဖြတ်ပြီး စံပယ်ဖြူ ကလောင်သစ်ကဏ္ဍမှာ ဖော်ပြခွင့် ရခဲ့ပါတယ်။ မေမေကိုယ်တိုင် ပြင်ဆင် တည်းဖြတ်ပေးတဲ့ ကျွန်မရဲ့ ပထမဆုံး ၀တ်္ထုလေးပါ။ မေမေ ဆုံးချိန် အမေ့ရဲ့ သမီးဖြစ်ပေမယ့်လည်း အမေ့စနစ်ကျနမှုကိုတော့ ခြေဖျားတောင် မမီနိုင်ပါဘူး။ မေမေ ဆုံးပြီးတော့ မေမေ့ရဲ့ စာမူစာရင်း မေမေ့ရဲ့ဓာတ်ပုံ မိသားစုဓာတ်ပုံတွေက အထူး တလည် ရှာဖွေစုဆောင်းမနေရဘဲ စနစ်တကျနဲ့ ကျန်ရှိပါတယ်။ မေမေ ဆုံးတဲ့နေ့ကတော့ ကျွန်မဘ၀အတွက် အထူးအမှတ်တရနေ့ပါ။ မေမေ ဆုံးတော့ ကျွန်မက ၉ တန်းပါ။ ၀မ်းနည်းစရာ ကြုံရတဲ့အဲဒီနေ့မှာ ကျွန်မကအိမ်မှာ ရှိမနေခဲ့ပါဘူး။ မေမေ့ရဲ့ ငယ်သူငယ်ချင်း အန်တီမြင့်တို့ အိမ်မှာ သွားနေနေတဲ့အခိုက်ဖြစ်ပါတယ်။ အဲဒီနေ့ မနက်မှာ ကျွန်မကို အိမ်ပြန်မယ်ဆိုပြီး အန်တီမြင့်သမီးကြီး မပပက ပြန်ခေါ်လာခဲ့ပါတယ်။ လမ်းမှာ ကျွန်မကို မပပက အန်တီမိုး ဆုံးပြီလို့ ပြောပါတယ်။ ကျွန်မ ဘာစကားမှ ပြန်မမေးနိုင်ဘဲ စိတ်ထဲကပဲ မဟုတ်ပါစေနဲ့လို့ ကြိတ်ဆုတောင်းရင်း လိုက်လာခဲ့ပါတယ်။ ကျွန်မတို့ လမ်းထိပ်ကို ကားကွေ့လိုက်တဲ့ အချိန်မှာ ကျွန်မ အိမ်နားကို လှမ်းကြည့်လိုက်တော့ အိမ်နားမှာ လူတွေ စုစု စုစုနဲ့ တွေ့လိုက်ရတော့ ကျွန်မ ဆုတောင်း မပြည့်နိုင်တော့ဘူးဆိုတာ သိလိုက်ရပါတယ်။ အိမ်ရှေ့မှာ လဲလျောင်းနေတဲ့ မေမေ့ကို ကျွန်မ ဘာစကားမှ ပြောခွင့် မရှိတော့ပါဘူး။ အသက်ကလည်း ငယ်ရွယ်သေးတဲ့ အချိန် ၄၆ နှစ်မှာ စာတွေ ရေးနိုင်တုန်း လုပ်နိုင်ကိုင်နိုင် တုန်းအချိန်မှာ ဘယ်လို ရောဂါအခံမှလည်း ကြုံဖူး သိဖူးတာ မရှိလေတော့၊ မေမေနဲ့ ခွဲရတော့မယ်လို့ ကြိုတင် အားတင်း ထားရတာမျိုးလည်း မဟုတ်ပြန်ပါဘူး။ ကျွန်မတို့တင်မှ မဟုတ်ပါဘူး၊ မေမေနဲ့အတူ နေ့စဉ် လုပ်ဖော်ကိုင်ဖက်တွေဖြစ်တဲ့ စံပယ်ဖြူတိုက်က အမေဦးတို့တောင်မှ ထင်မထား ကြမယ့် ကိစ္စမျိုးဖြစ်ပါတယ်။ အဲဒီလိုပုံစံနဲ့ မေမေက မိတ်ဆွေ သူငယ်ချင်း စာပေမိတ်ဆွေ အပေါင်းအသင်းများ အားလုံး ကို ခွဲခွာသွားပါတယ်။ မေမေဆုံးတော့ နှုတ်ဆက်စာတွေ ရေးကြတဲ့အထဲမှာ ဆရာတင်မိုးရဲ့ စာလေးကိုတော့ အမှတ်တရ ဖြစ်ရပါတယ်။ ချစ်သောသူတို့ အသက်တို၏တဲ့။ မေမေ့လူ့ဘ၀သက်တမ်း တိုခဲ့ပေမယ့်လည်း မေမေနဲ့ နေရတဲ့ အချိန်ကာလ နည်းခဲ့ပေမယ့်လည်း မေမေ့ကို သိပ်ချစ်ရပါတယ်။ မေမေ မရှိတဲ့နောက် မေမေ ရှိတဲ့ဘ၀နဲ့ မေမေ မရှိတဲ့ဘ၀ ဘယ်လို ကွာခြား သလဲလို့ဆိုရင် ပဲ့ကိုင်သူရှိတဲ့လှေနဲ့ ပဲ့ကိုင်သူမဲ့တဲ့ လှေလို ကွာခြားပါတယ်။ မေမေ မရှိတဲ့နောက် ကျွန်မဘ၀ကို အလိုက်သင့်လေး မျောပါလာခဲ့ပါတယ်။ ဒီလိုနဲ့ ခု အသက် ၄၀ ရောက်တဲ့အထိတိုင် အမေ ချန်ရစ်ခဲ့တဲ့ ခြေရာတွေဆီ မမီနိုင် မလှမ်းနိုင်အောင် ရှိရပါတယ်။ မေမေရဲ့ ပထမဆုံး လုံးချင်းဝတ္ထု “ပျောက်သောလမ်းမှာ စမ်းတ၀ါး” က ၁၉၇၄ မှာ အမျိုးသား စာပေဆုရခဲ့ပြီး ၁၉၉၀ မှာ ကွယ်လွန်ခဲ့တာမို့ စာရေးသက် ၁၆ နှစ်တာ ကာလအတွင်းမှာ လုံးချင်းဝတ္ထု ၂၆ အုပ်နဲ့ မဂ္ဂဇင်းဝတ္ထုတို၊ မဂ္ဂဇင်းဝတ္ထုရှည်ပေါင်းများစွာ ရေးခဲ့ပါတယ်။ အမျိုးသား စာပေဆုကိုလည်း ၄ ဆုတိုင်တိုင် ရယူနိုင်ခဲ့ပါတယ်။ မေမေ ပြောဖူးတဲ့ စကားလေး အမှတ်ရမိပါတယ်။ မြင့်မြင့်ခင်နဲ့ မေဆွိ သားအမိနှစ်ယောက်မှာ မြင့်မြင့်ခင်ကလည်း မြင့်မြင့်ခင် ဆိုပြီး သီးခြားနာမည်နဲ့ ရပ်တည်နိုင်တယ်။ မေဆွိကလည်း မေဆွိရယ်လို့ သီးခြား ရပ်တည်နိုင်တယ်တဲ့။ မေဆွိကို မြင့်မြင့်ခင်သမီးလို့ မိတ်ဆက် ပေးစရာမလိုသလို မြင့်မြင့်ခင်ကို မေဆွိအမေရယ်လို့ အထူး မိတ်ဆက်နေစရာ မလိုဘူးတဲ့။ နှစ်ယောက်သား သားအမိ ဆိုတာကတော့ နှစ်ယောက်လုံးကို အပြန်အလှန် ဂုဏ်တက် စရာဖြစ်ရပါတယ်။ ဒီစကားကို ပြောခဲ့တဲ့ မေမေ အခု ရှိနေမယ်ဆိုရင်တောင် ကျွန်မ မေမေရယ်လို့ မေမေဂုဏ်တက် ရစရာအကြောင်း ကျွန်မမှာ ခုချိန်ထိအောင် ရှိမနေသေးပါဘူး။ ကျွန်မကသာ မေမေ့သမီးရယ်လို့ မိတ်ဆက်ပြီး ဆုံးပါးသွားပြီဖြစ်တဲ့ မေမေ့ရဲ့ အရိပ်ကို ခိုလှုံနေရဆဲ ဖြစ်ပါတယ်။ မေမေ့သမီး ဖြစ်ခဲ့ရတဲ့အတွက် ကျွန်မ ဘ၀မှာ အမြဲတမ်း ကျေနပ်ပီတိသာ ရမြဲပါ။ ဘယ်လို ချမ်းသာတဲ့အဖေမျိုး၊ ဘယ်လို ချမ်းသာတဲ့ အမေမျိုး မဖြစ်ချင်နေ ခုလို စာပေအသိုင်းအ၀ိုင်းမှာ စာပေနဲ့ နီးနီးစပ်စပ် နေခွင့်ရခဲ့တဲ့ အဖေနဲ့အမေကို ပိုင်ဆိုင်ခွင့် ရတာကိုက ကျွန်မဘ၀အတွက် ကံကောင်းခြင်း လက်ဆောင် တစ်ခုဖြစ်လို့ နောက်ဘ၀သာရှိဦးမယ်ဆိုရင် နောက်ဘ၀ မှာလည်း ဒီအဖေ ဒီအမေနဲ့သာ ဆုံစည်းခွင့် ရချင်ပါသေးတယ်။ ရေးသူ သွယ်သွယ်မျိုးညွန့်

“ အပယ်ခံကဗျာတစ်ပုဒ်အတွက် အထက်ရုံးအယူခံလွှာ ”

" ဒါ ဒိုက်ဦးသား ကွန်မြူနစ်တစ်ယောက်ရဲ့ တစ်ယောက်ရဲ့ ကိုယ်တွေ့ဖြတ်သန်းခဲ့ရတဲ့ အတွေ့အကြုံ ခံစားချက်တချို့ပေါ့ " အားပေးကြမယ်လို့ . . . . . . . . . . . . . . “ အပယ်ခံကဗျာတစ်ပုဒ်အတွက် အထက်ရုံးအယူခံလွှာ ” ကျောင်းတော်မှာ စိပ်ပုတီးနဲ့ ငိုငြီးတဲ့ကိုရင် အမေ့ကိုခင် အိမ်ပြန်ချင်လှပါဘိ ။ စက်ဥသြသံ ညံစီစီ ချုပ်ညရီနေညိုသန်းရင် ရွာလမ်းကိုကြည့် ။ ကျွန်တော်ငယ်ငယ် ကိုရင်ဝတ်တုန်းကအကြောင်းရေးခဲ့တဲ့ကဗျာလေးပါ။ ဒွေးချိုးဖြစ်အောင် ကျွန်တော်ကြိုးစား ရေးခဲ့ရတယ်။ သိပ်မဆိုးပါဘူးလို့ ကျွန်တော်တို့စာဖတ်ဝိုင်းထဲက သူငယ်ချင်းတွေက မြှောက်ပေးခဲ့ကြတယ်။ ကျွန်တော် သိပ်ကြည်နူးသွားတာကတော့ စာဖတ်ဝိုင်းထဲမှာပါတဲ့ ကျွန်တော့ချစ်သူက အမှတ်တရ သူသိမ်းထား မယ်ဆိုပြီး ယူသွားတာကိုပါပဲ။ အဲဒါနဲ့ပဲ အားတွေတက်ပြီး ကဗျာလေးတွေဆက်ရေးဖြစ်နေတော့တယ်။ ကျွန်တော်တို့ခေတ်က ရှုမ၀ မြ၀တီ ငွေတာရီ စတဲ့မဂ္ဂဇင်းကြီးတွေမှာလည်း လေးလုံးစပ် သံချိုလေးတွေကိုသာ ရေးနေကြတာများပါတယ်။ ယခုခေတ်လို မော်ဒန်တွေ ပို့မော်ဒန်တွေ သိပ်ခေတ်မစားသေးပါဘူးပေါ့ဗျာ။ ကိုယ့် ကဗျာတွေကလည်း အဲဒီမဂ္ဂဇင်းကြီးတွေမှာပါနိုင်လောက်တဲ့ အဆင့်မရှိမှန်း ကိုယ့်ဘာသာသိတော့ မပို့ရဲပါဘူး။ ဒါကြောင့်ရွေးမှာသေချာတဲ့ ကိုယ့်စာဖတ်ဝိုင်းက အယ်ဒီတာချုပ်တွေဆီပဲ အပြန်အလှန်ပို့ကြ ဝေဖန်ကြနဲ့ ကဗျာ ပိုးလေးတွေထနေခဲ့ကြတယ်။ မှတ်မှတ်ရရ ဒုတိယအကြိမ် သူယူသွားတဲ့ ကဗျာလေးကတော့ ကျွန်တော်သူငယ်တန်းကျောင်းစတက်တုန်းက အကြောင်းရေးခဲ့တဲ့ကဗျာလေးပါ။ လွယ်အိပ်ထူကြီးနဲ့ရယ် တန်းကြီးသားစတိုင် ။ ငါးအလီ ကျွန်တော်ရပြီလို့ အစ်မကိုပြိုင် ပုဆိုးမနိုင်ခင်က ဆရာမြိုင်ကျောင်း။ ခေါင်းလောင်းသံဝေ “ ဒေါင်းအိုးဝေ ” ရွာခြေကကျောင်း ငွေလှေလောင်း။ “ ဒေါင်းအိုးဝေဆိုတာ မင်းတို့ရွာမှာတကယ်ရှိလို့လား ”လို့ဖီလော်ဆော်ဖီမေဂျာက အယ်ဒီတာကြီးကကပ်ဝေဖန် တယ်။ ဒါနဲ့ “ မဟုတ်ပါဘူးကွာ ဒေါင်းအိုးဝေဆိုတာ တို့ဦးလေးတွေခေတ်က မြန်မာဖတ်စာအုပ်ပါ။ ငါ့မှာ ဒီခေတ် ဖတ်စာအုပ်လည်းမ၀ယ်နိုင်သေးတဲ့ကျောင်းသားသစ်ကြီးဆိုတော့ အစ်မနဲ့အပြိုင် ဦးလေးစာအုပ်တွေစုထည့် လာတာကိုပြောတာပါ ” ဆိုပြီး ရှင်းလည်းပြရော “ ဒါဆို ငယ်ငယ်ထဲက ဂိုက်ပေးကြမ်းတာပေါ့ ” ဆိုတဲ့ မှတ်ချက်နဲ့ ၀ိုင်းအဟားခံလိုက်ရတာကိုလည်းမှတ်မိနေသေးတယ်။ နောက်တစ်ပုဒ်ကတော့ တစ်ခုသောကျွန်တော့်မွေးနေ့မှာ ပေးဖြစ်ခဲ့တဲ့ကဗျာ။ ၁၉၄၉ ကျွန်တော်မွေးတဲ့နေ့မှာပဲ တိုက်ပွဲတွေဖြစ်လို့ ကျွန်တော်တို့ရွာကပြေးခဲ့ရတဲ့အကြောင်းလးပါ။ ကောင်းကင်ပြာထဲ တိမ်မဲညိုပုတ် ယမ်းခိုးလှုပ်လူး နွေဦးပြာပုံ စစ်ရိပ်ပုံမှာ ဖုံတထောင်းထောင်း ခယောင်းလမ်းအတိုင်း ဒုန်းစိုင်းမောင်းလာ လှည်းပေါ်မှာ ။ ရွာကိုစွန့်ခွာ ထွက်ပြောလာသူ လူတစ်အုပ်ကြား လူသားကလေး ထွေးပွေ့နွေးနေ မွေးမေရင်အောက် နို့ချိုသောက်လို့ ။ ကျွန်တော်တို့တတွေအားလုံးဟာ ပြည်တွင်းစစ်ထဲမှာမွေးဖွားလာကြတဲ့ တောမြို့လေးတွေကပါ။ ၁၉၆၇ ကျွန်တော်တို့ တက္ကသိုလ်ရောက်တော့လည်း ၇ ဇူလိုင်အရိပ်ဟာ သိပ်ကိုနီးကပ်နေပါသေးတယ်။ ဒါကြောင့် ကျွန် တော်ကဗျာလေးကိုခံစားချက်ကြောင့်လှပါတယ်လို့ ၀ိုင်းပြီးအားပေးကြပါတယ်။ ဒါပေမယ့် အဲဒီကဗျာလေးဟာ ကျွန်တော်ရဲ့ချစ်သူကကြည်ကြည်ဖြူဖြူ သူသိမ်းထားမယ်ဆိုပြီး နောက်ဆုံးယူသွားတဲ့ကဗျာလေးပဲဖြစ်ပါတယ်။ ကျွန်တော်ချစ်ရတဲ့သူလို့ ပြောလို့ သူကကျွန်တော့်ရည်းစားလည်းမဟုတ်ပါဘူးဗျာ။ နောက်လည်းမပိုးပါဘူး။ ကျွန်တော်စိတ်ထဲကပဲ ကြိတ်ချစ်နေရတဲ့ ကျွန်တော်တို့စာဖတ်ဝိုင်းထဲက သူငယ်ချင်းမလေးပါ။ သူကလည်း တစ်ယောက်အယ်ဒီတာချုပ်ကြီးအဖြစ် အပါအ၀င်ပေါ့။ သူယူမသွားတော့တဲ့ ကျွန်တော်ရဲ့ ကဗျာလေးကတော့ နိုင်ငံရေးမှုနဲ့ ထောင်ထဲမှာကျဆုံးသွားခဲ့ရတဲ့ ကျွန်တော့် ရဲ့ ငယ်ဆရာလေးအကြောင်းရေးဖွဲ့ခဲ့တဲ့ကဗျာလေးပါ။ ၁၉၅၈ လို့ ခေါင်းစဉ်ရေးထားတယ်။ ဦးနုလက်ထဲကနေ ဦးနေ၀င်း ပထမဆုံးအာဏာသိမ်းခဲ့တဲ့ခေတ်ကအကြောင်းပါ။ ၁၉၅၈ ငါတို့ဆရာငါတို့ရွာသား စစ်သားကြိုးတုပ်ရိုက်ပုတ်ဖမ်းစစ် “ကွန်မြူနစ်”တဲ့ ဖက်ဆစ်ဝါဒကျဆုံးရမည် ဆရာ့အော်သံ သန်းခေါင်ယံ …….။ ရွာပြန်ရောက်လို့အမေတို့ရဲ့ တို့ဆရာလေး ကောင်းရာသုကတိလားပါစေ တောင်းဆုချွေသံ ကြားရစဉ်တိုင်းမှာ………. ငါလည်းအမေတို့တတွေလို တောင်းဆုချွေရုံပါပဲလား စဉ်းစားမိတိုင်းမှာ …….. “ ငါ့ကောင်ကြီးကတော့ကွာ ……” ဆိုတဲ့ ဆရာ့ရဲ့ချစ်တပည့်ကြီး ပဲရစ်ကွန်မြူးဘာသာ ကျမ်းပြုဆရာကြီး အားတွေငယ် ။ တခြားသူငယ်ချင်းတွေကထုံးစံအတိုင်း သဘောကျကြပါတယ်။ သူကတော့ဘာမှမပြောတော့ပေ ။

