သိုင်းဝတ္တုဖတ်ခြင်း

ကျနော်မှာ ဂရုတစိုက်မေတ္တာထားမယ့်ညီတွေမရှိဘူး ကျနော်မှာ လိုအပ်တိုင်းအပြေးရောက်လာမယ့်အစ်ကိုတွေမရှိဘူး ဒါကြောင့် သိုင်းဝတ္ထုဖတ်တယ် ။ ကျနော်မှာ အာသာတငန်းငန်းလူတန်းစားအတွက်ငွေကြေးမရှိဘူး ကျနော်မှာ လူတကာလေးစားလောက်တဲ့ရာထူးမရှိဘူး ဒါကြောင့် သိုင်းဝတ္ထုဖတ်တယ် ။ ကျနော်မှာ သစ္စာတရားပေါ်ခြေချထားမယ့်ခြေတစ်ဖက်မရှိဘူး ကျနော်မှာ လက်စားချေခွင့်ရထားတဲ့လက်တစ်ဖက်မရှိဘူး ဒါကြောင့် သိုင်းဝတ္ထုဖတ်တယ် ။ ကျနော်မှာ လေလွင့်ရင်းလိုချင်တာရှာဖွေခွင့်မရှိဘူး ကျနော်မှာ တစ်ကိုယ်စာကာကွယ်ရေးစနစ်သင်ကြားခွင့်မရှိဘူး ဒါကြောင့် သိုင်းဝတ္ထုဖတ်တယ် ။ ကျနော်မှာ စွမ်းအားမြှင့်ဖို့အတွင်းအားလွဲပြောင်းပေးမယ့်သူမရှိဘူး ကျနော်မှာ အမုန်းတရားနဲ့ပစ်လိုက်တဲ့အဆိပ်တွေစုပ်ထုတ်ပေးမယ့်သူမရှိဘူး ဒါကြောင့် သိုင်းဝတ္ထုဖတ်တယ် ။ ကျနော်မှာ ကိုယ်ဖေါ့ပညာနဲ့အပေါ်ကနေမပျံနိုင်ဘူး ကျနော်မှာ ကိုယ်နဲ့မကွာဆောင်ထားရမယ့် ဓားကောင်းတစ်လက်မရှိဘူး ဒါကြောင့် သိုင်းဝတ္ထုဖတ်တယ် ။ ကျနော်မှာ ကိုယ့်ဆီပြေးလာတဲ့လက်နက်ပုန်းတွေမရှောင်တတ်ဘူး ကျနော်မှာ လက်အိုးထဲဖွက်ယူလာမယ့်စာတစ်စောင်မရှိဘူး ဒါကြောင့် သိုင်းဝတ္ထုဖတ်တယ်။ ကျနော်မှာ ကလေးဘဝကလိပ်ပြာတွေမဖမ်းခဲ့ရဘူး ကျနော်မှာ ကြီးကောင်ဝင်လာတဲ့အခန်းကျဉ်းထဲကနေထွက်မရဘူး ဒါကြောင့် သိုင်းဝတ္ထုဖတ်တယ် ။ လူတွေမျက်စောင်းထိုးတယ် လူတွေအထင်သေးတယ် မိဘကအားမလိုအားမရဖြစ်တယ် ဘက်ပေါင်းစုံကလွင့်လာတဲ့ အသံမြားတွေကို ကျနော် သိုင်းဝတ္ထုထဲက ကျင့်စဉ်တချို့ကြောင့်လွတ်မြောက်လာတယ် ဒါကြောင့် ကျနော် သိုင်းဝတ္ထုဖတ်တယ် ။ စစ်သွေးအိမ်