ဝီရောဓိနှင်းဆီ ----------------------------------

၁။ ၁၉၉၄ ခု၊ ဇူလိုင်လ။ ထူးရာစိုး လဘက်ရည်ဆိုင်၊ ဒေါ်အောင်ဆန်းစုကြည်လမ်းထိပ်၊ မာနယ်ပလော။ ‘ကိုငြိမ်းဝေဆိုတာ ခင်ဗျားလား’ မေးမြန်းနှုတ်ဆက်သူကို ကျွန်တော်ကြည့်သည်။ ကောင်းဘွိုင်ဦးထုပ်၊ ပြောက်ကျားစစ်အကျီ၊ စစ်ဘောင်းဘီ၊ ရာဘာညှပ်ဖိနပ်။ အသားဖြူဖြူ၊ ပါးရိုးနားရိုး ကျကျ၊ ခနကိုယ် ခတ်ပါးပါး။ ‘ဟုတ်ပါတယ် ခင်ဗျားက ကိုတိုက်မောင်းလား’ သူက ကျွန်တော်၏အမေးကို နှုတ်ဖြင့်ပြန်မဖြေဘဲ ကျွန်တော့်လက်ကို ဆွဲကိုင်ဖြစ်ညှစ်ကာ စားပွဲဘေးတွင် ၀င်ထိုင်လိုက်သည်။ ကျွန်တော်တို့နှစ်ယောက် နာရီဝက်နီးပါး စကားထိုင်ပြောကြ၏။ ပတ်ဝန်းကျင်တွင် ဘယ်သူတွေ ရှိနေသည်ဖြစ်ပစေ သတိမထားနိုင်။ သူ့ကဗျာတချို့ကို ကျွန်တော်ဝေဖန်တော့ သူက အပြုံးနှင့်နားထောင်။ ရုတ်တရက် ပြောလက်စစကားကိုရပ်ပြီး သတိတစ်ချက်ဝင်တော့ သူ့လက်ထဲတွင် ပစ္စတိုတစ်လက်ရောက်နေသည်ကို ကျွန်တော် သတိပြုမိသွားရသည်။ သူက မောင်းကွင်းထဲ လက်ညှိုးထည့်ကာ သေနတ်ကို ချာချာလည်အောင် လှည့်ကစားရင်း ကျွန်တော့်စကားကို နားထောင်သည်။ ကျွန်တော်က ရပ်ထားသည့်စကားကို ဆက်ပြီး မပြောနိုင်။ သူ့လက်ထဲကသေနတ်ကို ကြည့်သည်။ သူ့မျက်နှာကို ကြည့်သည်။ ‘ခင်ဗျားကလည်း သေနတ်ကြီး ထည့်ထားလိုက်စမ်းပါဗျာ၊ စကားပြောရတာ မဖြောင့်ဘူး၊ တော်ကြာ မတော်တဆ ကျည်ဆံထွက်သွားမှဖြင့်’ သူကလည်း ထိုအခါကြမှ သတိပြုမိသွား၏။ ပြီးတော့မှ သေနတ်ကို လွယ်အိတ်ထဲ ထည့်လိုက်၏။ သူ့မျက်နှာက ကျွန်တော့်ကို အားနာသွားသည့် ဟန်။ ‘ခင်ဗျားက သေနတ်ကို တော်တော် ကျွမ်းကျွမ်းကျင်ကျင် ကိုင်တတ်တဲ့ပုံပဲ’ ‘ဟုတ်တယ် ဖနောင့်တစ်ခြမ်းပဲ့ပြီးမှတော့ ဘယ် မကျွမ်းကျင်ပဲ ရှိပါ့မလဲဗျာ’ ကျွန်တော်က သူ့ခြေထောက်ဆီ မျက်စေ့ရောက်သွားသည်။ သူက မောင်းကွင်းထဲ လက်ညှိုးထည့်ပြီး သေနတ်ကို လည်အောင်လှည့်ရင်းက မတော်တဆ ကျည်ဆံထွက်ကာ သူ့ညာဘက်ခြေဖေါင့် ပဲ့ထွက်သွားခြင်းကို ရှင်းပြရင်း ရယ်နေ၏။ ကျွန်တော်က သေနတ်ကိုင်ထားသည့်လက်က ဘယ်လိုလုပ်ပြီး ကဗျာတွေရေးပါလိမ့်ဟု သူငယ်နာတက္ကဗေဒအမြင်နှင့်တွေးကာ တအံ့တသြ။ ‘ကျုပ်က ဒဂုန်တာရာကို သိတ်ပြီးသဘောကျတာဗျ၊ ဒါပေမယ့် သူက ဂျပန်ခေတ်မှာ ရေထဲ သေနတ်နှစ်ချက် ပစ်လိုက်ဖူးတာပဲ ရှိတယ်၊ ကျုပ်နဲ့မတူဘူး၊ ခင်ဗျားကော’ ကျွန်တော်က တပ်မဟာ ၁ နယ်မြေ အတွေ့အကြုံကို ပြန်ပြောပြနေမိသည်။ ထိုစဉ်က ကျွန်တော်သည် အတူလိုက်ပါလာသူ KNLA ရဲဘော်တစ်ချို့နှင့် လမ်းလွဲသွားခဲ့၏။ တောထဲတွင် ဆယ်မိနစ်ခန့် တစ်ယောက်ထဲ အဖေါ်ကွဲနေစဉ် ကြံရာမရသည့်အဆုံး ရဲဘော်တစ်ဦးထံမှ ခေတ္တ၀ိုင်းကူထမ်းပေးရင်းပါလာသော M-16 ရိုင်ဖယ်ကို မိုးပေါ်ထောင် စေ့ဖွင့်ကာ မောင်းကွင်းထဲက လက်ညှိုးကို ညှစ်လိုက်၏။ သစ်ရွက်တချို့ ကျည်ဆံဖြတ်သွားသည့်အသံနှင့်အတူ တတောလုံး သေနတ်သံလှိုင်းများ ပဲ့တင်ထပ် ညံသွားခဲ့၏။ ရုတ်တရက်ဆိုသလို သေနတ်ကို ခနကိုယ်နှင့် အဝေးဆုံးတွင်တွန်းထားလိုက်ကာ ရင်ထဲ တဒိတ်ဒိတ် ခုန်နေခဲ့သည့်အဖြစ်ကို ပြောပြလိုက်သည်။ ထိုအတွေ့အကြုံသည်ကား ကျွန်တော့်ဘ၀တွင် ပထမဆုံးနှင့် နောက်ဆုံးအကြိမ် သေနတ်ပစ်ဖူးခြင်းဖြစ်သည်။ ကျွန်တော်က စကားအဆုံးတွင် ကျွန်တော့်ကို သဘောကျစွာ ရယ်မောပြလိမ့်မည်ဟု ထင်နေစဉ် သူကမူ မပြုံးမရယ်ဘဲ ခတ်တွေတွေကြည့်၏။ ‘အေးဗျာ ခင်ဗျားနှလုံးသားမျိုး ကြိုက်တယ်၊ ဒါပေမယ့် ကျုပ်ဘ၀ကတော့ ခင်ဗျားမြင်တဲ့အတိုင်းပဲလေ’ သူ့ကို ကျွန်တော် နားလည်သည်။ သူသည်ကား စစ်ကိုမုန်းသဖြင့် စစ်တိုက်နေရသူ ကဗျာဆရာ တော်လှန်ရေးစစ်သားတစ်ဦး။ သူနှင့်စတင်တွေ့ဖူးသည့် ထိုအတွေ့အကြုံတစ်ခုတည်းနှင်ပင် သူ့ကို အမှန်တကယ် ကျွန်တော် စွဲမက်ခဲ့လေသည်။ (၂) ‘ခင်ဗျားရေးတဲ့ကဗျာမျိုးတွေ မရေးတတ်ပါဘူး’ ကျွန်တော့်ကို သူက မဝေခွဲတတ်သလို ကြည့်သည်။ မျက်မှောင်ကြုတ်သည်။ ‘ဒါ ခင်ဗျားပြောမှပဲလားဗျ၊ ဒီလိုပဲ တစ်ယောက်ရေးသလို ဘယ်သူက တူအောင် ရေးတတ်ကြမှာလဲ’ သူ့မျက်နှာပေါ်တွင် အပြုံးရိပ်များ ပေါ်လာ၏။ ‘မဟုတ်ဘူး ကျွန်တော်ဆိုလိုတာက ခင်ဗျားက အခက်ဆုံးအကြောင်းအရာကို ကဗျာနဲ့ဖေါ်ပြတဲ့သဘောဗျ။ ဇာတ်သဘင်မှာ ဟာသပညာက အခက်ခဲဆုံးလို့ ပြောကြသလို ကဗျာမှာလည်း လှောင်ပြောင်တဲ့ ထေ့ငေါ့တဲ့ကဗျာမျိုးက သိတ်ခက်တာဗျ၊ ခင်ဗျားက အဲသလိုကဗျာမျိုးတွေ တော်တော်ရေးတတ်တယ်၊ ရေးတိုင်းလည်း ထိတယ်၊ ကျုပ်ဖြင့် တစ်ပုဒ်မှ မရေးဖူးဘူး’ ‘ခင်ဗျားလည်း ရေးပါတယ်လေ ကဗျာဆရာနှင့် ရသလွန်ဟင်းခွက်များ ကဗျာ ခင်ဗျားရေတာပဲဟာ’ ကျွန်တော်တို့နှစ်ယောက် satire ကဗျာအကြောင်း ပြောကြသည်။ သူက ဗါးတော့ဗရက်ကို စပြောသည်။ ကျွန်တော်က ယက်တူရှန်ကိုလည်း stire ကဗျာမျိုး ရေးတတ်ကြောင်း ပြောပြရသည်။ မြန်မာကဗျာဆရာထဲမှာတော့ မောင်စွမ်းရည်တို့ မင်းလူတို့မှာ stire ကဗျာ အရေးကောင်းသူများဖြစ်ကြောင်း ပြောဖြစ်ကြသည်။ သူ့ကို နားလည်ရခက်ခဲလှသည်မဟုတ်ပါ။ သူသည်ကား ဗားတော့ဗရက် ခရေဇီတစ်ဦး။ ‘ကျွန်တော်လား ကျောက်သားမျက်ရည်လို တပြည်သူ လို ကဗျာမျိုးလည်း ရေးပါတယ်’ သူ့ရဲ့ ဆင်ခြေပေးမှု ၀န်ခံမှုကို ကျွန်တော်က ခေါင်းညိမ့်ပြီး သဘောတူလိုက်ရသည်။ သူ့ကို လရောင်နဲ့နေလုံး နှစ်ခုစလုံး ခေါင်းအုံးအိပ်တတ်သူ အိပ်နိုင်သူဆိုတာ ကျွန်တော် မငြင်းလိုပါ။ ဒါပေမယ့် သူ့ကဗျာအများစုက လောကကြီးကို ခါးခါးသက်သက် အငေါ်တူးချင်တဲ့သဘော။ လောကကြီးရဲ့ ကမောက်ကမ ဖေါက်ပြန်ဖေါက်လွဲဖြစ်မှုများအပေါ် အထူးသဖြင့် စည်းအတွင်းက ဖေါက်ပြန်မှားယွင်းမှုများအပေါ် ဒေါသပေါက်ကွဲပြီး ကဗျာထဲမှာ သူ့ရဲ့ ချဉ်းကပ်ပုံ ချဉ်းကပ်နည်းက ထေ့သည့်လှောင်သည့် နည်းနာ။ ‘တကယ်တော့ဗျာ အတွင်းစည်းထဲကကိစ္စဆိုတော့ ကျုပ်အဖို့ အ,အ ဒေါသဖြစ်ပြီး အသံမထွက်ဘဲ ဆဲရတဲ့အလုပ်မျိုးကို ရေးရတာဆိုတော့ ကျုပ်ကဗျာတွေ ရုတ်တရက် နားလည်ရခက်ကုန်တော့တာပေါ့ဗျ’ သူက သည်လို ရှင်းရှင်းလင်းလင်း ဖြေချသည့်တိုင် ကျွန်တော်ကတော့ သူ့ကဗျာတွေကို နားလည်အောင် ကြိုးစားနိုင်ခဲ့၏။ သူ၏ ကုလားထိုင် စိုက်ပျိုးရေး ကဗျာ။ ဇိတံမေ၏ နိဒါန်း ကဗျာ။ အိပ်မက်ကြီးကို မီးလောင်တဲ့ ည ကဗျာ။ လားတစ်ကောင်ဖတ်ဖို့ ဖတ်စာ ကဗျာများကို ကျွန်တော်ဖတ်သည်။ သူ၏ အဆုံးမသတ်နိုင်ခဲ့သည့် မိခင်၏စာမျက်နှာနှင့် မြင့်မိုရ်တောင်တမ်းချင်း ကဗျာထဲက စာသားများကို ကျွန်တော်ဖတ်သည်။ သူသည်ကား တကယ့်ကို ၀ိရောဓိနှင်းဆီမှ နှင်းဆီ။ (၃) ‘ခင်ဗျား နေကော ကောင်းရဲ့လား’ ‘လူကတော့ နေကောင်းပါတယ် စိတ်က မကောင်းဘူးဗျ’ သူက ကာဘိုင်သေနတ်ကို ပခုံးပေါ်ထမ်းရင်း သံလွင်မြစ်သောင်စပ်ကို ဆင်းသည်။ ကျွန်တော်က သူနှင့်ယှဉ်က သောင်စပ်ကို ရောက်လာသည်။ သူက မောင်းကွင်းထဲ လက်ညှိုးထည့်ကာ သေနတ်ကို တစ်ချက်နှစ်ချက် လှည့်ကြည့်နေ၏။ ဆကြည့်နေ၏။ ‘ဟုတ်တယ်ဗျာ ကျုပ် ရှေ့တန်းမှာ စစ်ပူနေပေမယ့် ပြောစရာရှိလို့ ပြန်လာတာ၊ ကျုပ်ရဲဘော်တွေကို စိတ်မချဘူး၊ ရန်သူက ကိုယ်ရောင်ဖျောက်သလို ရောက်လာတတ်တာဗျ’ ကျောင်းသားတပ်မတော်၏ ဌာနချုပ်စခန်း ဒေါင်းဂွင်မှာ ရန်သူ့လက်သို့ ကျသွားခဲ့ပြီဖြစ်သည်။ ကျောင်းသားတပ်မတော်၏ တပ်ရင်းတပ်ဖွဲ့တချို့ ရန်သူ့တပ်နှင့် သူကျွံကိုယ်ကျွံဖြစ်ကာ ရှုတ်ရှုတ်ထွေးထွေးဖြစ်နေချိန် သူသည် နောက်တန်းသို့ ပြန်လာခဲ့၏။ ဗဟိုကော်မတီတစ်ဦးနှင့်အယူအဆမတူသည်ကို ဆွေးနွေးရန် ပြန်လာခြင်းဖြစ်သည်ဟု ဆို၏။ ‘ခင်ဗျား ဒီညနေပဲ ပြန်သွားရမှာလား’ ‘ဟုတ်တယ် ပြန်ရမယ်၊ ခင်ဗျားကရော ဒီမှာ ဘာလာလုပ်တာလဲ’ ကျွန်တော်က နအဖစစ်သားတစ်ယောက် အရှင်ဖမ်းမိထားသည်ကို သတင်းလာယူကြောင်း ရှင်းပြရသည်။ ‘မာနယ်ပလောမှာကော ဘယ်လို အခြေအနေရှိသလဲဗျ’ ‘အတိအကျတော့ မပြောတတ်ဘူ၊ ဒါပေမယ့် အခြေအနေတွေကတော့ရှုတ်ထွေးနေတာပဲ၊ ခုပဲ မြစ်ဆုံမှာ ပြဿနာ ဖြစ်လာနေတာပဲဟာ၊ ဒါထက် ခင်ဗျား ဒီမှာ တစ်ညလောက် အိပ်သွားလို့မဖြစ်ဘူးလား မနက်ကြမှ ခတ်စောစော ထပြန်ပေါ့’ ကျွန်တော်က သူ့ကို တစ်ညလောက်တော့ အနားယူစေချင်သည်။ သူ့ပုံပန်းမှာ ယဲ့ယဲ့မျှသာ ရှိသည်။ အိပ်ရေးပျက်ခြင်း၊ အစားဆင်းရဲခြင်း၊ မနားမနေ သွားလာလှုပ်ရှားနေရသဖြင့် သူ့အသားအရေမှာ ဖြူဖတ်ဖြူယော်။ သူ့ခနာကိုယ်ပေါ်က စစ်ဝတ်စုံမှာ ချွေးအလိမ်းလိမ်း၊ ချေးအထပ်ထပ်။ သူက သူ့တပ်ရင်းဆီကိုသာ စိတ်ရောက်နေသည်။ စိတ်ပူနေသည်။ ‘ကျွန်တော် ပြန်မှဖြစ်မယ် ပြောစရာရှိတာလည်း ပြောပြီးပြီပဲဗျာ၊ တခုတော့ ရှိတယ် ကိုငြိမ်းဝေ၊ ကျုပ်တော့ အခုတိုက်နေရတဲ့စစ်ပွဲမှာ ကျသွားရင်ကောင်းမယ်ထင်တယ်ဗျာ၊ တော်ကြာ ကျုပ်တို့ဘ၀တွေ ရိုင်းကုန်လိမ့်မယ်’ သူက ပြောပြောဆိုဆို ကျွန်တော့်ကို နှုတ်ဆက်ပြီး တောစပ်ဆီ မျက်နှာမူလိုက်သည်။ ကျွန်တော်က စစ်ထွက်သူ ကဗျာဆရာ၏ နှုတ်ဆက်စကားအပေါ် စိုးရိမ်ထိတ်လန့်သွားရသည်။ စစ်ထွက်သူတစ်ဦးအဖို့ သည်လိုစကားမျိုး မပြောသင့်ဘူးဟု စေတနာနှင့် တားမြစ်ကြည့်ချင်သည်။ သို့သော် သူ့စိတ်ကို ထင့်စေမည်ဟု ယူဆပြီး ဘာတစ်ခွန်းမျှ မဟနိုင်ခဲ့. ကျွန်တော့်ကိုကြောပေးကာ သူ့ရဲဘော်နှစ်ဦး၏နောက်မှ ကာဘိုင်သေနတ်ထမ်းပြီး လိုက်ပါသွားသည့်သူ့ကို မြင်ကွင်းမှ ပျောက်ကွယ်သွားသည်အထိ ကျွန်တော် ရပ်ကြည့်နေခဲ့မိသည်။ သည်တစ်ကြိမ် သူ့ကို တွေ့ဆုံခြင်းမှာ ကျွန်တော့်အဖို့ နောက်ဆုံးအကြိမ်ဖြစ်သည်ကိုမူ ကျွန်တော် မသိနိုင်ခဲ့။ တစ်ခုတော့ ရှိသည်။ သူနှင့်ကျွန်တော် ပထမဆုံးအကြိမ် တွေ့ဆုံစဉ်က သူ့လက်ထဲကသေနတ်မှာ ပစ္စတိုတစ်လက်ဖြစ်ပြီး ယခုတစ်ကြိမ် နောက်ဆုံးတွေ့ဆုံသည့်အခါတွင်မူ သူ့လက်ထဲ၌ ကာဘိုင်သေနတ် ရှိနေခဲ့၏။ နေ၀င်ရီတရောအချိန်၊ တောင်ခြေတောအုပ်အတွင်း ၀င်ရောက်ပျောက်ကွယ်သွားနေသည့် ကဗျာဆရာတိုက်မောင်းကို ကျွန်တော် ငေးနေမိသည်။ သူသည် သေနတ်နှင့် ကလောင်ကို ဘယ်တော့မှ လက်ကမချခဲ့သူ ဖြစ်ချေ၏။ (၄) ၁၉၉၅ ခု၊ ဧပြီလ ၂၆ ရက်နေ့တွင် ကဗျာဆရာ တိုက်မောင်း မမျှော်လင့်ဘဲ ကျဆုံးသွားခဲ့သည်။ သူ့သတင်းကို ကဗျာဆရာမ မိဆူးပွင့် ဆီကတဆင့် ကြားရခြင်းဖြစ်သည်။ အစပထမတော့ မယုံကြည်နိုင်အောင် ဖြစ်ရသည်။ နောက်တော့မှ အရှိကို အရှိအတိုင်း ကျွန်တော့်မှာ လက်ခံဖို့ ကြိုးစားယူရတော့၏။ သူမရှိတော့ပြီကော ဟူသောအသိကို ကျွန်တော့်မှာ မကြာခဏ ပုတ်ချနေမိသည်။ သူက သူ့အလောင်းကို မြန်မာပြည်ထဲကမြေပေါ် မြှုပ်နှံဖို့ မှာခဲ့သည်ဟု သိရတော့ ကျွန်တော့်မှာ နှလုံးသားများ တဆတ်ဆတ် တုန်ရင်…။ ထိုစဉ်က ကျွန်တော်သည် ဥရောပမဲဇာသို့ ထွက်ခွာရန် စီစဉ်နေသည့်အချိန်။ သူ့အတွက် ပိုပြီး ကြေကွဲရတော့သည်။ ကျွန်တော်ချစ်သော ကဗျာဆရာတစ်ယောက် ကျဆုံးသွားသည့် တချိန်တည်းမှာ ကျွန်တော်က ဥရောပသို့ ထွက်ခွာရန် ပြင်ဆင်နေသည်မှာ မသင့်တော်။ ကိုယ့်ကိုယ်ကို မလုံ။ လိပ်ပြာမသန့်။ ထို့ကြောင့် ကျွန်တော့်ကို ခွင့်လွှတ်ဖို့၊ ကျွန်တော့်ကို နားလည်ပေးဖို့ သူ့ဝိညာဉ်ကို အကြိမ်ကြိမ် တောင်းပန်နေခဲ့မိ၏။ ၁၉၉၅ ခု နှစ်ဦးပိုင်း တောစပ်တနေရာတွင် သူပြောသွားခဲ့သည့် စကား။ ‘ကျုပ်တော့ အခုတိုက်နေရတဲ့စစ်ပွဲမှာ ကျသွားရင် ကောင်းမယ်ထင်တယ်ဗျာ၊ တော်ကြာ ကျုပ်တို့ဘ၀တွေ ရိုင်းကုန်လိမ့်မယ်’ ဟု တိုက်မောင်း ပြောခဲ့၏။ အခုတော့ ကဗျာဆရာတိုက်မောင်း တကယ်ပင် ကျဆုံးသွားခဲ့သည်။ သူ့ဘ၀သည် မရိုင်း။ လှပတောက်ပြောင်လွန်းပေစွ။ ဘ၀ကို အနိုင်နှင့် ပိုင်းသွားခဲ့သူ။ သေနတ်ကိုင်ထားသည့် သူ့ကို ကျွန်တော်နားလည်သည်။ ကလောင်ကိုင်ထားသည့် သူ့ကို ကျွန်တော် လေးစားသည်။ သူလို နှလုံးသားရှိသူကို ကျွန်တော် ချစ်သည်။ ‘နေ့သစ်တစ်ခု မွေးဖွားဖို့ နေလုံးတူးဆွခဲ့သူများ’ ကို ကျွန်တော် နားမလည်လို့ မဖြစ်။ မချစ်၍ မဖြစ်။ နားလည်ရမည်။ ချစ်ရမည်။ သို့နှင့် တိုက်မောင်းအတွက် ကဗျာတစ်ပုဒ် ကျွန်တော်ရေးခဲ့၏။ ထိုကဗျာထဲက ကဗျာစာသားတချို့…။ ခင်ဗျားအဖို့ ကျွန်တော်တို့ခေတ်ရဲ့ မာယာဘုံမှာ ကဗျာဆရာတစ်ယောက်အဖြစ် ထုံးတို့လို့ ထားရစ်ခဲ့သူ ဧကရာဇ်ကို စစ်ကြေညာကြ သူပုန်ဘ၀ရဲ့ ဂုဏ်ဟူသမျှ ကုန်လုံကြွယ်ဝ ပြခဲ့သူ ဖြူစင်ခြင်း တောင်ကုန်းမှာ ရောင်ထုံးဖြေချ မြေကျခဲ့သူ…။ အို မြတ်သော ၀ိညာဉ် သို့မဟုတ် ရဲဘော် တိုက်မောင်း ရေ မိုးတွေညို့ရင် မျက်ရည်စို့တယ်တဲ့ ခင်ဗျားရဲ့ မခင်သီ ကျွန်တော့်ရဲ့  မဒေ၀ီလေ ကွဲကြေလို့ မဆုံး…။ ။ ငြိမ်းဝေ(ကဗျာ့အိုးဝေ) မှတ်ချက်။ ။ ဒီကနေ့ဟာ ကျောင်းသားတပ်မတော်က ကဗျာဆရာ တပ်မှူး တိုက်မောင်း ကျဆုံးသွားတဲ့ နှစ် နှစ်ဆယ်တင်းတင်းပြည့်တဲ့နေ့ပါပဲ။ သူ့ကိုဂုဏ်ပြုလွမ်းသတဲ့အနေနဲ့ ဒီဝတ္ထုလေး ကျနော် ရေးခဲ့တာပါ။ နှစ်စဉ်လိုပဲ ဒီလိုနေ့မှာ ဒီဝတ္ထုတိုကို တင်ပေးခဲ့ပါတယ်။ တိုက်မောင်း ဘယ်လိုလူလည်းဆိုတာထက် သူ့အပေါ်ကျနော်ကတော့ တော်လှန်ရေး ခေတ်ပေါ်ကဗျာဆရာဖြစ်တယ်ဆိုတာနဲ့တင် လုံလောက်ခဲ့ပါပြီ။ နေ့သစ်တစ်ခုမွေးဖွားဖို့၊ နေလုံးတူးဆွခဲ့သူများ…စာသားမှာ ယောဟန်အောင်၏ ကဗျာတစ်ပုဒ်မှ စာသား ဖြစ်ပါသည်။

ဟာဆန် ကမ်းနဖူးမှသည်ကောလိယကမ်းနားဆီမျှော်ကြည့်လိုက်တော့

============================================ ဟာဆန်ရေးဗား၏ ကမ်းနဖူးကိုရပ်မိတော့ ကမ်းနဖူးနှင့်ကိုယ့်ဘဝကိုဆက်စပ်တွေးမိလိုက်သည်။ ကမ်းနဖူးသည်ကိုယ့်အတွက်မစိမ်း၊။ ထိုမစိမ်းသောကမ်းနဖူးသည် ယခုရပ်လျှက်နေသောဟာဆန်မြစ်လိုထင်ရှားကျော်ကြားသောကမ်းနဖူးတော့မဟုတ်။ အတိတ် ခြေရာကောက်ရလျှင် ကမ်းနဖူးသည် ငယ်ဘဝတလျှောက်လုံးအားချော့မြူပေးခဲ့တာကိုအမှတ်ရသည်။ ထိုကမ်းနဖူးသည် လူတော်တော်များများသိသောကြီးကြီးကျယ်ကျယ် ကမ်းနဖူးတော့မဟုတ်။ ဒေသ၏ဂုဏ်ယူဖွယ်ရာထဲအရှားပါးဆုံးပေါ်ထွက်ဖူးသည့် ရှားရှားပါးပါးစာရေးဆရာမမိုးမိုး(အင်လျှား)က ထိုချောင်းကမ်းနဖူးပေါ်မှချွေးစက်တုိ့ ရွှဲရွှဲစိုသောမညိုပြာတယောက်ကိုဆွဲထုတ်ပြရင်းထိုကမ်နဖူးကိုလူထုအာရုံထဲချပေးခဲ့ဖူးသည်။ မိတ်ဆွေ စာရေးဆရာတယောက်ကတော့ ကိုယ့်ဒေသကိုလူတိုင်းကြားသိစေရန် သူကလောင်နာမည် ရှေ့မှာ -ချောင်းကလေးကိုဝိသေသနပြု ဂုဏ်တင်လျှက်ကမ္ဗည်းတပ်ထားတာတော့ရှိသည်။ ယခုစာတစောင်ပေတဖွဲ့ရေးမည့် ကမ်းနဖူးအကြောင်းရှာဖွေရလျှင် ပေါ်ထွက်ခဲ့ဖူးတာလေးရှားရှားပါးပါးကိုစပြောရခြင်းဖြစ်သည်။ ထိုထက်မက ကြီးကြီးကျယ်ကျယ်ပြောရလျှင် ဘုရင်မင်းခေါင်၏စစ်ချီရာလမ်းကြောင်းနဘေးကဟံသာဝတီမင်းနေပြည် လက်အောက်ခံမြို့ငယ်ကလေးဘေးမှ ဖြတ်သန်းရင်းထိုမြို့၏နာမည်ကိုစွဲယူထားသောချောင်းကလေးသည် သမိုင်းတခေတ်၏ ကဏ္ဍတခုသူ့နဘေးမှာ ဖြစ်ထွန်းခဲ့သည်ကိုသက်မဲ့သက်သေအဖြစ်ပြောပြနှိုင်မည်ထင်သည်။ ထိုထက်ပိုလူရာဝင်အောင် ပြောရလျှင် လွတ်လပ်ရေးပြီးစ ပြည်မြန်မာ၏ ခါးသီးသောသွေးညှီနံ့တို့ဖြင့်သူ့ချောင်းရေကိုသုတ်လိမ်းခဲ့ဖူးသည်ကိုပြောရမည် ။ ထိုကဲ့သို့ လူသိနဲပါးသောချောင်းငယ်ကလေးနဘေးကျောင်းမနေမှီခလေးဘဝကမိုးရာသီတသွင်သွင်စီးနေသောကမ်းနဖူးထက်မနိုင်တနိုင် ပလိုင်းကိုဒရွတ်ဆွဲလွယ်ရင်းလူကြီတွေငါးဖမ်းရာနောက်မှ လိုက်ခဲ့ရသည်။ ငါးထောင်ပုံးထဲဝင်ရောက်လာသောငါးခုံးမ ၊ငါးသန်ချိတ်စသည့် ငါးများကိုပလိုင်းထဲကောက်ထည့်ရတာကိုပျော်ရွှင်ခဲ့ဖူးသည်။ မြွေလိုလိုတွန့်လိမ်သွားသောငါးလင်ဘန်းငါးမြွေထိုးတဖြတ်ဖြတ်ခုန်သောငါးပြေမစသောငါးများကို မြင်တော့ကြောက်လန့်တကြားအော်ဟစ်ခဲ့ဖူးပြန်သည်။ ကမ်းနဖူးနားမှ ရေတိမ်တိမ်သည် နေ့စဉ်ရေချိုးဆိပ် ဖြစ်သည်။ ကမ်းနဖူးထက် အဝတ်လျှော်သောအမေ့နားရပ်လျှက် ကိုယ်မသိတာတွေ တခုပြီးတခုမေးစရာများကိုချောင်းလေးဆီလက်ညှိုးညွှန်းပြရင်းမေးခဲ့ဘူးသည်။ ငယ်ဘဝအတွက် ဝေါဟာရအသစ်တို့စတင်ရာကိုယ့်အတွက် လောကကြီးထဲဝင်ရောက်ရန် တံခါးပေါက်အဖြစ်လည်းထိုးကမ်းနဖူးကဖန်တီးပေးခဲ့သည်။ မိုးရာသီအဦးတောင်ပေါ်ရေကျစချောင်းရေနှင့်အတူပါလာသောသစ်တိုဝါးတို့ကိုဆယ်ယူရင်းထင်းလောင်စာစုကြရသောကမ်းနဖူးညွှတ်မျှ စည်းကားလှသည့်မြင်ကွင်း။မိုးရာသီချောင်းရေထဲလှေစီးရသောအရသာ။ခရီးဝေးကွာသည့်တရွာနှင့်တရွာသွားရောက်ရန်လမ်းကြောင်းဒီချောင်းကလေးကျေးဇူးကြောင့် အထက်အောက်ရွာတို့ အဆက်မပြတ်ခဲ့ရ။ဝါးဖောင်ဖြင့်ချောင်းရေစီးထဲမျှောချလာသောအသိမိတ်ဆွေတို့ထံမှ လက်ဆောင်တောင်းယူရသော ကြံချောင်းများ ။ နွေရာသီချောင်းရေအခမ်းသဲသောင်ပြင် ထက် ဆော့ကစားရသောနေ့ရက်များဤ ပုံရိပ်တို့ဖြင့် စွဲထင်နေသောငယ်ဘဝအဖော် ချောင်းလေးသည် မိုးအခါ စပါးအတွက်အောင်ရေ။ ဆောင်းအခါ ဆောင်းသီးနှံ အတွက် စိုက်ပျိုးရေတို့ကြောင့် တနယ်လုံးအတွက် အားကိုးရာလည်းဖြစ်နေပြန်သည်။ချောင်းကိုအမှီပြုနေရသူတို့၏ သမိုင်းနှင့်ဒီချောင်းကလေး၏ သမိုင်းကခွဲမရခဲ့။ ဒီချောင်းလေး၏အနိမ့် အမြင့်သည် သူ့ကိုမှီခိုရသူတို့၏ အနိမ့်အမြင့်ပင်ဖြစ်သည်။ ဆယ်ကျော်သက်လွန်စမှာပဲဘဝတဆစ်ချိုးချိန်ဒီချောင်းနဲ့ဝေးကွာခဲ့သောကာလတခုဖြစ်ခဲ့ရသည်။ ဝေးကွာသော်လည်းမွေးရပ်မြေ၏ သတင်းစကားများကိုအချိန်တိုင်းနားစွင့်မိနေသည်။ အလွမ်းစိတ်အမြဲရှင်သန်နေခြင်းကဘာကိုပြသလဲဆိုတော့ ကိုယ်ခန္ဓာကြီးကကိုယ့်ဒေသအားခွဲခွါနေရသော်လည်းစိတ်ဝိညာဉ်သည်မွေးဌာနေဆီမှ တဖဝါးမခွာရှိနေကြောင်း ပြနေသည်။ စိတ်ထဲကအငုတ်ဓာတ် အိမ်လွမ်းစိတ်သည် မတိုက်ဆိုင်ခင်ကတငွေ့ငွေ့တမြေ့မြေ့။ တိုက်ဆိုင်မိပြန်တော့ အရှိန်ပြင်းပြင်းရွာလွမ်းစိတ်တို့ဖြင့်လောင်ကျွမ်းသောညတာတို့ကို ဖြတ်သန်းခဲ့ရဖူးသည်။ ၁၉၉၄ လောက်လောကနှင့်တံတိုင်းခြားစဉ်ကမိဝေး၊ ဖဝေး၊ မိတ်ဆွေဝေးကိုယ့်ဒေသဝေးစဉ်စိတ်ထဲမှ ဆာလောင်မှုတွေထဲတွင် မိတ်ဆွေတွေနှင့် တွေ့ချင်စိတ်ဆာသလိုမိသားစုညီအကိုမောင်နှမတို့နှင့် အတူတူစကားလက်ဆုံကျလိုစိတ်တို့ ဆာလောင်သည်။ ထိုအထဲမွေးဖွားရာဒေသဆာလောင်မှုကစိတ်ထဲကျိတ်ချေမရခဲ့။ ဒီတုန်းကလွတ်လပ်ရေးပြီးစ ပြည်တွင်းစစ်ပွဲအတွင်းကိုယ်တိုင်ပါဝင်ခဲ့ဖူးသူတပ်မှူးကြီးတယောက်နှင့်အတူတူနေခွင့်ကြုံလိုက်ရသည်။ သူ့မိသားစုယခုနေနေတာကကိုယ့်ဇာတိမြို့နှင့် ကပ်လျှက် မြို့။ ထိုမြို့ကိုသူမနေခင် တော်လှန်ရေးကာလတလျှောက် ကိုယ်မွေးဖွားဆော့ကစားခဲ့ရာချောင်းကမ်းနဖူးသည် သူတို့တပ်တွေ လူးလာတုံ့ခေါက် သွားလာရာနေရာ။ ဒီတော့သူလဲကိုယ့်လိုအိမ်လွမ်းစိတ်ဆာနေသူ။ဒီလိုဆိုတော့ နှစ်ဦးသားစိတ်ထဲသိမ်းထားသော ဖြတ်သန်းခဲ့ဖူးရာအမယ်စုံကိုအတူတည်ခင်းရင်းဆာလောင်နေသောစိတ်အဆာကို နှစ်ယောက်သားကုစားခဲ့ကြသည်။ သူကကိုယ့်ထက်တောင် ဒေသကိုကျွမ်းကျင်နေသေးသည်။ သူ့စကားတွေထဲညောင်ပင်ဆိပ်နားကမစောကြီးသရက်ခြံအတွင်းသူတို့တပ်စခန်းချပုံပါသလို၊ဖအောင်ဝဲရွာအတွင်းတိုက်ပွဲအကြောင်းကိုပြောသည်။ ထိုဖအောင်ဝဲရွာတိုက်ပွဲအကြောင်းပြောတော့ -အဘရေဗိုလ်ကြီးညိုမှိုင်းဆိုတာအဘတို့တပ်မှာရှိလားလို့ စကားဖြတ်မေးဖြစ်သည်။ ခပ်ငယ်ငယ်ကလူကြီးသူမများစကားဝိုင်းထဲမကြာခဏကြားရတတ်သောဖအောင်ဝဲရွာတိုက်ပွဲအတွင်းကျဆုံးသွားသောကွန်မြူနစ်စစ်ဗိုလ်တယောက် အကြောင်းဖြစ်သည်။ သူ့ကိုသိမှီလိုက်သူတရွာလုံးကမမေ့ကြ။ ကျည်းပေါင်းစု မှ နှင်းဝိအဖြတ် တိုက်ပွဲအကြောင်းလည်းပါသည်။ ရေလွှဲ၊ ဆားကျင်းစသောနေရာများကိုလည်းမချွင်းမချန်ပြောပြသေးသည်။ ကိုယ်ငယ်ငယ် သုံးတန်းကျောင်းသားလောက် ကိုယ့်ရွာတွင်ဖြစ်ပျက်သွားသောကိုသိန်းအောင်နှင့်ကိုငြိမ်းမောင် ပြည်သူ့စစ်ခေါင်းဆောင်နှစ်ယောက်ကိုဝင်ရောက် သတ်သွားသောအကြောင်းနှင့် ရွာလူကြီးဦးကြိုင်တို့အသတ်ခံရပုံများလည်းပါသည်။ ဖအောင်ဝဲရွာထဲကဘယ်သူ့ကိုသိလားဆိုသောသူ၏လုပ်ဖော်ကိုင်ဖက်များကိုမေးတတ်သေးသည်။ သုံးခွ၊ ပနွတ် ၊ နှင်းဝိတို့အသွားပိတ်ညှပ်နေသောကိုင်းတောကြီးများအကြောင်းကိုရောက်တော့- “အဘရေအခုအဘပြောတဲ့ကိုင်းတောဆိုတာတပင်မှမရှိကြတော့ဘူးအားလုံးလယ်မြေတွေဖြစ်ကုန်ပြီ”လို့ပြောတော့ သူတို့တပ်များစခန်းချရာထိုကိုင်းတောကြီးများအတွင်းကဇာတ်လမ်းများဖြင့် အတိတ်ကိုလွှင့်ထားသောစိတ်တို့ ရပ်တန့်ပြီးအဘငေးနေပုံကို ပြန်မြင်လာသည်။ ဤသို့ဤနှယ် ချောင်းကလေးနဘေးကအရိပ်တွေကိုပြောပြောပြီးအတိတ်လွမ်းစိတ်ကိုအဘဖြေသလိုကိုယ်ကလည်းအိမ်လွမ်းစိတ်ကိုကုစားဖြစ်ခဲ့သည်။ တလနှစ်ခေါက်ရောက်လာတတ်သောမိသားစုတွေ့ဆုံအပြီးမိသားစုအကြောင်းတွေကိုကြားရသည်။ မိသားစုသည် ချောင်းကလေးနဘေးမှာဘဝရှင်သန်ရေးရုန်းကန်ကြရသူတွေမို့ မိသားစုအကြောင်းသည် ချောင်းကလေးအကြောင်းပင်ဖြစ်သည်။ “အဘရေဒိုက်ဦးကနေသုံးခွရွာသွားဖို့ တာလမ်းဖောက်တာအိမ်တိုင်းလုပ်အားပေးကြရတယ်ပြောတယ်” လူထုကိုဖိစီးနှိပ်စက်သောအစိုးရကိုဆန့်ကျင်ရင်းဒီနေရာတွင် ရင်ခုန်သံတူသူချင်းစုမိရာအရပ်မို့ ဒေသလွမ်းဖော် အဘနည်းတူ ကြားရသူတိုင်းကတောက်တခေါက်ခေါက် နာကျည်းကြသည်။ ဒီချောင်းလေးနဘေးကတောက်ခေါက်သံသည် ရွာသူရွာသာတို့ ရင်ထဲကအနာဖြစ်သင့်သည်။ ဘာကြောင့်အနာ ဖြစ်သင့်သနည်းဆိုသော် အကြောင်းရှိပါသည်။ ဒီမတိုင်ခင် မဆလတခေတ်လုံးတာဝန်ကျေ စပါးကြောင့် ကိုယ့်စပါးကိုယ်ခိုးစားရသောအဖြစ်တုန်းကလည်းတရွာလုံးခံခဲ့ရတာဖြစ်သည်။ ဘယ်လောက်ခံခဲ့ရ၊ခံခဲ့ရရွာသားတချို့တွင် စိတ်မှတ်သည်းချေမရှိ။ အပြောကောင်းအလှည့်ကောင်းသူကယုံတမ်းစကားပြောလာလျှင် ဒဏ်ရာတို့ကိုမေ့တတ်ကြကုန်သည်။ လူနဲစုဆိုသော်လည်းကိုယ့်ဒဏ်ရာကိုကိုယ်တိုင်ပြန်စော်ကားမိသူဆိုတာသူတို့မသိလိုက်ကြ။ စစ်တပ်နှင့် စစ်တပ်အလိုကျ သရဲသဘက်တစုကိုအားကိုးရာအဖြစ် ထင်နေကြခြင်းကထိုသူတို့အတွက်တင်မကအားကိုးရာမထင် သူတွေကိုပါ ဒုက္ခတွင်းထဲဆွဲသွင်းဖို့ဖြစ်နေသည်။ ကိုယ့်ဒဏ်ရာက်ိုကိုယ်ကပြန်၍သစ္စာဖောက်ခြင်းဖြစ်သည်။ ဒီပုံအတိုင်းဆိုဒုက္ခတွင်းကဘယ်တော့မှ မလွတ် မြောက်နှိုင်ဆိုတာကိုသူတို့မေ့နေကြ၍ဖြစ်သည်။ သော့ခတ်ထားသောလောကမှ သော့ခတ်ထားခြင်းမရှိသောလောကအတွင်း ပြန်ရောက်တော့ နေရာအနှံ့ခြေဆန့်ဖြစ်သည်။ ရွာအကြောင်းကိုတော့ မျက်ခြေမပြတ်ခဲ့။ ဒီခြေဆန့်စဉ် အခါမှာပဲရောက်ရာဒေသနှင့် ကိုယ့်ရွာကိုယ့်ဒေသကို နှိုင်းယှဉ် ကြည့်မိသည်ချည်း။ ဟိုဘက်သည်ဘက် ခဲတပစ်သာဝေးသော မြဝတီမှ မဲဆောက်ဘက်ကမ်းခြေချမိလိုက်စဉ်မှာပင် ချိုင့်တွေ ခွက်တွေပြည့်နေသောလမ်းမှ ညီညာဖြောင့်ဖြူးသောလမ်းကိုစတွေ့လိုက်ရသည်။ မိတ်ဆွေ အလုပ်လုပ်နေသောမဲဆောက်နားကမယ်ပရွာကလေးရောက်တော့တွေ့လိုက်ရသည်မှာရွာအရောက် ရေပေးဝေရေးစနစ်ရှိနေပြီ။ ရွာမှာအင်တာနက်သုံးလို့ရနေသည်။ရွာမပြောနှင့်ဒက္ခသည်စခန်းထဲမှာပင် မိလ္လာစနစ်ကမြန်မာပြည်ကမြို့တွေထက်သာနေသည်။ လျှပ်စစ်မီးအကြောင်းကြားရတော့ ပိုရင်နာသည်။ကိုယ့်ဆီကထွက်သောဓာတ်ငွေ့ဖြင့် သူတို့ဆီလင်းထိန်နေသည်။ကိုယ့်ဆီမှာတော့ ရင်နာစရာတွေသာ။ သူတို့သောင်ရင်းချောင်းနဘေးကမြင်ကွင်းကိုကောလိယချောင်းနဘေးသို့ လှည့်ပြောင်းကြည့်လိုက်မိတော့ စိုက်ပျိုးရေးတွေကမအောင်မြင်။နှစ်တိုင်းအကြွေးတွေတင်နေသည်တဲ့။ဟိုတနှစ်ကညီမ၏သမီးအကြီးလေးရုတ်တရက်ဆုံးသည် ။ငယ်ရွယ်သူ ၁၀တန်းကျောင်းသူလေး ဆုံးတာမို့ပိုနှမြောနေမိသည်။ သက်တန်းစေ့ဆိုလျှင် နှစ်တွေအများကြီးနေချိန်ရှိသေးသည်။ အဓိကကျန်းမာရေးအသ်ိပညာအားနည်းမှုထဲကျန်းမာရေးအတွက် အစီအစဉ် ချို့တဲ့ခြင်းကပိုဆိုးသည်။ မကြာခင်ကပင် ငယ်စဉ်ထဲကအတူတူနေခဲ့သောညီမအရင်းလိုဝမ်းကွဲညီမဆုံးပြန်သည်။ ချောင်းလေးနဘေးကလူနေမှုဘဝမှာစီပွားရေးအဆင်မပြေမှုတွေအထဲပညာရေးကျန်းမာရေးအထောက်အပံ့မဲ့မှုကအသက်ဇီဝိန်ကိုပါ ချွေချွေပစ်နေခြင်းဖြစ်သည်။ နယူးယောက်ပြည်နယ် အောဘနီမြို့လေးကိုရောက်တာ တနှစ်ကျော်ကျော်ရှိပြီ။ ရောက်တုန်းရောက်ခိုက် သူတို့မြို့ကလေး၏ ရှုခင်းအစုံစုံကိုငေးမောနေမိသည်။ သူတို့မြို့လေးဘေးကဖြတ်စီးဆင်းသွားသောဟာဆန်မြစ်နဘေးရပ်ရင်းသော့ ခလောက်တွေ ကြားလောကထဲတုန်းကဖတ်ခဲ့ရသောစာတွေထဲမှဟာဆန်မြစ်တွင်းအမေရိကန်လွတ်လပ်ရေးတိုက်ပွဲအကြောင်းကို ပြန်မှတ်မိလာသည်။ အော်သူတို့ မြစ်ချောင်းထဲလည်းသွေးတွေပေကျန်ခဲ့တာပဲကို ။ဒါပေမယ့် သူတို့ ယနေ့မှာတော့ကမ္ဘာ ထိပ်ဆုံးနီုင်ငံ ဖြစ်နေပေပြီ။ အမိမြန်မာပြည်မှာကမ္ဘာ့အရှည်ကြာဆုံးသောပြည်တွင်းစစ်ကိုခင်းနေကြဆဲ။ လူတွေကကျန်းမာရေးပိုပိုချို့လာကြ။ ပညာရေးလဲနောက်တန်းကျမြဲနောက်တန်းကျလျှက်။ ဘက်ပေါင်းစုံဘယ်နေရာကိုကြည့်ကြည့် ကမ္ဘာ့နောက်ဆုံးနေရာမှာ။ ခေါင်မလုံသောအိမ်အမိုးကို ဖြိုဖျက်ချမှ ကောင်းမည်ဆိုတာကိုလူတွေ တော်တော်များများမြင်မိကြမည်။ သို့သော် အမိုးကိုမဖြိုဖျက်နှိုင်ကြ။ ဒီတော့နိမ့်ကျနေသာအသိအမြင်ကို နိုင်သလောက်ဆွဲတင်ရန်သာရှိတော့သည်။ ဒီအတွေးဝင်လာတော့ ကျောင်းဆရာကိုတင်ရွှေ ကမကထပြုဆော်သြ နေသောစာကြည့်တိုက်လေးဆီကခလေးတွေစာဖတ်နေတာကိုပဲဖြေတွေးတွေးနေရတော့သည်။ သူလိုစိတ်ဆန္ဒရှိသူကတာဝန်တခုလိုဆော်သြနေတာကိုကျေးဇူးတင်နေရသည်။ ဟာဆန်မြစ်ကမ်းနဘေးကမီးရောင်စုံကားတဝီဝီသည် ကောလိယကမ်းနဖူးမှာသာမည့်နေတွေဆီသို့ -စိတ်ကူးအိမ်မက်ကိုလက်တွေ့ဘဝထဲအထိခေါ်ကြည့်ရင်း------- အရှင်ဇဝန (နိုင်ငံရေးအကျဉ်းသားဟောင်း) ယခုအခါ အမေရိကန်ပြည်ထောင်စုနယူးယောက်ပြည်နယ် -အော်ဘနီမြို့ -ဓမ္မဝါဒီအောင်မြေမင်္ဂလာကျောင်း၌ ခေတ္တ သီတင်းသုံးနေတော်မူသည်။

“ တူ…တူ….တူ ”

ဘ၀ဆိုတာတသမတ်ထဲမှတ်ယူရမည်ဆိုပါက ပုံတူပန်းချီကားတွေတော်တော်လေးရောင်း ကောင်းနေမှာ။သို့ပေမယ့်ငြင်းချက်မရှိ။ကန့်ကွက်မဲမရှိ။အချိန်တစ်ချိန်။နေရာတစ်နေရာမှာ တ သမတ်တည်း တည်ရှိနေတဲ့အရာတစ်ခုရှိတယ်။ရာသီဥတုလိုလည်း မဖေါက်ပြန်ဘူး။လူတွေလို လည်းမရှိတာကို အရှိလုပ်လို့မရဘူး။ ညာလို့မရဘူး(ရှက်တတ်ရင်)။ လိမ်လို့လည်းမရဘူး ( ကြောက်တတ်ရင် )။ပကတိအတိုင်းဝံ့ဝံ့ကြွားကြွား။ပကတိအတိုင်းငြိမ်ငြိမ်ကုပ်ကုပ်။ ကလေးဘ ၀မှာကစားချင်စိတ်မရှိတော့တဲ့အခါ“ ငါမပါတော့ဘူးကွာ..ကြာနေရင်အဖေရိုက်လိမ့်မယ်”ပြော ၍မရ။တခါတရံ ကလေးလိုပြောတဲ့လူကြီးပါးစပ်တွေကို တည်ကိန်း၊မြှောက်ကိန်း၊သုဒ္ဓကိန်း၊တွေ နဲ့ အစားထိုးတွက်ကြည့်တာ အဖြေမထွက်ဘူး။ပထမဒေါသထွက်တယ်။ဒုတိယအဲဒီထက်ပြင်း တယ်။တတိယနားလည်ပေးကြည့်တယ်။နှစ်ကာလများရွေ့လျောလာတဲ့အခါ စိတ်မကောင်း ဖြစ်မိတယ်။ညဖက်အိပ်မရတဲ့လူတစ်မျိုးထပ်တွေ့လိုက်ရသလိုပဲ။ဘူမိဗေဒအရ မလေ့လာရ သေးတော့ အမည်ဘယ်လိုခေါ်ရမှန်းမသိသေးဘူး။ခက်တာကနှစ်ပေါင်းများစွာ ကြာနေတဲ့သီ အိုရီဟာ ကင်ဂျူံအီလက်ချက်လား။ပူတင်လက်ချက်လား။ကက်စ်ထရို လက်ချက်လား။အမာဒီ နီဂျက်လက်ချက်လား။အခုထိလက်သည်ရှာမရသေးလို့ အတင်းညှစ်ချနေရတုန်း။ဒီအသည်းအ သန်ကြားထဲ စကားလှလှနဲ့ အားပေးရမှာပေါ့ဆိုတဲ့လူကြီးတွေကတစ်မျိုး။အမှန်တော့ နှုတ်၏ စောင်မမှု ဆိုပြီးကိုယ်မလုပ်ရရင်ပြီးရော။ဒါဟာသဘာဝကျလွန်းတဲ့ အတုယောင်တစ်ခု။မလုပ် ချင်တဲ့သူတွေဘယ်လောက်များနေသလည်းဆို လက်ခုပ်တီးနေတဲ့သူတွေကိုလိုက်ရေကြည့် လိုက်လေ။တကယ်လုပ်တဲ့သူက ဘယ်တော့မှလက်ခုပ်မတီးဘူး။အဆိုတော်ဟာ သီချင်းဆိုနေ ရမှာမှန်ပေမယ့် သီချင်းကအဆိုတော်ကို ဆိုခိုင်းတဲ့အလုပ်မျိုးလည်းမလုပ်သင့်ဘူးလေ။အဲဒီလို သမာသမတ်ကျခြင်း၊မကျခြင်းကို ညာလို့မရတာဓါတ်ပုံမှာရှိတယ်။ ဓါတ်ပုံကနေရာတိုင်းမှာရှိတယ်။လိုအပ်တဲ့နေရာတိုင်းမှာ ချိတ်ဆွဲထားတယ်။မလိုအပ်တဲ့နေရာ တိုင်းမှာလည်းချိတ်ဆွဲထားတယ်။အဓိကကျတာက ချိတ်ဆွဲချင်စိတ်ကိုလှောင်အိမ်ထဲ ထည့်မ ထားဖို့ပဲ။အဲဒီတော့ဘာတွေများလိုအပ်နေဦးမလည်း။သိချင်တယ်။ အကြောက်တရားဆိုတဲ့ ခေါင်းအုံးဟာ အိပ်ယာထဲမှာအိပ်နေသင့်ပါသလား။ဘာပဲဖြစ်ဖြစ် ဘ၀ရဲ့ခါးသီးတဲ့နေ့ရက်တွေ မှာ ကိုယ်ချိတ်ဆွဲထားတဲ့ ဓါတ်ပုံလေးကိုငေးကြည့်မိရင် မွန်းကျပ်နေတဲ့ စိတ်အစဉ်ကနှလုံး သားကိုထိမိလိုက်တဲ့အခါ အလိုလို ပြုံးလာလိမ့်မယ်။ဒါမှမဟုတ် နူးညံ့တဲ့နှလုံးသားနဲ့ မထိတဲ့ အခါ အလိုလိုဒေါသထွက်လာလိမ့်မယ်။နူးညံ့တဲ့ပန်းတစ်ပွင့် သို့မဟုတ် ရိုင်းစိုင်းတဲ့လူသတ် လက်နက်တစ်ခု။တခါတရံမှာ ပန်းတစ်ပွင့်လို နူးညံ့ရတာ ရင်ခုန်စရာကောင်းသလို။တခါတရံ ရိုင်းစိုင်းတဲ့လူသတ်လက်နက် တစ်ခုဖြစ်ရတာ ကိုယ်တိုင်သရုပ်ဆောင်မှုအတွက်ဘာမှမခံစားရ ဘူး။ဘေးကလူတွေသာ ရင်ခုန်စရာ။သို့ပေမယ့် အဲဒီလို လိုအပ်တဲ့ဓါတ်ပုံ မရှိခဲ့တာကြာသွားပြီ။ ဒီတော့ လိုနေတာရှိအောင်နဲ့ ရှိနေတာလိုအပ်နေအောင် လုပ်ရမှာပေါ့။ရေကူးချင်ရင် ရေကူးလို့ ရတဲ့နေရာကို အရောက်သွားတတ်မှ ဖြစ်မယ်မဟုတ်လား။ မဗေဒါရေဘူးလို အပေါက်ပဲကျဉ်း ကျဉ်း။ပလိုင်းပေါက်နဲ့ ဖားပဲကောက်ကောက်။ ကျဉ်းရင်ချဲ့။ပေါက်ရင်ဖာ။ ပုံပြင်တွေအားကိုးလို့ ကတော့ ပြင်ရမှာတွေပုံနေမှာပဲ။ အရာရာအဆင်ပြေအောင်ကျိုးစားခဲ့ပေမယ့် ပြဿနာကအခုမှစတယ်။လိုအပ်တဲ့ဓါတ်ပုံလည်းရ ပြီ။ဓါတ်ပုံထည့်ဖို့မှန်ဘောင်လည်းရပြီ။ချိတ်ဖို့နေရာရော ကြိုးပါရှိနေပြီ။ဒါဆိုဘာများလိုနေသေး လို့လည်းလို့အားလုံးကထင်ကြမယ်။ဒီနေရာကပ်သီးကပ်ဖဲ့လိုနေတာတစ်ခုရှိတယ်။ တူကလေး တစ်လက်လေ။မှန်ဘောင်ထဲမှာထည့်ထားတဲ့ ဓါတ်ပုံကိုထိန်းထားပေးမယ့် သံကလေးတွေ (အပ်သံ )ကိုရိုက်ဖို့ တူခပ်သေးသေးတစ်လက်ရမှဖြစ်မယ်။ရှိနေတဲ့တူက ကြီးနေလို့ ပလာယာ နဲ့ရိုက်ကြည့်တာအဆင်မပြေဘူး။သူနဲ့အဆင်အပြေဆုံးက ဆွဲနုတ်တာဖြစ်နေတယ်။နောက်ရှိ နေတဲ့ ကိရိယာတွေကို အသုံးချကြည့်တယ်။အလောမတော်ပါဘူး။ဖြတ်ကနဲ ပန်းတိမ်ဆိုင်တွေ မှာ သုံးပါလားလို့ သတိရလိုက်တယ်။ခက်တာက သူတို့ကအဲဒီတူကလေးတွေကို ရွှေဆိုတဲ့တန် ဖိုးကြီးတဲ့ အရာဝတ္ထုကို အများစွဲမက်စရာဖြစ်အောင် ဖန်တီးတဲ့နေရာမှာ အသုံးချကြတာမ ဟုတ်လား။အမှိုက်တောင်ရောင်းစားလို့ရတဲ့ခေတ်ကြီးမှာ တန်းညှိကြည့်ရင်ကောင်းမလားမသိ ဘူး။ အံ့သြစရာကောင်းတာက မြေကြီးထဲမှာ နှစ်ပေါင်းများစွာဖိသိပ်ခံထားရပြီး တန်ဖိုးကြီးနေခဲ့ တာ။ဒါနဲ့တင်ဘယ်ကမလည်း မီးနဲ့အကျိုခံရတဲ့ဘ၀။ အက်ဆစ်နဲ့အစားခံရတဲ့ဘ၀။တံစဉ်းနဲ့အ စားခံရတဲ့ဘ၀။တူအသေး အကြီးနဲ့ထုထောင်းခံခဲ့ရတဲ့ဘ၀။ဒီလိုဘက်ပေါင်းစုံ အနှံခံရတာ တောင်မှ တန်ဖိုးကြီးနေတာများ။ဒါဟာ ကိုယ့်ကိုကိုယ်တန်ဖိုးကြီးချင်သူတွေအတွက်သီအိုရီ လေ။လောကကြီးရဲ့ ဖန်တီးပေးခြင်းမလိုအပ်တဲ့ လောကလက်ဆောင်။မည်သူမဆို ယူခွင့်ရှိ သည်။ ဒီလိုနဲ့ကျောင်းသားဘ၀က ဗားကရာချောက်ကြီးကိုဖြတ်ပြီးလမ်းလျောက်ခဲ့ရတာကို ပြန်တွေး လိုက်မိသည်။ကြည့်မြင်တိုင်အောက်လမ်းမကြီး ( အခုတော့ အောက်လမ်းကအပေါ်လမ်းဖြစ် သွားပြီ )ဘေးမှာ ပဒင်းတန်းဆိုတာရှိတယ်။အဲဒီတုန်းကအချိန်တွေဟာ ယ္ခုမတိုင်မှီအချိန်ထိ လုံးဝအမှတ်တမဲ့ပါ။အခုမှပြန်စဉ်းစားကြည့်တော့ သူတို့တတွေအလုပ်လုပ်နေကြတာလည်း တူသေးသေးလေးတွေနဲ့ပါလားဆိုတာ ပြန်မြင်ယောင်လာတယ်။အများဆုံးတွေ့ရတာက သေ သေ ချာချာပိပိပြားပြားမိမိရရထိုင်ပြီး စကျင်ကျောက်ဖြူဖြူပေါ်မှာ ကမ္ဗည်းရေးထိုးနေကြတာ။ ရေးထိုးပြီးသားကျောက်ချပ်တွေကဘေးမှာ အထပ်ထပ်နဲ့ရယ်။သုို့ပေမယ့် ရေးထွင်းလို့ရယ် ဘယ်မကုန် စွန့်လှူကြပုံများအားရစရာ။အဲဒီတတန်းလုံး ဘယ်ဆိုင်ကြည့်ကြည့် ကမ္ဗည်းချပ် တွေ စီရရီ။လှူဒါန်းမှုရဲ့ အမည်နာမတွေကို မမှတ်မိပေမယ့် အဆုံးသတ်မှာ ကောင်းမှုဆိုတဲ့စ ကားနှစ်လုံးက အလွတ်ကျက်စရာမလိုအောင် အသားသေနေပြီ။အဲဒီလို ကောင်းမှုကောင်းမှုနဲ့ တသီတတန်းကြီးဖတ်ပြီးဗားကရာချောက်ထဲဆင်းသွားရတာချည်းပဲ။ပြီးတော့မှ အနောက်ဖက် ချိုးကွေ့။ဟေမာန်လဖက်ရည်ဆိုင်မှာသူငယ်ချင်းတွေအတုံးအရုန်းနဲ့လေသေနတ်ပစ်ကြတာညတိုင်း။နေ့တိုင်း။နေ့နေ့ရက်ရက်တွေ။ဗားကရာချောက်ကြီးကကြည့်ရတာစကားသံတွေလောက်ကိုရင်ခုန်စရာမကောင်းတော့ဘူးနဲ့တူတယ်။ဒါမှမဟုတ်ကျိတ်ပြီးလှောင်ရယ်များရယ်နေမလား။ဘာပဲဖြစ်ဖြစ် ၀မ်းနည်းလို့ပဲရယ်ရယ်။ပျော်ရွှင်လို့ပဲရယ်ရယ်။အသံအနိမ့်အမြင့်မတူတာကလွှဲလို့ တမျိုးစီကောင်းတယ်။တချို့ကပြောလေ့ရှိတယ်။“ဒီကောင်ဒီလောက်အူမြူးနေတာမကြာခင်ငိုရတော့ မယ်” တဲ့။ဒါဆိုဗားကရာကြီးကိုလည်း မေးကြည့်ဦးမှနဲ့တူတယ်။တကယ်ငိုပြီးပြီလားလို့။ တကယ်တတ်တဲ့သူတွေကြတော့ ကြည့်ပါဦး။သူလည်းပန်းတိမ်သသမား၊ပန်းတဉ်းသမားတွေ လို တူသေးသေးလေးကိုင်ပြီး အလုပ်လုပ်ခဲ့တာပါပဲ။“လူသားတစ်ဦးတစ်ယောက်သည် အခြား သူတပါးအား စာနာထောက်တတ်သည်ဆိုလျှင်ပင် လူ့ဘ၀စသည်ဟု ဆိုချင်ပါသည်”တဲ့။“အ ခြားသူတစ်ပါး၏ ခံစားမှုကို စာနာထောက်ထားကာ လျော့နည်းသွားရအောင်သော်၎င်း၊ပြေ ပျောက် သွားရအောင်သော်၎င်း၊ကျင့်ကြံအားထုတ်ပေးခြင်းသည်ယဉ်ကျေးမှုပင်”တဲ့။နောက်ပြီး သူ့ရှေ့မှောက်ရောက်နေသောအမှုသည်များ၏ ကိုယ်တွင်း၌ ၀င်စားမကြည့်နိုင်ဟုဆိုပါကထို တရားသူကြီးသည် အခြားလုပ်ငန်းပြောင်းလုပ်ရန်သာရှိတော့သည်”လို့ဆိုခဲ့လေရဲ့။သူ့နာမည် ကဂျိုးဇက်အေ၀က်နာပါ။ဆရာခင်မောင်စိန်ဘာသာပြန်ထားတာပါ။ ကျွန်တော်အတွက် ပန်းတိမ်သမားလို၊ပန်းတဉ်းသမားလို ၊ တရားသူကြီးလို တူကလေးတစ် လက် လိုအပ်နေခြင်းမျိုးမဟုတ်ပါ။သူတို့တတွေလို လောကကြီးအတွက် လိုအပ်နေတဲ့နေရာ လေးတစ်ခုမှာ ရပ်တည်နေခြင်းမျိုးလည်းမဟုတ်ပါ။သို့ပေမယ့် လိုအပ်နေတဲ့ တူကလေးတစ် လက်တော့ မဖြစ်မနေ ၀ယ်ရပါဦးမည်။သို့မှသာ မှန်ဘောင်ထဲထည့်ထားရမည့် ဓါတ်ပုံလေးအ တွက် စိတ်ချလက်ချ တည်ရှိစေမှာမဟုတ်ပါလား။ စစ်သွေးအိမ် ၂၈-၃-၁၂ ည-၁၀း၂၁

လွိုင်ဇာ ငြိမ်းချမ်းရေးခရီးစဉ်မှ အမှတ်တရ အပိုင်းအစ

ငါမဖတ်ရသေးတဲ့ကဗျာတစ်ပုဒ် ငါမဆွဲရသေးတဲ့ပန်းချီကား မျကိဝန်းထဲကခုန်ထွက်လာတဲ့တိမ်ညိုတွေတလိပ်လိပ်နဲ့ကောင်းကင်တစ်ခု မင်းဆီပို့လိုက်ရဲ့ ငါကတော့အယောင်ဆောင်မိုးနဲ့ပဲ ရေချိုးနေမိတယ် အနွေးထည်အထပ်ထပ်နဲ့ အနာဂါတ်လေး မိုးကုတ်စက်ဝိုင်းကြီးမှာကြယ်တွေစုံရဲ့လား ငါးစာတွေလည်း ငါးထက်ကြီးခဲ့ မှတ်တိုင်တွေလည်းလမ်းထက်ရှည်ခဲ့ ငါ့ဆီငါလိပ်မူထားတဲ့ကြယ်မရှိတဲ့ကောင်းကင်ကြီးနဲ့ ငါပြန်ခဲ့တဲ့လမ်းမှာ အလွမ်းတွေခုံးခုံးထ ငါမှန်းထားတဲ့ပန်းတွေပွင့်နေပါရောလား။ ကျွန်တော်နဲ့အမှန်အတိုင်းပြောရရင် ဒီကဗျာလေးကိုရေးတဲ့သူနဲ့မသိတာအမှန်ပါ။ ကျွန်တော်ဆီ ဖုန်းနဲ့ပို့လာတာပါ။ ကျွန်တော်ဖတ်ကြည့်တယ်။ အဲဒီကဗျာကိုရေးတဲ့သူရဲ့နောက်ခံသမိုင်းကိုသိ သလိုလိုရှိခဲ့တော့ သူပြောချင်တာလေးတွေရင်ဘတ်ထဲရောက်လာတယ်။ ကဗျာလေးကရေး ထားတာရှင်းပါတယ်။ သို့ပေမယ့်လို့ ဒီကဗျာရေးတဲ့သူဟာ ဘာဖြစ်လို့ ဒီလိုရေးလိုက်တာလည်း ဆိုတာကတော့ သူလျောက်လမ်းခဲ့တဲ့သမိုင်းက အရှည်ကြီးလို့ပြောရမယ်။ လူကငယ်သေးပေ မယ့်လို့ တော်ယုံလူတွေမလုပ်နိုင်ခဲ့တဲ့အလုပ်ကို အောင်မြင်စွာ ကိုယ်ကျိုးမဖက်ပဲလုပ်ခဲ့တာပါ။ ကျွန်တော်တတ်နိုင်သလောက်ပြောပြကြည့်ပါမယ်။ လိုအပ်ချက်များရှိခဲ့ရင်လည်း ဖြည့်ပြီးနား လည်ပေးကြဖိုံမေတ္တာရပ်ခံပါတယ်။ ကဗျာရဲ့အစမှာငါမဖတ်ရသေးတဲ့ကဗျာတစ်ပုဒ် ငါမဆွဲရသေးတဲ့ ပန်းချီကားတဲ့။ဟုတ်ပါတယ်။ ကျွန်တော်တို့ခင်ဗျားတို့ဆွဲနေကြတဲ့အတ္တဆန္ဒတွေ။လူတစ်ဦးချင်းကိုယ်စီရဲ့ကိုယ်သန်ရာသန်ရာ လျောက်လှမ်းနေကြတဲ့လမ်းတွေပေါ်မှာနေ့တိုင်းလိုလိုအဆုံးသတ်နိုင်ကောင်းရဲ့လို့ အားကြိုး မာန်တက် ရေးဆွဲနေကြ တာမဟုတ်လား။ ကဗျာရေးတဲ့သူက သူလျောက်နေတဲ့ခရီးရဲ့အစကို သူကောင်းကောင်းသိသလိုသူ့ရဲ့ဆန္ဒကိုသူဖြစ်ချင်တဲ့လမ်းကိုလမ်းမျှော်ကြည့်ရင်းစလိုက်တာလို့မြင်တယ်။ မျက်ဝန်းထဲကခုန်ထွက်လာတဲ့တိမ်ညိုတွေတလိပ်လိပ်နဲ့ကောင်းကင်တစ်ခုမင်းဆီပို့လိုက်ရဲ့တဲ့။စောစောကသူ့ဆီကဖြစ်ထွန်းမှုတွေကသူ့ကိုကောင်းကောင်းရိုက်ခတ်နေပြီ။သူ့မျက်ဝန်းထဲကနေခုန်ထွက်လာတာ တကယ်တော့တိမ်ညိုတွေမဟုတ်။ အုံ့မှိုင်းနေတဲ့အနာဂါတ်တွေ။ တစ်စ က္ကန့်တိုင်းလိုလိုရင်နာနေရတဲ့ စတေးခံဘ၀တွေ။ အာဏာချင်းပြိုင်နေကြတဲ့ကြားထဲမှာ မြေဇာ ပင်ဖြစ်နေရတဲ့ဘ၀တွေ။အပြစ်မဲ့တဲ့ ကလေးငယ်တွေ။လူငယ်တွေ။လူကြီးတွေ။သက်ကြီးရွယ် အိုတွေ။အိုးပစ်အိမ်ပစ် လွတ်ရာပြေးရှောင်နေရတဲ့ ညှိူးငယ်နေတဲ့မျက်နှာတွေ။ ကိုယ်တိုင်မကြုံ ရတော့ ကိုယ်ချင်းမစာနာတတ်တဲ့သူမဟုတ်။ တို့တိုင်း တို့မြေ တမြေထဲနေ တရေထဲသောက် ဘယ်သူဖြစ်ဖြစ် မတရားခံစားမှုတွေ ငါတို့နိုင်ငံထဲမှာ ဘယ်နေရာမှာရှိရှိ သူတို့ခံစားရတာတွေ က ငါတို့ခံစားရတာတွေဆိုတဲ့ကိုယ်ချင်းစာတရားကိုလက်ကိုင်ထားလိုက်သူ။သို့ပေမယ့် အရာ ရာအားလုံးကိုငါကယ်မှ ရမယ်လို့သဘောထားသူမဟုတ်ပါ။ရေနစ်သူဝါးထိုးကူမယ့်သူလည်းမ ဟုတ်။ လိုအပ်နေချိန်မှာ ကောက်ရိုးလေးတစ်မျှင်တတ်နိုင်လျှင် အဲဒီကောက်ရိုးလေးကို ကိုယ့် အတွက်မကြည့်ပဲပေးလိုက်မည့်သူ။အဲဒီလိုနဲ့ သူဟာကောင်းကင်တစ်ခုကို ပို့လိုက်တယ်။ တ ကယ်ကို တော်ရုံလူမပေးနိုင်တဲ့ဟာကို တကယ်ခံစားနေရတဲ့သူတွေဆီကိုယ်တိုင်ကိုယ်ကြပို့ ပေးလိုက်တာပါ။ ဒါပေမယ့်သူ့ဆီမှာ ဆင်းရဲဒုက္ခရောက်နေတဲ့သူတွေအတွက် ဘာပစ္စည်းမှ မယ်မယ်ရရမပါပါဘူး။ဒါပေမယ့် သူ့ရင်ဘတ်ထဲမှာရှိနေတဲ့ ကိုယ်ချင်းစာတရားနဲ့ ငြိမ်းချမ်းရေး ကြီးကတော့ ပြည့်ဝလွန်းရုံမက ပိုတောင်ပိုလျှံနေပါသေးတယ်။ ဒါကြောင့်လည်းမိုင်ပေါင်းတစ် ထောင်နီးနီးရှိတဲ့ ခရီးရှည်ကြီးကို လမ်းလျောက်ခဲ့တာပေါ့။ဒီနေရာမှာခဏတာကြုံရတာလေး ထည့်ပြောချင်ပါတယ်။ သူတို့တတွေလို ရာထောင်ချီခရီးကို မပြောနဲ့ သုံးလေးမိုင်လောက်လေး လမ်းလျောက်ရတာတောင်မှ မလွယ်ပါဘူး။သူတို့ခြေထောက်တွေဆို ပေါက်လိုပေါက် ရောင် လိုရောင်နေတာတောင်မှ စိတ်ဓါတ်မကျတဲ့အပြင် နောက်တစ်လလောက်ဆို အလေ့အကျင့် ရသွားမှာလို့တောင်ရယ်ရယ်မောမောနဲ့ပြောနေသေးရဲ့။သီချင်းလေးဆိုလိုက် တစ်မြို့နယ်ပြီး တစ်မြို့နယ်ကလာကြိုကြတဲ့သူတွေနဲ့စကားပြောလိုက်။ ဘယ်လိုမှလျောက်လို့မရတော့မှ ပါ လာတဲ့ကားပေါ်တက်ပြီးခေတ္တနားလိုက်။နည်းနည်းသက်သာတာနဲ့ဆင်းပြီးလမ်းလျောက်လိုက်။ တစ်ယောက်နဲ့တစ်ယောက် မခံချိမခံသာဖြစ်အောင်စလိုက်နဲ့။သေချာတာက တစ်လမ်းလုံး ကိုယ့်ကြောင်းအနှောင့်အယှက်တစ်စုံတစ်ရာမဖြစ်အောင်အထူးဂရုစိုက်ခဲ့တာပါပဲ။ သေသေချာ ချာ စည်းစနစ်တကျ ပြန်ကြားရေး ဘဏ္ဌာရေး အစရှိတဲ့အဖွဲ့လေးတွေနဲ့ ကိုယ်စီတာဝန်ယူ ထားကြပြီး အပြင်သွားတာကအစ ကြီးငယ်မဟူ တာဝန်ရှိတဲ့ပုဂ္ဂိုလ်စကားကိုနားထောင်ရတာ။ ကဲဘယ်သူအတွက်လည်း။ ဘာတွေရလို့လုပ်နေတာလည်း။ သေချာတယ်ကိုယ့်အတွက်မ ဟုတ်တာ။ သေချာတယ် တရားစွဲခံရမှာ။ ဒီခေတ်ကြီးမှာ ကိုယ့်မှာရှိမှ။တကယ်ဖြစ်လာရင် ကိုယ့်ကိုဘယ်သူမှ လာကယ်တာမဟုတ်ဘူး။ငွေရှာခြင်းနဲ့သာတစ်နေ့ပြီးတစ်နေ့ကုန်ဆုံးနေသူ တွေ။ အဲဒီအယူအဆတွေကြောင့် ကျုပ်တို့နိုင်ငံကြီးနိမ့်ကြရတဲ့အကြောင်းတစ်ရပ်ထဲမှာပါတာ မဟုတ်လား။ အရာရာကိုယ်ကျိုးကြည့်ဝါဒထွန်းကားနေခဲ့လွန်းတော့ အယောင်ဆောင်မိုးနဲ့ရေ ချိုးနေမိတယ်တဲ့။ဟုတ်တယ်လေ မတရားမှုတွေထွန်းကားနေတဲ့အချိန်မှာ တရားမှုဆိုတာရှုံးနိမ့် သူပဲ။ ဒီအချိန်မှာ မှန်တဲ့အတိုင်းသွားပြောမိရင် ကိုယ်ပဲအလှောင်ခံရမှာ။ အများမိုးခါးရေ သောက်တဲ့အချိန်မှာ ငါလည်းလူပဲသူများတွေတောင်သောက်နေတာ ငါဘာလို့မသောက်ရဲရ မှာလည်းဆိုတဲ့ဦးဏှောက်မရှိတဲ့အတွေးတွေကြားထဲမှာ ကိုယ်ရဲ့အမှန်တရားလေးကို ကြောင် လက်သည်းဖွတ်ထားခဲ့ရတယ်။သို့သော်လည်း တကယ်တမ်းမိုးရေထဲမှာရေချိုးရသလို သူ့မှာ အေးချမ်းမှုတို့မရှိခဲ့ဘူးလေ။ဒီအခြေအနေမှာ စိုးရိမ်မှုတွေဖြစ်လာတယ်။အနွေးထည်အထပ် ထပ်ဝတ်တာဘယ်နေရာမှာရှိလည်းတောင်ပြောစရာမလိုပါဘူး။ကျွန်တော်တို့ရဲ့တောင်ပေါ် တိုင်းရင်းသားသွေးချင်းတွေ။အင်မတန်အေးမြတဲ့ရာသီဥတုနဲ့နေထိုင်ကြတဲ့တိုင်းရင်းသား တွေ ရဲ့အနာဂါတ်တွေကို ကျွန်တော်တို့ငယ်ငယ်ကလသာတဲ့တိုင်းညတိုင်းဆော့ကစားခဲ့ရတာတွေ ကိုသာမက လူကြီးသူမတွေရဲ့ပုံပြောပြတဲ့အကြောင်းတွေကိုကြားဘူးမြင်ဘူးပြီးသတိရလာ တယ်။သြော် … သူတို့တတွေလည်း အဲဒီလိုအေးအေးလူလူရှိရဲ့လား။သူတို့ရဲ့ကောင်းကင်ယံ မှာ ကြယ်တွေစုံရဲ့လား။တစ်နည်းအားဖြင့်ယမ်းခိုးငွေ့တွေချုံလွှမ်းနေတာဖြစ်တဲ့အတွက်သူတို့ တတွေရဲ့ ရပ်တည်မှုဟာ လုံချုံစိတ်ချရရဲ့လား။ကဗျာရေးတဲ့သူကိုယ်တိုင်ကသူတို့ဆီလှမ်းနေ ပေမယ့်လို့ သူ့ရင်ထဲမှာ ကြားနေရတဲ့သတင်းတွေနဲ့စိုးရိမ်နေတာကိုအထင်းသားမြင်နေရတယ် သူဟာဒီလမ်းမပေါ်မှာလျောက်နေရင်း ဘာမဟုတ်တဲ့ဟာတွေကသူတို့ကို လာပြီးနှောင့်ယှက် တာကိုရင်ဆိုင်နေရတယ်။ တနည်းအားဖြင့် အထက်အမိန့်အရ ဆိုပြီး အမိန့်ကြီးတကိုင်ကုိင်နဲ့ လာနေတဲ့သူတွေကိုဖြေရှင်းနေရတယ်။ သူတို့တတွေလုပ်နေတာဘာအတွက်လည်း။ ငြိမ်းချမ်း ဖို့။ မငြိမ်းချမ်းဒေသကပြည်သူ ပြည်သားတွေအတွက်တစ်ဖက်တစ်လမ်းက အားပေးဖို့။ အစိုးရ ကိုယ်တိုင်ကဖေါ်ဆောင်နေတဲ့ ပြည်တွင်းငြိမ်းချမ်းရေးကို တစ်ဖက်တစ်လမ်းက ကူညီအားပေး တဲ့အနေနဲ့ ကိုယ်ထမင်းကိုယ်စားပြီး ကြီးဒေါ်နွားလာကျောင်းပေးတဲ့ကိစ္စ။ အဲဒါကို အိမ်မှာခိုင်း ထားတဲ့ စာရင်းငှားတွေက အာဏာပါဝါလာပြနေတာကို ဖြတ်သန်းလာတိုင်းကြုံနေရတယ်။ ဘယ်လောက်စိတ်ပျက်စရာကောင်းလေမလည်း။ ခင်ဗျားတို့ပဲစဉ်းစားကြည့်ပါဦး။ ဒါဟာဖြစ် သင့်တဲ့အရာလား။ ဘယ်လောက်ပဲဥပဒေတွေရှိရှိ ဘယ်သူအတွက်လုပ်ပေးနေတာလည်းမ ကြည့်ပဲနဲ့ တရားဥပဒေလို့ပြောပြီး မတရားပုဒ်မတွေတပ်နေတာ။နိုင်ငံတော်ရဲ့ တည်ဆောက် ရေးလုပ်ငန်းတွေကိုနှောင့်ယှက်နေတာလား။ နိုင်ငံတော်ပိုင်ငွေတွေကိုအလွဲသုံးစားလုပ်နေတာ လား။ ဆူပူအုံကြွမှုတွေဖြစ်အောင် သွေးထိုးလှုပ်ဆော်ဖန်တီးနေတာလား။ အဲဒီမှတ်တိုင်တွေ ဟာ လမ်းမထက်ရှည်လျားနေမှတော့ ဘယ်ခရီးကိုရောက်မလည်း။ တစ်နည်းအားဖြင့် သမိုင်း မသန့်တဲ့သူတွေလက်ထဲမှာ ဘာတွေပဲရှိရှိညစ်ထေးစွန်းထင်နေမှာ အသေအချာပဲ။ ဒါဆိုရင် ကျုပ်တို့နိုင်ငံရဲ့ပြောင်းလဲရေး လမ်းမဟာပျောက်ဆုံးနေမှာပဲ။ နောက်ဆုံးသူပြန်လာခဲ့ရတယ်။ ပြန်လာခဲ့ရတဲ့အချိန်ဟာ သူ့အတွက်ဝမ်းနည်းဝမ်းသာခြင်း တွေရောယှက်နေခဲ့တယ်။ ညီနောင်သွေးခြင်းတို့ရဲ့ တစ်ဦးနဲ့တစ်ဦးခဏတာတွေ့ဆုံမှုမှာ ချည် နှောင်မိတဲ့ ကြိုးကတင်းတင်းရစ်ပတ်ခဲ့လေပြီ။ နိုင်ငံအတွက် ငြိမ်းချမ်းရေးခရီးရှည်ကြီးကို အားမလိုအားမရဖြစ်ခဲ့ပေမယ့်လည်း သွေးကစကားပြောခဲ့ရတာကို သူကျေနပ်ဝမ်းမြောက်ခဲ့ တယ်။သို့ပေမယ့်လည်း……………………………………………………………………………………… သူမှန်းထားတဲ့ပန်းဆိုတာတခြားဘာများဖြစ်နိုင်ဦးမှာလည်းးးးးးးးးးးးးးးးးးးးးးးးးးးးးးးးးးးးးးးးးးးးး။ စစ်သွေးအိမ် ၄ . ၅ .၂၀၁၃

“ ဒီဇင်္ဘာ…..၂၉ည …….ခဏနှင့်ကျွန်တော် ”

ဒီဇင်္ဘာလ၏အေးမြသောနှင်းစက်တို့သည် တုန်ရီချိနဲ့နေပါသော်လည်း တတ်စွမ်းသမျှလေးနှင့် နာမည်ပျက်စာရင်းမ၀င်သေးပေ။ခပ်ယဲ့ယဲ့ကျန်နေသေးသည့် အေးမြခြင်း၏အရိပ်အောက်တွင် နှစ်တိုင်းလိုလို ရောက်ခဲ့ဖြစ်သည့်နေရာလေးတစ်ခုကလွမ်းမောဖွယ်ရာများဖြင့် လွမ်းမောရင်း လွမ်းမောလို့မဆုံး။ မျိုးဆက်ဟောင်းဆိုသူတွေရော မျိုးဆက်သစ်ဟူ၍ ကွဲပြားခြားနားမှုသည် ခံစားနေမှုတို့အပေါ်တွင် ကွဲပြားခြားနားမှုမရှိတော့ပေ။ထိုအရာအားလုံးတို့သည် အ.ထ.ကဒိုက် ဦးလို့ခေါ်တွင်သည့်ကျောင်းပရ၀ုဏ်အတွင်းရှိ ကျောင်းရှေ့မျက်ခင်းပေါ်တွင် ဆင်နွဲနေသည့် အာစရိယ ပူဇော်ပွဲအကြို ညစာစားပွဲတွင် ရှင်သန်နေခြင်းပင်တည်း။ လပြည့်ညကိုကျော်လွန်သွားပြီဖြစ်သော်လည်း လမင်းကြီးသည်ကားဝိုင်းဝိုင်းစက်စက်သာနေ တုန်းပင်။အပြစ်ကင်းစင်သော ကလေးငယ်ကိုထွေးပိုက်ထားသလို ညဉ့်ဦးယံကို ထွေးပွေ့ထား ပေသည်။ဒီဇင်္ဘာ၏အေးမြခြင်း ၊ လရောင်၏နွေးထွေးခြင်းတို့အောက်တွင် ခံစားမှုမျိူးစုံတို့ဖြင့် အလှဆင်နေသည့်နှယ်။ဘူးဖေးသဘောမျိုးခင်းကျင်းထားမှုအပေါ်တွင် မိမိစားလိုရာများကို တချို့ကယူငင်စားသောက်နေကြသည်။အချို့က ခင်ရာမင်ရာအစုကလေးများနှင့်စကားလက် ဆုံကြနေသည်။တချို့က ကင်မရာတဖျပ်ဖျပ်လဲ့နေသည်။အချို့က ကာရာအိုကေသီချင်းဆိုနေ ကြသည်။အချို့က တချို့ကနှင့် အသီးသီးဆင်နွဲနေသော ညစာစားပွဲကလေးတွင် ကျောင်း သားများ၏ နှုတ်ဆက်မှုကို ငယ်မူပြန်အပြုံးများဖြင့်ပြည့်နှက်နေသော ဆရာများ၏မျက်နှာများ က နွေးထွေးအေးမြဆုံးဟု ထင်မိသည်။အော်…ပျော်နေကြသည်။တပည့်များနည်းတူအလွန် ဆရာများ။ ဤနေရာလေးသည်သာမာန်အားဖြင့်ကြည့်မည်ဆိုလျှင် ဘာရယ်မဟုတ်ဟုထင်မှတ်ကောင်းစ ရာရှိနိုင်ပေသည်။တကယ်တော့ ဒီလိုနေရာလေးကိုရောက်လာနိုင်ဖို့အတွက် ဆရာများမှာတစ် ဘ၀လုံးရင်းနှီးပေးဆပ်ခဲ့ကြရသည်။လစာထုတ်တိုင်းစာရွက်ကလေးကိုင်ပြီး ပြန်လာရသောနေ့ ရက်ပေါင်းများစွာကိုတွေးကြည့်ရုံနဲ့ပင် ကြက်သီးထမိသည်။တစ်လမှတစ်ခါရသောလစာငွေအ စားစာရွက်ကလေးတစ်ရွက်။ဖြတ်ကျော်ရမည့်တစ်လတာ။နောက်လှည့်တော့ကိုယ့်မိသားစု၏ စားဝတ်နေရေး…ရေး….ရေး….ရေး……။ကိုယ်တာဝန်ကျသည့် ရပ်မိရပ်ဖများ၏ကြည့်ရှုစောင် မမှုတို့နှင့် ဆွေမျိုးသားချင်းတို့၏အပေးအယူတို့ကြားတွင် ဗေဒါပျံကလေးများ အံကိုဘယ်လို များခဲခဲ့ကြရမည်ကို ပြောစရာစကားပင်မရှိတော့ပါချေ။သို့ပါသော် ၀မ်းရေးတစ်ထွာကို ငါ့ဝမ်းပူ စာမနေသာလို့စားရတယ်လို့ မရှိ။ကျပ်တည်းမှုတို့သည် မိမိ၏တပည့်များအပေါ်တွင်မည်သို့ သက်ရောက်မှုမှမရှိအောင်ပင် ဖြူစင်သောစေတနာတို့ကို ထိန်းသိမ်းခဲ့သည်မှာ ယနေ့ခေတ်နှင့် ယှဉ်ကြည့်လျှင်ထူးဆန်းသောလူသားများနှယ် မြင်နေကြသည်။ယနေ့လောကကြီး၏ နယ်ပယ် အသီးသီးတွင်ရှာဖွေကြည့်လျှင် ဤသို့သော်ပုဂ္ဂိုလ်များကိုတစ်ဦးကောင်းတစ်ယောက်ကောင်း တွေ့နိုင်သော်လည်း လောကတစ်ခုလုံးကိုကိုယ်စားပြုသောလူအစုအဝေးမျိုးကိုမြင်တွေ့ရန် လွယ်ကူတော့မည်မထင်။ထိုဥယျဉ်မှူးများ၏ ထွန်းလင်းပေးမှုများသည် တစ်မိသားစုအတွက် မဟုတ်။တစ်ရပ်ကွက်အတွက်မဟုတ်။တစ်မြို့နယ်အတွက်မဟုတ်။တစ်နိုင်ငံအတွက်မဟုတ်။ ဗဟုသဘောဆန်လျှက်နှင့် အနန္တအတွက်ဖြစ်ပေသည်။ ထိုအတိုင်းအတာမျှလောက်နှင့် ဤသို့သော်နေရာသို့ရောက်လာဦးမည်မထင်ပါနှင့်။ဆရာများ ခမျာနောက်ထပ်ဂိတ်တစ်ခုကိုလည်းကျော်ဖြတ်ရသေးပေသည်။ထိုဂိတ်သို့မရောက်မှီနှုတ်ဆက် သွားသောဆရာများသည်ကား ဤနေရာသို့မရောက်လာနိုင်တော့ပေ။တခြားမဟုတ် လုပ်သက် ပြည့်ပင်စင်နှင့်သက်ပြည့်ပင်စင်တို့ကိုကျော်ဖြတ်ရခြင်းဖြစ်သည်။ တစ်နည်းအားဖြင့်သက်လုံ ကောင်းသူများ၏ ပန်းတိုင်ဖြစ်သည်။ဤနေရာသို့ရောက်လာသောဆရာများ၏အလှသည်ကား ဆည်းဆာအလှသည်လား ဆည်းဈာအလှသည်လားတော့မသိ။သေချာသည်က အရောင် သွေးစုံလင်စွာတောက်ပနေဆဲပင်ဖြစ်သည်။ထိုထက်ပိုပြီးအသက်ဝင်နေသည်က နွေးထွေးစွာ ဖြာဆင်းနေသည့် လရောင်နှင့်အပြိုင်ဘယ်သူနိုင်ပါ့မလည်းဟု အပြိုင်ခင်းကျင်းနေသည့်ဆရာ များ၏အပြုံးများသာဖြစ်ပေသည်။တပည့်တစ်ဦးကနှုတ်ဆက်လိုက်တိုင်း တဖျတ်ဖျတ်ဝင့်ကြွား နေသည့်ကြယ်ပွင့်များလို အပြုံး။တနယ်စီဝေးကွာနေကြ၍ ယ္ခုမှဆုံစည်းရသောသူငယ်ချင်း များနှင့်လည်း ရေတံခွန်စမ်းရေစီးသလို တသွင်သွင်ကြဆင်းနေသည်။ဇရာညို ဆရာအိုတို့၏ တစ်ဦးနှင့်တစ်ဦး တွယ်တာဖေးမမှုများမြင်နေရသည့် ကျွန်တော်တို့အဖို့မှာ ၀မ်းသာရမည် လား ။ ၀မ်းနည်းရမည်လား။ဤအဖြေကိုမေးခဲ့သူရှိခဲ့လျှင်လည်း ဖြေဆိုရန်အင်အားရှိလိမ့်မည် မဟုတ်ပေ။တရားပဲသိသိမသိသိ။တရားပဲ ရှိရှိမရှိရှိ အမှတ်ကိုသုညသာရယူလိုက်မည့်အဖြေ လွှာ တစ်ခုသာဖြစ်သည်။ထိုအဖြေလွှာကို မှင်စွန်းခြင်းဌါမတတ်နိုင်ပါချေ။တစ်ခါတစ်ရံမူလအ တိုင်းထားလိုက်သည်က ပိုကောင်းတတ်သည်လည်းရှိပေမည်မဟုတ်ပါလား။လောလောဆယ် ကာရာအိုကေဆိုနေသည့်ဆရာများရှိရာသို့ မျက်နှာမူလိုက်မိသည်။တစ်ယောက်နှင့်တစ် ယောက် နောက်ဟယ်ပြောင်ရယ်နှင့် သီချင်းသီဆိုနေကြပါသော်လည်း အဆိုကမညံ့။သံစဉ်ယူ ၍ အာစရိယပူဇော်ပွဲအကြောင်း စာသားထည့်သွင်းထားသည်လည်းပါလိုက်သေး၏။အခုလို ကာရာအိုကေအစား အငြိမ့်များထည့်ပေးလိုက်လျှင်ကျွန်တော်တို့ဆရာတွေဘယ်လိုများအ စွမ်းပြလိုက်လေမည်နည်း။ ထိုဆရာများ၏တပည့်များဖြစ်သည့် ကျွန်တောတို့မှာသာ လေချွန် သံတောင်ဖြောင့်အောင်မချွန်နိုင်ခြင်းက ကျွန်တော်တို့၏ညံ့ဖျင်းမှုသာဖြစ်ကြောင်းသက်သေပြ နေသည့်မှာ ဆားပုလင်းနှင်းမောင်လက်ထဲ ကျဆင်းခဲ့ရသည့် တရားခံများနှယ်။လူပျိုသန်လှ လူအိုပေါင်ကျိုး လို့သာဆိုလိုက်ချင်ပါသည်။ ကျွန်တော်ဆရာများသီချင်းဆိုနေသည်ကိုအမှတ်တမဲ့ငေးကြည့်နေမိသည်။ ကြည့်ရင်းကြည့် ရင်းဖြင့် ရှေးရိုးဆန်ဆန်မြေ၀ိုင်းကာရာအိုကေ ၀ိုင်းကလေးသည် တစ်စုံတစ်ရာတို့ဖြင့်လွှမ်း ချုံ နေသလိုလိုခံစားလာရသည်။ဆရာတစ်ယောက်၏ “ ခေါင်းလောင်းသံတညံညံပေး x x x x x ရွာကျောင်းကို x x x ပြေးမြင်မိရင် x x xသတိရနေတယ်သူငယ်ချင်းရေ ”ကိုအမြဲလိုလိုဆိုနေ ကျသီချင်းတစ်ပုဒ် ကြားနေကြသီချင်းတစ်ပုဒ်ဖြစ်နေသောလည်း “ ကျွန်တော်တို့ငယ်ငယ်တုန်း အတူတူတက်ခဲ့ကြသူငယ်ချင်းများ ”လို့အစချီကာ သံစဉ်များတွင်ထည့်သွင်းပြောနေသည့် ဆရာ၏အသံမှာဥသြငှက်ကလေးများဝင်စားနေသည့်ဟန်ဖြင့်တုန်ရီမောဟိုက် ရိုက်ခတ်နေသံ ကြားတွင် ကျွန်တော်ယနေ့ခေတ် ယနေ့အခါမှနေ၍ ဆရာများ၏ငယ်စဉ်ဘ၀ကို မှန်းမျှော် ကြည့်သည့်အခါ အရိုင်းတောများပြည့်လွှမ်းနေမှုတွင် ဖြူစင်သောပန်းကလေးများကဖွေး လျက်။အရာရာသည် ပကတိအနှစ်အသားတို့ ရွှန်းလဲ့မှုအောက်တွင် ပြန်ဝဲ လွင့်စင်ကျလာနေ သည့် မျိုးစေ့လေးများကိုတွေ့လိုက်ရသည့်အခါ ပြီးဆုံးခြင်းနှင့် ရှင်သန်ခြင်းတို့၏တစ်ခုနှင့် တစ်ခုဆက်နွယ်နေသည့် ပြောင်းလဲမှုဖြစ်စဉ်ကို ပြက်ပြက်ထင်ထင်မြင်ကြည့်မိလိုက်ရင်း ၀မ်း သာမှု ၊ ၀မ်းနည်းမှု များဒွေးရောယှက်တင်လူးလာလှုပ်ခတ်နေမိသည်။ု တစ်ဦးပြီးတစ်ဦး သီဆိုသံတို့သည် ကျွန်တော်အနားတွင်လူပုဂ္ဂိုလ်တို့ပျောက်သွားစေသည်။ ဆရာတို့၏ခံစားမှုထဲတွင် ကျွန်တော်ခန္ဓာကိုယ်ကြီးလွင့်မျောနေသည်။အိမ်မက်ထဲတွင် သီချင်း နားထောင်နေသည့်ပမာ။ကျွန်တော်အနားတွင်ထိုင်နေသောသူငယ်ချင်းများက ဘယ်လိုနေ သည်မသိ။ကျွန်တော်က ခေတ္တခဏ မေ့နေသည်။မည်မျှစူးစူးနစ်နစ်ဝင်နေခဲ့သလည်းဆိုရလျှင် ဆရာတစ်ဦးက ချိုပြုံးသီဆိုထားသည့် တက္ကသိုလ်ကျောင်းကငွေလမင်း သီချင်းကို မရ ရအောင်လိုက်ဆိုနေသည်ကိုတော်တော်လေးနှစ်ခြိုက်နေမိသည်။ ကီးကလည်းဘယ်လိုမှမမှီ။ အဆိုလည်းမနိုင်ပါ။သို့သော်လည်း ထိုဆရာခံစားမှုများကိုကား သာယာနာပျော်ဖွယ် သီချင်းသံ ကဖုံးဖိ၍ မရနိုင်အောင် ရုပ်ပျက်နေသော်လည်း ခွင့်လွှတ်သည်းခံခြင်းမလိုလျက် ကျွန်တော် နားထဲတွင် လှနေသည်။လူတိုင်းယစ်မူးဖွယ်ဂီတသံသည် ဒီတစ်ခါတော့ကျွန်တော့် ဆရာတို့၏ နှလုံးသားအလှကို ခြေပစ်လက်ပစ်အရှုံးပေးလိုက်ရချေပြီ။တဆက်တည်းမှာပင် ထာဝရအလှ သည်ကို ကျွန်တော်တိတိပပ မြင်လိုက်ရသည်။ ထို့နောက် ကျွန်တော်ပြန်ရန်ပြင်လိုက်ပါသည်။အေးချမ်းနေသော ဒီဇင်္ဘာနှင်းစက်တို့၏အောက် တွင် ဆိုင်ကယ်ကို အရှိန်ဟုန်ခပ်ပြင်းပြင်းမောင်းလိုက်မိသည်။အဘယ်ကြောင့်ဆိုသော် ဤခ ဏတာခံစားမှုလေးကို တစ်ယောက်ထဲစိတ်ရှိလက်ရှိခံစားချင်နေသေးသည့်အတွက်ကြောင့် ဖြစ်သည်။တစ်နည်းအားဖြင့် မြင်ရတွေရခဲလှသည့် ထာဝရအလှကို ဆုံးရှုံးသွားမှာ ကြောက် ရွံ့ ခဲ့ခြင်းဟုလည်းဆိုနိုင်ပါပေသည်။ စစ်သွေးအိမ် ၁၀.၁.၂၀၁၃ ၁၀း၃၉ Am

“အလေအလွင့်ညထဲ….ဟိုဟိုဒီဒီ”

ညဉ့်နက်တော့ညဉ့်ငှက်။တစ်ညလုံးနီးပါးရော်နယ်ဒိုနှင့်မက်ဆီတို့ခြေထောက်ထဲပါသွားတယ်။ငယ်ငယ်ကသီချင်းတွေအော်ဟစ်သီဆိုခဲ့တဲ့လမ်းမကအိပ်လို့ကောင်းနေဆဲ။သူ့ရင်ဘတ်မှာဂွာဒီယိုလာကိုမော်ရင်ညိုအရှုံးပေးခဲ့ရသလိုပေါက်ပြဲလို့။ရေစိုခံအနာကပ်ပလာစတာတွေလဲးဟန်ပုံမရပါဘူး။တစ်ချက်တစ်ချက်သူ့အပေါ်တက်နင်းမိတိုင်းဆက်ခနဲတုန့်ပြန်မှုဟာအိပ်ချင်စိတ်တို့ကိုလန့်နှိုးစေတာပေါ့။တကယ်တော့ကျုပ်တို့အားလုံးဟာရာသီတွေပဲ။ဒီစကားဟာအရင်ကဆိုရင်ပြောလို့ရမယ်မထင်ဘူး။အခုတော့ရာသီတွေလဲးသေဆုံးတတ်လာပြီမို့ထပ်တူကြတယ်မဟုတ်လား။ဒါဟာသွားလာနေခြင်းရဲ့တံခါးပေါက်ထဲယိုစီးကျလာတဲ့သတင်းအသစ်။လူတွေပါးစပ်ဖျားမှာနေရာမရွေးအော်ဟစ်သီဆိုနေတဲ့သီချင်း။အနာဂါတ်ကိုလှမ်းမျှော်လွမ်းရင်းရေကန်ထဲငါးတွေပြုတ်ကျသွားလေမလား။လတ်တလောကားရိုက်ရပ်နားထားတယ်။အကြောင်းကလက်လုပ်လက်စားတွေလက်ထဲမှာစုဆောင်းငွေနည်းနေသေးလို့။ကိုယ့်အခန်းထဲမှာလွင့်ပျံနေတဲ့ပူစီဘောင်းတွေလေထဲတလှုပ်လှုပ်။သတိမထိရ။မကိုင်ရ။“ဟေ့…တော်ဝင်ပြတိုက်ထဲတကယ်သွားရမှာငါတို့ကွ”ဆိုပြီးဖွင့်ထားတဲ့လမ်းကိုလမ်းဖွင့်ထားတယ်။နောင်ရေးလားနောင်ရိုးတိုက်ပွဲမှာကျသွားပြီ။ယနေ့ထိအမျှဝေတာမရရှာဖူးနဲ့တူပါတယ်။ထင်တယ်။သမုဒ္ဒရာဝမ်းတစ်ထွာလို့ပြောခဲ့ကြလို့ပဲဖြစ်မယ်။တကယ်တိုင်းကြည့်ရင်တချို့ကကျော်နေသလို၊တချို့လိုနေတယ်။အဲဒီစကားမမှန်ဘူး။စားလို့ကောင်းအောင်ပြောနေတာ။ ဒီလိုပြောလို့နာစရာလို့မထင်ရအောင်ထုံသွားပြီ။အပေါ်နှုတ်ခမ်းနဲ့အောက်နှုတ်ခမ်းဆိုတာနှုတ်ခမ်းနီဆိုးရုံပဲလား။ကြိုးဝိုင်းသစ်တောပဲကြားဘူးတယ်။ကြိုးချညသစ်တောဆိုတာမကြားဘူးတာနဲ့ဗဟုသုတပြည့်စုံတော်မူသောပညာရှိကိုရှာနေတုန်းဇီးကွက်တစ်ကောင်ရောက်လာတယ်။ဒါနဲ့မေးမယ်ဆိုပြီးဟန်ပြင်နေရုံရှိသေးတယ်“ရှုးတိုးတိုးငါ့ဟာငါတောင်လူတွေနဲ့မတွေ့ရဲလို့ညဘက်ကြမှအစာရှာထွက်ရတာဘယ်လိုလုပ်ပညာရှိဖြစ်မှာလဲး”တဲ့။ထပ်ပြီးရငဖွင့်သွားသေးတာက“သူများအသက်ကိုအစာအနေနဲ့ရှာစားရတဲ့ငါကလဘ်ကောင်ဖြစ်နေတာအံ့သြတယ်”။ငါ့ထက်ဆိုးတာကအသံကြောင့်ဒုက္ခရောက်နေတဲ့လင်ကောင်ပိုးပဲ”။တကယ်ဆိုသူဟာငါ့နေရာမှာရှိပြီးငါကသူ့နေရာမှာရှိရမှာ”ဆိုပြီးပျံသွားတယ်။လှမ်းကြည့်မိတော့တမျှော်တခေါ်အမှောင်ထုထဲပျော်ပျော်ရွှင်ရွှင်တိုးဝင်သွားတယ်။ခက်ချေပြီ။ကလေးတွေကိုပညာရှိသုခမိန်ကြီးလို့အားရပါးရပြောပြခဲ့တာတွေအခုအလကားကောင်ကြီးလို့ပြင်ဆင်မ၀ံ့ရေးခြာမ၀ံ့မရဲ။မှားတာမှန်တာတွေမျက်စိမှိတ်။အလျော်အစားကြီးတဲ့ဖဲဝိုင်းဝင်မရိုက်ရဲပေါင်။ဟုတ်ကဲ့လို့ခေါင်းအမြဲငြိတ်တဲ့ပေါက်သင်ညိုလဲးအဖေါ်ဘ၀ပြောင်းရှာပြီ။လစ်ဗျားမှာသူပုန်အစိုးရအောင်ပွဲခံနေပြီဆိုလား။အာဆတ်ကတော့အာမခံချက်တောင်းနေတယ်။ကင်းဝန်မင်းဦးကောင်းတစ်ယောက်ရှေးဟောင်းနောက်ဖြစ်ဆွေးနွေးပွဲကျင်းပမယ်ဆိုလား။ကျင်းပမယ့်နေ့ကနွေရာသီအလယ်တည့်တည့်မှာတစ်ယောက်နှင့်တစ်ယောက်ယပ်ခပ်ပေးရင်းဒူးတိုက်၊ခေါင်းစိုက်၊အိပ်နှိုက်ပြောကြမှာဆိုပဲ။လေးဖြူကသူ့ဂီတဖျော်ဖြေပွဲမှာတစ်ပာင်းဝက်ကအမျိုးတွေပါလို့ဝန်ခံတယ်။ အဲဒီညဇာတ်ညွှန်းရေးဆရာတစ်ယောက်နဲ့တွေ့တယ်။ဇာတ်လမ်းကဖတ်ထားတာကြာပြီ။အဖေနေမကောင်းတာနဲ့အခုမှစဖြစ်တာ။အသက်ကလေးကတစ်နေ့ပြီးတစ်နေ့ဝါးမြိုလာရတာကြာပြီဆိုတော့ရော်လာပြီလေ။ဒီတော့တမျိုးပြောင်းဖို့ကြိုးစားနေတာလည်းပါတာပေါ့။လေသံချိုချိုလေးနဲ့တောင်းပန်ရရင်တော့“ကျွန်တော်အသစ်ပေးချင်လို့တကယ်ကြိုးစားအလုပ်လုပ်ရင်းကြာသွားတာခွင့်လွှတ်စေချင်ပါတယ်ပေါ့”။ပြီးတော့မှRဇာနည်လိုမင်္ဂလာပါလို့အော်။အဆင်ပြေရင်လက်ခုပ်သံလေးကြားချင်တယ်ကနောက်ဆက်တွဲပရိတ်သတ်ဆိုတာကိုယ့်ဘာသာလက်ခုပ်တီးတဲ့ကိစ္စမလိုတော့မှန်းသိလိုက်ရတယ်။ခိုင်းတဲ့အခါမှာနောက်ကလိုက်လုပ်ပေးတာပရိတ်သတ်လို့ခက်ဆစ်အဖွင့်မှာပြင်ရမယ်။ဒါမှအားလုံးညီညွတ်သွားမှာဘယ်သူပါသေးသလည်းလို့ကြည့်မိတော့ငွေကိုအတိုးနဲ့ချေးပြီးနာမည်တစ်လုံးရထားတဲ့သူကိုတွေ့မိတယ်။ခင်ဗျားပွဲတွေဘာတွေမကြည့်ဘူးလားမေးကြည့်တော့“ကျုပ်အတွက်အားလပ်ချိန်ဆိုတာရယ်၊ကိုယ့်အတွက်မအားလပ်တဲ့အချိန်ရယ်ဒီနှစ်ခုထဲနဲ့တောင်မလာက်ငှဘူး”တဲ့။ဖြစ်နိုင်ရင်ပဉ္စမကမ္ဘာကတောင်လှမ်းယူလိုက်ချင်သေးတယ်”ဆိုပြီးထွက်သွားလေရဲ့။ရွှီခနဲ။အနားပတ်ဝန်းကျင်ကမြွေတွန်သံထင်ပြီးလန့်သွားကြတယ်။ထင်တာတွေဖြစ်တတ်လွန်းလို့လေ။သို့ပေမယ့်အားလုံးကမေတ္တာပို့သတ်သတ်ချည်းပါပဲ။ဒီအချိန်လေးမှာပဲ“အပျော်ဆိုတာရယ်…ငွေကုန်ခံနိုင်ရင်အကောင်းဆုံးပဲ”ဆိုတဲ့ပွဲကြိုက်ခင်သီချင်းဘယ်သူဖွင့်လိုက်လဲမသိဘူး။မျက်စိထဲမှာတော့ကားလိပ်ကြီးတင်လိုက်ချလိ်ုက်နဲ့လကခုပ်သံတွေတဖျောင်းဖျောင်းတီးနေတာကိုမြင်ယောင်မိတယ်။သြော်ပွဲတဲ့။ ယာနီ(yani)ရဲ့ဂီတဖျော်ဖြေပွဲကရင်ကိုလှုပ်ခတ်မြူးကြစေတယ်။အဆိုမပါအတီးသက်သက်လူးလိမ့်ပြေးလွှားခုန်ပေါက်နေတဲ့သံစဉ်ကြားမှာထခုန်ရတော့မလိုလို။စန္ဒယားပေါ်မှာပြေးလွှားနေတဲ့သူ့ရဲ့လက်တွေကတောက်ဆုံးသစ်ရွက်အတွက်ဘ၀ကိုစတေးပြီးစီးဆင်းရမယ့်စမ်းချောင်းလေးလို။ဘင်လာဒင်ကကျော်ဟိန်းပြောခဲ့သလိုဆယ်နှစ်ဆယ်နှစ်။အင်းလေသံတွေနောက်မှာပုန်းကွယ်နေတဲ့အရာတွေဟာတကယ့်အဖြစ်အပျက်အကြီးကြီးတွေ။ယာနီကခန်းမထဲမှာရှိတဲ့ပရိတ်သတ်အားလုံးကိုတပြိုင်နက်ထဲလက်ခုပ်တီးစေတာပေါ့။မြင်ရတွေ့ရတာနဲ့တင်ကျေနပ်စရာ။ဒါဟာမကောင်းဘူးလား။မျက်လုံးမပါပဲသတ္တိ ကြောငသူများအတွက်တော့မသိဘူးပေါ့။ကျန်တဲ့သူတွေကတော့ကောင်းတယ်လို့ဖြေမှာပဲ။ မဟာလူသားတွေရဲ့စွမ်းဆောင်ချက်ကကမ္ဘာကိုသဘာဝအတိုင်းလှနေဖို့ဆိုရင်ဘယ်သူပဲဖြစ်ဖြစ်အလိုလိုလက်ခံပြီးသားပဲ။အခုတေ့နည်းပညာတွေရဲ့အောက်မှာမျက်နှာငယ်နေရတဲ့ကမ္ဘာကြီး။ကမ္ဘာ ကြီးရဲ့အပေါ်မှာမျက်နှာငယ်နေရတဲ့လူ။တပ်မက်မှုအောက်မှာငိုကြွေးနေရတဲ့ကမ္ဘာကြီး။ကမာကြီးရဲ့အပေါ်မှာငိုကြွေးနေရတဲံလူ။ချုပ်ကိုင်မှုတွေအောက်မှာမွန်းကျပ်နေရတဲ့ကမ္ဘာကြီး။ကမ္ဘာကြီးရဲ့အပေါ်မှာမွန်းကျပ်နေရတဲ့လူ။ စစ်သွေးအိမ် (ညီညွတ်ရေးပိတောက်ပွင့်သစ်မဂ္ဂဇင်း)